رفيجاتي عندهم سوالف و خرابيط شلون ابتعد عنهم بليييز ساعدوني

[؛؛sokrrah؛؛]

سلام
النك مشترك بين ثلاث خوات

المهم انا طالبة بالصف التاسع (اولى ثانوي) و عندي رفيجاتي سته كلهم عندهم خرابيط و سوالف حب بس صج انا كل ما اقولهم غيروا السالفة يقولون انتي ليش جذي نظامج عيشي حياتج استانسي ترى انتي مليون واحد يتمنى يحبج و انا طبعا كرهت نفسي يعني الوحدة اذا صارت حلوة لازم تحب ؟؟؟؟؟ و يقولون ليش ما يفتحون قسم الحياة الزوجة المدرسة جان تقول وحده ثانية اي اي نبي امتحان عملي ما نبي نظري و ذيج المرة وحده منهم اجبرتني اني اشبك على الايميل و انا طبعا على الخيل يا شقرا شبكت ولا ضايفة واحد بالمحادثة وقتها صارت الدنيا سوده جدامي بسرعه طفيت الاب و قعدت ابجي بفراشي و صج لاعت جبدي (شوفو الساعه الي فوق النك نيم الساعه 1:04 لاني كنت تعبانه و دقيت على ابوي ييي ياخذني امس صارت السالفة و رديت البيت و (رجعت ) انتوا بالكرامة صج صج تضاييقت انا طلعت بالحصة الثالثة و بالطابور شفت البنت و كنت حاقدة عليها و تقولي امبييه شفيج ترى ما صار شي و بالفرصة الاولى قبل لا اطلع قالولي البناتي تعالي معانا قلت لهم لاء بروح الادارة بدق على ابوي تعبانه

بس المشكلة شلووون اصارحهم و قول لهم انا ما اتشرف بالصداقة ؟؟؟؟؟

 

[teen girl]

لااا تقولين لهم ماتشرف بصداقتكم لانه بكذا راح تخلنهم حاقدين عليج ويمكن يحاولون يخربون سمعتج
عشان جذي ابتعدي عنهم بالتدريج اول شئ احذفيهم من الايميل وكل مايقولون تعالي معانا تعذري بأي شششئ... و اذا ماعندج غيرهم .. تقربي من اي وحده بالكلاس وياج او تحسسسينهاا بنت فيها دين صصج
والله يبعد عنا وعنج اصدقاء السووء

 

[meme>the best]

هذيل تعتبرينهم رفيجات هذيل خراب ومو علي قلبج لو فعلاً يحبونج ما يخربونج قوليلهم بركز علي دراستي قولي اي شي قولي اي عذر بس ياريت بالاول تنصحينهم عالغفله الي اهما فيها تكونين سويتي خير ديربااااااااالج ياثرون عليج ديربالج :rgewrg:

 

[cat-girlq8]

وليش تصارحينهم
سحبي نفسج شوي شوي انا بعرف هذولا ماكو رقابه من الاهل ولا شنو
طاقين اهلهم بالطوفه وعايشين حياتهم علي هالخرابيط والشباب الا ماوراهم الا المشاكل وعوار الراس

 

[ms> pink]

اتركيهم شوي شوي واهم شي اختيار الصديقات لانهم يأثرون بشكل تدريجي من غير ماتحسين تلاقين الحلال والحرام اختلط عندك وكثير حاجات تصير بنظرك عااااادي<<<<< الله لايقول

الله يوفقك انشا الله ويرزقك بصديقات حبوبات

 

[MzMzq8]

اتركيهم من غير ماتقولين شي

الله يثبتج حبيبتي ماشاءالله عليج

 

[نفهمها صح]

تحججي كل مره
ولا قووليلهم...لايجيب لي سيرة الخربيط والمغازل
وهم من نفسهم بيتركوونج اوو قوومي من مكانهم وقوليلهم لخلصتوو ندووني
الله يثبتك علي اخلاقج​

