رفيجتي القديمه ؟؟؟

[حجية قدرية]

عندي رفيجه قديمه كنت أحبها وارتاح لها بس بيوم صار سوء فهم وأنا قاعده أحاول افهمها وأهي موراضيه ترد علي وقطعنا عن بعض فتره طويله وقبل جم شهر دقيت عليها أسأل واتطمن عنها كلمتني عادي وصرنا عادي نسولف بس مو نفس قبل أنا ادخل وتساب أسأل وأسولف وساعات آهي تشوف بس تحقر !!! وتقولي ترا واتسآب معلق عندي وكل مره تقولي عذر !! ومره دقيت عليها وما ردت ورديت دقيت ولا إدز مسج تقول منو ؟؟ إنا أنمسحوا الأرقام عندي !!! معني أعرفها لي دق أحد ترد تدق أو ما تدق بس ما تدز مسج جذي !!! والأسبوع إلي طاف صارحتها بالسالفه إلي صارت من زمان والي فرقتنا وقلتلها ترا بس سوء فهم وأنا لو ما أعزج مادقيت عقب هالفتره والمصيبه آهي تنكر !!!!!!!! أقولها إنتي قلتيلي كذا كذا تقولي لا ما قلت !!!!! قلت والله العظيم أنا متأكده مثل ما أنا متأكده من اسمي !!! وأهي تدري أنها قايله هالحجي بس تنكر !!!!!!!!! قسمن بالله ترد بكلمه كلمتين واعذارها سخيفه معنه إلي صار سوء فهم وأهي ما حاولت تناقشني أو شي سيده اختفت !!! وقلتلها ترا أنا قام أصلح الغلط إلي صار وافتح معاج صفحه يديده وأهي من ذاك اليوم ميح !!!! أدق ما ترد وتساب ما ترد السم الهاري ماترد !!! حز بخاطري والله مادري شتسمونه هذا ؟؟ هروب وعدم مواجهه ؟؟

 

[Tom ♥ Jerry]

,


مادري ليش قاعد تسوين كل هاذا .. :/
لو رفيجتي تسوي فيني جذي ما تشوف شر و الله ..
حياتي مو متعلقه فيها و الي ما يبينا ما نبيه
خليه عنج و كملي حياتج طبيعيه ..
باجر الله يعوضج بوحده احسن منها و تسواها ..

 

[HaAaDoOol]

مالج شغل فيهاا حقريهاا واذا كلمتج لا تردين علييهااا سووي مثل مااتسووي اهيااا بعدين اهياا ماتبيج ليش انتي قااطه رووحج عليهاا وانشاءالله الله يعووضج بالي احسن منهااا

 

[@ مسكـ @]

والله يااختي من باعج بيعيه

ولا تكدرين خاطرج ..عشان احد

" من لايقدر وجودك لاتعظم غيابه"

/

 

[Nmnoum]

طآآآف ., حبيبتي ليش تعورين قلبج على ناس ما يعورون قلبهم عليج
وين يحصلها رفيجة ترد و تفتح صفحة يديدة ؟!!

تصيرين رفيجتي ؟ هههه

أنا اقول انسيها موو كفوو ما تستاهل
ولاتلومين نفسج لأن والله فيج خير بس إهي مو كفو

 

[رمضانه]

ختولي خلاص اهيه الخسرانه بتخسر صديقه كانت تعزها وتحبها وعادتها اخت
صيري رفيجتنا انا ونمنوم احسلج هههههههههه
انا عندي رفيجه مثل سالفتج وصار سوء فهم وتهاوشت معاها وعقب ماعرفت اني ظلمتها اعتذرت باحلى الطرق جني واحد معجب بوحده
وورد لي البيت واحبج واسفه وماراح اصدق احد وظليت ٦ شهور جذي وكل مره ادزلي منو انتي مو عارفتني لانها ماترد على رقمي ترد من رقم غريب شريت خط عشانها واكلمها مسجات قتلها الحين بييج البيت وتعرفين منو وخافت حسبالها واحد هههههه ورحت جاملتني وبعدين قامت ماترد تتعذر اعذار بايخه قلت خلاص كيفها انا بينتلها اني شاريه صداقتنا وتاسفت وايد بس بتحقرني عيب صراحه
انا اسامح وافتح صفحات مو صفحه مع المنافقه وانسا اللي صار وهاذي عقب كل الاسف واللي سويته وهدايا وورد وفلم ماسامحت
وبالصدفه تعرفت على رفيجتي بنادي وقامو يسولفون عني بدون مايدرون انهم يسولفون عن وحده واخر كلامهم عرفو اني وحده هذيج قلبت ويها على رفيجتي لانه رفيجتي قالت لها فلانه تنحط عالجرح يبرا قلبها ابيض
وبس الله يوفقها ويهديها

 

[Môre N!Ce]

كلمة وحدة ..

