رفيجاتي :(

[MC ANFAL]

السلام عليكم و رحمة الله و بركاته
بنات انا مشكلتي حيل طويلة بس ابي اختصرها اخاف ااذيكم
بنات رفيجاتي حييل مظايقيني يعني تخيلوا كل وحده تقعد تسولف لي عن حبيبها و تبيني اساعدها !! و انا اصير حيوانه و اساعدهم بس لاني ابي اشوفهم مستانسين و انا يقطوني بعدها ولا يدرون عني
بنات و المشكله ترى احنا اعمارنا 14 و فوق الا انا 13 !
بنات انا والله شكثر انصحهم يوخرون عن هالطريج بس ماكو فايده
و المشكله وحده منهم تكلم لبناني و ابوها درى و زفاها و طقاها ولا ماكو اي فايده و ليلحين تكلمه مسن و ميته عليه !!
حتى تخيلوا هذاك اليوم تقولي انتي شتبين انا بكلم وحده مصلحجيه بس ما اكلمج !! الحين بنات انا ليش جذي تقولي بعد ما كنت اساعدها و اسويلها المستحييييييييييل جذي اتييه تقولي !!
و يعني صج مو من صجهم كل وحده اتيي تقولي عن حبيبها و تمشي بس همهم الصبيان,,اوكي بنات انا صج كلمت مره بس بعدها ندمت و خلاص ما راح اعيدها لان محد راح ينفعني غير ريلي
بس رفيجاتي حييل باطين جبدي
الحين مادري شسوي اظل معاهم ولا ادورلي على رفيجات يدد ولا شنو
و مشكوريين و سوري على اني طولت

 

[• الْـڪَـونّتيسَـہٌ «]

رد : رفيجاتي



،


حبيبتي ابتعدي عنهم هاذولا رفقآآء السوء

انتي مكانج مو معاهم مكانج مع الافضل منهم

خلاص انتي نصحتي وسويتي اللي عليج , , بالطقاق اللي يطقهم

( اللي مايباك لاتصييح تباه )

لاتمشين ورآآهم صدقيني بتتعبين

دوريلج رفيجات من نفس شخصيتج وطبعج وسوالفج !

وهآذا رآيي واتمنى تتقبلينه =)

 

[GOLDEN___ASHES]

ابعدي عنهم

مو يعني تقطعينهم مرة وحده
لمن تشوفينهم بس سلمي عليهم واذا تبين تكلمين سولفي عن مواضيع ثانيه عشان يحسون انج تغيرتي ويتشجعون اهما بعد وقللي اتصالتج وبعدين اقطعيهم مرة وحده لمن تشوفين ان الوقت مناسب وعلاقتكم صارت سطحية

دوريلج بنات سنعات حق الصداقة والسنعة تبين من طريقة لبسها وكلامها حاولي انج تقربين منهم واذا ما قدرتي او ما تعرفتي على اي وحده خذي قاعده مهمة ان في يوم من الايام راح تتعرفين على وحده حبوبة وتغير حياتج وتشاركج افكارج بإذن الله مو شرط ان هل انسانة راح تحصلين عليها مرة وحده لا كلما تكبرين راح تتعرفين على بنات يدد وحبوبات الي عليج انج تحافظين على صلاتج وتركزين على انج تنمين معرفتج من خلال القراءة وممارسة اشياء مفيدة وحبيبتي الزواج قسمة والنصيب و ربج اهوا الي قادر على كل شي فاهو الرازق اهم شي رضاه بالدنيا لانج اذا بتسعين الى مرضاة ربج شي طبيعي راح تكونين انسانة واصلة رحمج وتحافظين على لسانج وتسترين على نفسج وغيرج باختصار راح تكونين انسانه ايجابية باذن الله والتوفيق والبركة ما يفارقج باذن الله



هل نوعية رفيجات ما ييبونلج الا المشاكل واي وحده بتشوفج معاهم بيحسبون انج مثلهم فاختاري الصحبة الصالحة الي تفيدج وخلاص انتي كلمتي وغلطتي ولله الحمد تبتي الحين انسي هل موضوع

