رفيجاتي وتفتيح المنطقه الحساسه

[milad]

السلام عليكم,,,,,,,,ووشلونكم بنات,,

ندخل في الموضوع ع طول::::
عرسي ان شاء الله عقب شهر ونص, وتعرفون اهتمامات البنات وعنايتهم بالجسم قبل العرس
ففرصه اسأل رفيجاتي المتزوجات عن تفتيح المنطقه الحساسه لاني تلعوزت فيها ...رحت عيادات واستخدمت كريمات وما فتحت الا شي بسييييييييييييييييط والحمدلله ..
الزبده اني سألت رفيجتي عرووس ماصار لها شهر متزوجه عن العنايه بهالمنطقه , سألتها قبل عرسها بسبوعين يعني تجربه طازجه,,
تدرون شنو ردت علي الصراحه انصدمت,,, ماااااااستخدمت ولا كريمات وعندي عادي , قتلها شلون عند الريال اللون حيييل اسمر,,,قالتلي مااااااااالي خلق,,وكاهي اللحين تزوجت وماشيه امورها
قلت يمكن لانها صغيره واول وحده من خواتها تتزوج,,بسأل رفيجتي الثانيه وهذي صار لها 5سنوات متزوجه ماشاء الله,,يعني عندها خبره,,,,,,,,وانصدمت منها بعد اهي الثانيه قالت لي عمري مافكرت افتحها !!! هذي جملتها,,,

فابيكم تردون علي وخاااصه المتزوجات عادي عند الريااااال ولا رفيجاتي حاله شاذه؟
لان عن جد تعبت من الكريمات والفرفره على العيادات وشاطه روحي وبالخير ماله دااااعي؟
لاني ناويه اترك الكريمات,,عقب ماسمعت كلامهم!

 

[A.N.L]

هلا يا قلبي


انا عن نفسي احس ريلي عنده عادي ولا مره سألني او قالي ليش وما ليش

بس انا احب اهتم بنفسي بزيااااده والمنطقه عندي كانت مو غااااامجه ولا فااااتحه يعني وسط

بس حبيت افتحها واستخدمت خلطتي والحمدلله افتحت وااايد بس ريلي اخرطي ما يلاحظ واحس عادي عنده


وترا شي طبيعي ان هالمنطقه بتكون اغمج من لونج بشوي

 

[miss angel]

رد : رفيجاتي وتفتيح المنطقه الحساسه

ماادري بصراحة غريبين رفيجاتج الحين حتى البنات يدوورون شي يبيض

بالنسبة لي ما عندي كريم معين بس حافظي عليها خليها ناشفة دايما من الماي واستخدمي مناديل يوميه كيرفري واستخدمي لها غسول سيتافيل او غسول انتيميت بالبابونج

ودهنينها بليل بزيت لوز مع سودو كريم والصبح بس تقعدين غسليها بصابونة البابايا وبعدين مسحيها بأسكينول بالليمون وبس

 

[milad]

مشكوره anl عالرد
عندي خبر انه لازم تكون اغمج من جسمج بس احس عندي غامجه بزود
بس مادام ان الرياييل ما يلاحظون راح اترك الكريمات شرايكم؟
قالت لي رفيجتي ان اهم شي تكون المنطقه نااااااااعمه, بيضا سوده عااادي
انزين شلون انعمها؟ يعني في كريمات معينه لهالشي؟

 

[milad]

مشكوره مس انجل ع الرد
الحمدلله المنطقه مهتمه بنظافتها
بس المشكله اللون والنعومه!