( هدّيها ) .

 

[حجيه هيونه]

امممممممخلاص اتركيها عنجانتي ماقصرتي وبادرتي كذا مره وحاولتي تصلحين الوضع بس واضح انها ماتبي

 

[* ليــــدي *]

آبعدي عنهآ فترهـ

يمكن اهي كآنت تحبج حيل وجرحتيها ..
في نآس اذا حبوا شخص حييل وارتاحوا له .. وغلط بحقهم ينجرحون حيل فـ تلقينهم ينسحبون ويتغيرون لان مجروحين او مصدومين ..
فـ من رايي اتركيهاااا لما تنسى الموقف و من نفسها بترد ان شاءالله

 

[اميره1980]

الحين الصداقة الحقيقية نادرة حبيبتي
على شنو شاريه صداقتها ؟؟ خليها تروح
من باعنا بعناه
اقصاها رفيجة مو اختج او صله رحمج علشان تتمسكين فيها جذي بهالطريقة
حيل ذليتي نفسج و نزلتي من كرامتج حق شي ما يسوى

 

[مريومه النزغه]

طنشيها صج موكفو

 

[النوري نور عيني]

من عافنا عفناه لو كان غالي ..

 

[غراوي]

ياما وياما شفنا
اللي باعج بيعيه والله هالمثل مانقال عبث
طنشيها بس اذا صج تدرين انها مطلعه عليج حجي
كافي تقولين بوجها حسبي الله ونعم الوكيل فيج
خليها اتخسبق

 

[coralia]

حبيبتي شاللي حادج عليها ؟؟ تركيها وريحي بالج لا تشغلين بالج على وحدة ماتستاهلج .. ​

 

[فطوم 84]

اللي تشوف نفسها والله اتركها وجنه العيد تولي ترا اغلب صداقات هالوقت مصالح والله ترافجج لمصلحه وعوووووه بنات هالوقت """شخباري راحت الصداقات السنعه قبل مو هالوقت ""انا ماحب وحده ماتعبر اومغروره شايفه روحها دلييييت واريح بالي لوسنيييييين وياها اهم شي عزة نفسي وتحشمني وتحترمني ""وحمدلله كل صديقاتي محترمات واحترمهم وبس واييد هذرت

 

[granted]

اي شحقة تبطلين الموضوع
خلاص جرح وقاعد يتسكر اتقومين اتفتحينه
خلاص انسسي السالفه ومو لازم تعرفون منو الغلطان

 

[نعومه مرة]

والله اللي حبنا حبناه وصار متعنا متاعه

واللي كرهنا كرهناه يحرم علينا اجتمااع

والله لو صديقتي تسوووي كذااا

ماعبرهاا مرة تاانيه ابددد

سلاماات ليش حياتك واقفه عليهااا

بالسلاامهوالله

ولو هي تعزك وتقدرك بجدد كاان من اول لا كلمتيهاا نسيت كل اللي صار

بس واضح انك مانتي فارقه معاهاا

موفقه

 

[_كلي دلع_]

{{ من بآعني بتراب ابيعه بدم }} ..

لييش متضـآيقة علشانهاااااا طنشيهااا ..^

 

[ليه الجفآ]

عطيها طاااااااااف ...

وامسحي رقمها من عندج .. انا ماادري شتبين فيها واهي حاقرتج ..

بينتي الموقف وهم ماتحس خلي تولي هذي بياعه

..​

 

[شفايف كرزيه]

اللي عليج سويتيه دقيتي وسالتي ووضحتي الامور بس اذا اهي مو قاده تنسي او تفتح صفحه جديده
مشكلتها
ونصحيه
ابعدي عنها واذا شاريتج بدق عليج