وما عليج من هل نوعية هم يعانون من نقص بس انتي عاقل والله يحبج سملة عليج وعسى ربي يرزقج بالزوج الصالح الي يخاف الله فيج قولي امين

 

[نبتة غلا]

هذل مورفيجات
هذيل بنات ضايعات
والعقل مو بالعمر
اسم الله عليج اصغرهم واعقل منهم
ونوعية هالبنات ماوراهم غير الفضايح ومامنهم منفعه لا بالدنيا ولا بالاخره
حتى بينهم وبين بعض ماراح ينتفعون
خليج اعقل منهم وكبري عقلج لانج احسن منهم
واخلاقج ابرك منهم ولا تخلين هالاشكال تلوثج او تشوه سمعتج
عطيهم اكبر طااااااف بالدنيا
ودري غيرهم رفيجات يناسبونج ويناسبون عقليتج
ماشاالله عليج تبارك الرحمن الله يحفظج يارب

 

[أسيرة_أحزاني]

رد : رفيجاتي

الله يثبتج بعقلج
وترا دامج ببداية عمرج دوريلج الي ينفعج لنفسج مو لهم

هذيل ادعيلهم الله يهديهم ومع السلامه

 

[تنآهيد ..~]

هذيل مآ يتسمون رفيجآت آلله يستر عليج منهم
حبوبه ديري بآلج نصيحه وحآولي تسحبين نفسج منهم شوي شوي
تعرفي لج ع بنآت سنعآت من نفس أخلآقج وصيري معآهم دايماً أمآ هذيلآك
حآولي تنصحينهم عشآن تآخذين الأجر وإدعيلهم بالهدآيه , وعسى ربي يوفقج =)

 

[≈ ω ђ ṃ]

رد : رفيجاتي

^^

ربي يستر عليهم ~
شنو هذآ ؟


ديري بالج

وآنتبهي من هالفئه !!


الي خآنت آهلـهـآ مآرآح تصونج !!


ديري بالج وخل يولوون


دوري على بنآت خآيفآت ربهم قبل النآس~

 

[مــســك]

لاحول ولا قوة الا بالله العظيم ..



صغاار ويمشوون بهالطريج ؟؟



نصيحتي لج .. بعدي عنهم .. انتي سويتي الي عليج نصحتيهم .. بس اهم ما يبوون يسمعون نصيحتج ..



البنت اهم شي عليهااا سمعتهااا ...

 

[كوشيه فوشيه]

رد : رفيجاتي






حبيبتي جت منها ولا منج


فرقاهم عيد كلهم


بنات مايستحون وقليلات ادب


اتركيهم لا يشوهون سمعتج


بس قبل تتركينهم نصحيهم وبعدها اتركيهم


صدقيني مابيفيدونج الا بيضرونج


شوفي بنات مؤدبات بالهم مع الدراسه ورافجيهم


ووالله يوفقج ياقلبي


وهذي لج :eh_s(17):

 

[الفنانة لؤلؤة]

حبيبتي الله يحفظج ويكملج بعقلج

أول شي خليج سطحية معاهم وإذا يبون يقطعون علاقتهم معاج بالعكس،، يت منهم ولا منج

وشوفيلج بنت حلال وطيوبه مثلج،، ورافجيها

والله يبعد عنج رفيجات السوء،، ترى البنت أهم شي سمعتها،، والبنات المو زينين يخربون على البنت الزينة

 

[Tom ♥ Jerry]

رد : رفيجاتي

.



مثل مآ قآلو البنات هذول رفيجآت سوء مو صديقات !
ديري بآلج ! و لا تساعدينهم على المعصيه مره ثانيه ! آنتي توج صغيره عمرج 13 !
حطي بآلج على دراستج و قوليلهم طول مآ آنتوآ تمشون بالدرب
مآبي اكلمكم و لا لي شغل فيكمـ
و الحمد لله آنج عرفتي الغلط الي سويتيه يوم كلمتي
و لا تردين هالطريج مره ثانيه لا يقص عليج الشيطآن ..
اهلج مآ ربوج عشان تكلمين و تخربطين ..