 

[A.N.L]

العفووو يا قلبي

اذا عالنعومه سويلها سنفره

طحني عيش وخلطيه مع اي سنفره تحبينها وتسنفري بعدين حطي بيبي اويل شويه


انا كله اسوي جذي

 

[فراشه]

الريال ماينتبه بهالمكان ممكن مايشوفا بعد

 

[امواج الكويت]

والله اني قبل عرسي ما خليت شي ما استخدمته عليها يوميا اسوي خلطه واحطها وما فتحت الا شوي وبعد الزواج مليت منها وما قمت احط لها شي لان الريال ما يهمه ولا ينتبه لها حيل عادي عنده

 

[غآمضه]

رد : رفيجاتي وتفتيح المنطقه الحساسه

والله الكريمات تخرع وقليل ماتييب نتيجه مضمونه وسريعه بعد
اهم شي الريحه الحلوه والمنطقه دايما تكون نظيقه الريال ترى يهتم للنظافه والريحه اكثر من لونها
لان يدري ان لونها بكون اغمج من لون الجسم معروف هالشي للكل وللجنسين
فماراح يقول شي عن اللون لان عندج وعنده خير
واذا تبينها ناعمه حطي سوالف طبيعيه زيت اللوز وزيت زيتون واللون لاتحاتينه لان طبيعي بكون اغمج ترى

 

[ساره.]

اهو طبيعي تكون هالمنطقه شوي اسمر من باقي الجسم

بس انه ماكو اهتمام كلششش!!!!

لا طبعا الوحده من تتزوج تقوم تدور وتحوس عشان تعدل بعمرها .... واهم مكان تفكر في اهو المنطقه الحساسه

 

[روحي انت]

واللـــــــــــــه انا بتمللللك قريب ومرررررره افكر بذاء الشي ابغى شي يفتحه احس الرجال يحيوااااااا البياض مررررررررره

 

[حدى عنيده]

اشلون الريال ماينتبه لا يلاحظ بس مايتكلم انا لما كنت حامل انقلبت هالمنطقه سوده مع الاهتمام والخلطات فتحت عقب مافتحت تكلم قال واو اشلون صارت جذيه مع انه طول ماهى سوده ماتكلم لا الريايل يتكلمون بعيونهم

 

[خـرافـيه]

رد : رفيجاتي وتفتيح المنطقه الحساسه


غريبه مع ان أول شئ تفكر البنت بالاهتمام والتبيض اهي المناطق الحساسه
وبهالزمن اللي متزوجه واللى مو متزوجه صاروا الاهتمام الاولى والاخير لهم التبييض بشكل أكثر من قبل

ياريت البنات يكتبون شنو اللي استخدمووه ونفع وياهم بلييييييييييييييييييييييز

 

[زعفرانه]

رد : رفيجاتي وتفتيح المنطقه الحساسه

انا مع حدي عنيده ان الازواج يلاحظون كل شىء من موضه وبياض ونعومه بس ما يعلقووووون....
وانتي لا تقلدين رفيجاتك وما تهتمين بسالفة البياض بالعكس اهتمي وستفيدي وكل شي موجود له حل بأذن الله

بالنسبه للبياض قبل الحمام جيبي ليمونه وقصيها بالنص وجيبي ملح وفركي جسمك بالليمون والملح عدل مدل كل جسمك ولما ينشف اسبحي بالمغربي وتري كريم فيد اوت يبيض بعد استخدميه للمنطقه والخلفيه بس لا تتعمقين لي تحت ...>>>> ان شاء الله فاهمتني

والسنفره ( اليوكو بالحليب او الخيار ) حلو وينعم و لازم نظافه على طوووووووووول والمسك الحجر ريحته نظافه وروعه

 

[مذهــلــه]

الله يبشركم بالخير

والله أنا مهتمة بس للحين احسها غامجة يعني غير عن جسمي

ومرة رحت للدكتور ..لان السواد عندي ممتد لفوق جان يقولي هذي وحمة مااتوقع تروح الا بليزر

مادري عنه والله اذا صح كلامه

 

[اسواريه]

الريايل اهم شي عندهم بالنمطقه انهااا نظيفه وناعمة بس لا تعبين عمرج اكييييد بتملين من الخلطات وراح تتركينهااا بعد العرس الف مبروك مقدما والله يرزقج ويوفقج انشالله