 

[أتراب]

تركيهم عنج ولا تقعدين معاهم
وهم اكيد بحسون بتغيرج عليهم وبيسالونج
قولي ليهم ما اتشرف بمجموعه مثلكم
سوالفهم كلها بايخه
​

 

[..MaYaR]

دوري لج بنات احسن عنهم ,,

 

[ƒédaîtn¥ ZoO'3a]

ديربالج تقولينلهم بالويه او تصارحينهم ان اخلاقهم مو شي البنات الي من هالشاكله ينخاف منهم ان صارحتيهم حطوج براسهم وقعدوا يحفرونلج ,, انتي بالتدريج فجي عنهم كل مرة طلعيلج عذر مرة قولي برد البيت عندي امتحان ومودارستله من قبل عندنا استقبال لازم ارد مبجر ومن هالحجي لين اهم يملون بس ديربالج اتبينينلهم ان مابي صداقتكم لان اخلاقكم مو زينه وعسالله يثبتج ويحفظج قولي آمين

 

[( المـلاك )]

لا تقولين لهم ما اتشرف بهالصداقه
بس انتي تغيري عليهم شوي شوي
و خفي من روحاتج عليهم
ولا تمشين معاهم وايد
و شوفيلج رفيجة تعزينها و ماعندها خرابيط
وماشيها طول الوقت
ولما يشوفونج قولي رفيجتي تبيني
واهم راح يفهمون
وخلاص

 

[أإلع ـشق دلع ـهـأإ]

.






شوفي حبيبتي دوري وحده معااج بالصف بنت اخلاق ومحترمه تلزقي عندهاااا صاادقيهاا

اذا عندج احتيااط لاتقعدين معااهم لا قولي بكلم فلانه بموضوع وخلج عندهااا بالفرصه قولي بمشي معااج وقوليلي اتشرف بصداقتج لانج محترمه واخلاق مااراح تردج ..

والبنااات اللي الله يستز عليييهم تجنبيهم قد مااتقدريييين .. لوو تقعدين بروحج بس لاترافجينهم ..

اذا ينادونج قولي اسمحولي عندي واجبات بحلهم واقدي وافتكي منهم ..

شوي شوي راح تفتكيين منهن ..

وديري باالج تقولين انا مااتشرف فيكم والله يحقدوت علييج ويخربوون سمعتج يطرشوون شباب عليج ..

مااابقى شي وتفتكيييين منهم ..

داايمااً ادعي اللهم اكفنيهم بما شئت وقولي اللهم ثبت قلبي ع دينك ..

ديري باالج لا يخربوونج ترا الدنياا تخووفج ويوم القياامه قربت شدي حيلج بدرااستج وحاافظي ع صلاتج لانه ربي رااح يوفقج ويسعدج لانج تركت الحراام علشااانه ..

الله يحفظج ويستر عليج ويبعد عنج اصدقاااء السوووء ويوفقج بالدرااسه ..









.

 

[روانتي 12]

شوفي لا تصاارحينهم ابدآ..صدقيني لا صارحتيهم بيحطوونج في راسووهم و يسوون لج شي لا سمح الله

اذا يو عندج قولي مشغوله و قومي سوي نفسج يعنني تحضرين درس و من هالكلام او روحي الحمام (تكرومون)

و بجذي بيروحوون عنج ..ديرررررررررري بالج عدل مدل ..ترا هالنوعيه ينخااف منهم

 

[؛؛sokrrah؛؛]

شكرا على الردود

 

[Reem 92]

انا كانوا صديقاتي كذا بس تركتهم اذا نادوني قلت لهم معليش مشغوله اوعندي محاضره بعدين صاروا ماعاد يكلموني وحتى لو شافوني مايسلمون وارتحت منهم

 

[أحبك أمي]

الدعاء
الاستغفار
والله يهديهم