رفيجتي الأنانيه شالدبرة معاها ؟

[شقرديه ونص]

السلام عليكم ..
شلونكم بنات .. بدش بالموضوع .. عندي رفيجه من 3 متوسط المهم أهي غيوره حيل بس ماتصرح لكن حركاتها تفضحها .. مرت سنين وأفترقت مع بعض صديقاتي العزيزات ولا بيوم رفيجتي اللي كانت معاي ب 3 متوسط تشوف وحده من رفيجاتي القدم وهالرفيجه غاليه علي وكله أحلم فيها تشفقت إني أحلم فيها دوم .. مشاغل الدنيا فرقتنا وماقمنا نعرف أرقام بعض

جان أقول لرفيجتي أم 3 متوسط وانا طايره من الفرحه سلمي عليها تكفين وقولي لها أبي رقمها جان تقولي ( جب ) !! قلت شفيج ؟ قالت ماراح أقولها واجيب طاريج عشان تواصلون مع بعض وتهدوني :eh_s(10): أنا أنصدمت منها مو لهدرجه غيره قلت من صجج إنتي ؟؟ قالت إي .. قلت لها ماتوقعتج جذي أنانيه مشكوره جان تقولي العفو !! قهرتني غيرتها عاميه قلبها
مع إنها أحيان تنساني مع رفيجاتها اللي بالجامعه !! ومره أنقطعت عني وحاولت توصلني لكن وحده من رفيجاتنا ما عطتها رقمي وكانت زعلانه .. وذكرتها وقلتلها تراج عشتي بنفس الموقف صرتي مثل اللي منعوج عني قالت ( إي ) !! جان تقولي أبيج حقي بروحي !! قلت لها بس خذيت عنج نظره وخليتها

قهرتني حرمتني من صديقه عزيزه تعبت أدور عليها وأدري إنها تدور علي
حسبي الله على الضن الشين اللي يبي يفرق الطيبين
شنو السواة مع رفيجتي الأنانيه وشلون أتصرف معاها ؟ طاحت من عيني صراحه

 

[Tom ♥ Jerry]

,

آمبيه ! شنو ابيج حقي بروحي:/
هاذي مريضا نفسيا :/

 

[mf6nt el3lat]

عقلها صغير الحمدلله والشكر رفيجتج بتوصلين لها ان شاء الله الكويت صغييرة .. وهاذي رفيجتج خليه كم اسبوع تعدل شوي وتحس بغلطهاا .. والله يكووون بعونج

 

[عادت ذكرياتي]

مثل ما قالوا الكويت صغيرة وراح تجمعج الأيام بإذن الله فيها

 

[غلا السبيعي]

شووفي غلااتي هذي مووصديقه هذي جاالسه معك لمصلحه اول
مااتشووف فرصه ممتازه بتسحب عليك وترووح وراا مصاالحهاا
عشاان كذا انتي اتركيهااا وخلي علاقتك فيهاا سطحيه سلام وكلام من بعيد
والله يجمعك مع غااليك

 

[هنا22]

مشكله يعض النساء الغيره حتى على الصديقه مع اني اشوف انه الصديقه لازم يكون الها ولاء لصديقتها يس مو حد التمللك يعني شنو تقول ابيج حقي ههههههههههههههه يمكن انتو صغار

 

[حياتي وأنا كيفي]

انا اقول يا بنات ما عليكم من رفيجات ولا بطيخ
ياما رفيجات يحفرون حق بنات زينات بس بهدف الغيره
تعودي يكونون لج رفيجات من كل الانواع و لا تخلين بنت تمشيج على هواها
خلي لج خطوطج الحمرا

 

[هناء - Hana]

هههه يعيني شقصدها ابيج بروحي شهالانانية الزيادة على اللزوم الي عليها..يمكن تحبج؟؟

 

[شذى2007]

هههههه حركات بزران ليش تسوي جذي غريبه حقي بروحي ؟؟؟؟؟

 

[هناء - Hana]

لحظة جم عمرج؟؟!

 

[عيوني شقااقيه..]

لا حول ولا قوه الا بالله الله يهداها و يشفيها

 

[MnoOoLy]

الأنانية مررررررض

يعني ب اختـصآر ماله علاج ، اقطعي علاقتج معاها و فكي روحج ، و لا تقوليج عشرة عمر و من 3 متوسط ..
العشرة مع هالنوع ما تنطـآق .. يعني بتعورين قلبج و راسج دامج معاها ..​

 

[DaLoo3t BaBaTii]

.



آنآ رفيجتي من آلآبتدآئي مشتآقتلهآ و كل فترة آحلم فيهآ


و بين فترة و فترة آشوف آمهآ آو آختهآ ! بس دايما انسى آخذ رقمهآ منهم !


شسويت !؟ بآلنمبر بوك آللي بآلآيفون تكتبين آلآسم يطلعلج رقمهآ ..

كتبت إسمهآ ، طلع لي رقمين سيفتهم

و حاجيت اول رقم قلت فلانة ؟ قالت اي !

و لقينآ بعض آلحمدلله « فلم هندي آحنآ

.​