رفيجأتي دخلوآ المحاضره وأنا دخلت الملاحظه بنفس الوقت:(

[شهرزاد000]

يمه ترى ماأنسى خـيــــالك قبالي
...................................يمه خيالك مسكنه داخل العيــــــن
أذكر زمــــان أول وأنا في الدلالي
................................... .أذكر تعبتي معي وإنتي تربيـــن
إلـيا سمعت الصـــوت يرتاح بالي
.................................وأنسى هموم الوقت وفرقى المحبين
يمه ترى الجنة معـــــك والمعالي
.................................يمـه قـدم رجلـك أحـطه على العــين​

يالله عفوكـً ورضاكَ ؛





الانسآن ضعيف لأبعد درجه، وبأي لحظه قد يصاب بمرض يهلكه!





فكيف للإنسان أن يسرح ويمرح في الأرض متباهياً بماله وعافيته’ وكأنه يملكَ نفسه!





يالله عفوكـً ورضاكَ ؛



نشعر بعظمه الخالق عندما نكون في حاله يثرى لهآ، ونتذكره عندمآ نقع في المصائب! ونقول عندمآ نعصِيه ((الله غفور رحيم))



وننسى أنه في نفس الوقت ((شديد العقاب)) سبحآنه.




اليوم| ذقت مرآره المرض؛ وكأن دوامه إلتفت حولي ورمتني على سريري*



الساعه10:30



كعادتي أخرج لكليتني الحبيبه ((الآداب))



ولكن هذه المره تختلف، فقد خرجت للمستشفى بدلا منهآ



لم أتحمل المرض دقيقه، فتذكرت أن هناك من عأشوآ وماتوآ عليـه ((فحمدت الله))



الساعه 11..



في هذا الوقت دخلت الملاحظه وصديقاتي ذهبن للمحاضره!!!



عندما دخلت لغرفه الملاحظه طبع على جبهتي علامة تعجب!!



فكل من في الملاحظة من كبار السن!؟



الله يشفيهم ويحفظهم،



آشرت لي الممرضه بأن أذهب إلى ذاك السرير!



توجهت له وإذا بالممرضه نفسهآ توقظ إمرآه مسنه بجانب سريري " قالت لهآ((ماما وين بنيه مال إنتي))



العجوز((هاه وين))




وإذا بإبنتها تآتي مسرعه((يمه كأني أنا هني حبيبتي نامي مافي شي))



وتطبطب عليهآ..



تناسيت المرض وجلست على السرير ...



أنظر إلى ألابنه الباره وهي منشغله بآوراق امهآ وأبتسم وأقول في نفسي((يالله هنيئآ لهآ الجنه)) فالجنه تحت أقدام الامهآت



جأ الدكتور وقال للبنت لازم ناخذ لهآ أشعه، اللحين ننقلهآ تحت بالويل تشير،قالت أوكي" راحت لأمهآ والام نايمه" قعدتهآ بهدوء..



البنت: يمه حبيبتي يمأ قومي إسم الله عليج يمه بناخذ لج اشعه..



الام: يمه أنا تعبت



البنت: شنسوي عشان صحتج أجر وعافيه يمه..



شالت أمهآ حطتهآ ع الويل تشير




لفت علي وقالت لي: لوسمحتي ممكن تخلين هالعصير عندج أنا بروح أخذ اشعه لأمي وأرد أخاف احد يقطه بالزباله((يكرم السامع)) وإهيا عنده سكر وأخاف ينزل..



قلت لهآ : إن شاء الله..



و راحت"



يالله الله يرحم هالبنت مثل مارحمت امهآ..







السرير الي وراهآ كان لمسنه ثانيه" وياهآ بنتهآ بعد



مشكلتهآ إنها مافاد معاها علاج"



البنت تقول للممرضأت خلاص مايفيد أنا أعرف لأمي والامر تقول:لا ماني طالعه أنا مريضه..



البنت: يمه والله ماراح يفيد عطونا موعد بعد شهر!



الام: لأ بقعد عندهم أنا مريضه"



البنت: يايمه أنتي مو مرقده أنتي بملاحطه يعني لازم تطلعين!



الممرضه خلاص راح توقعين على مسؤليتج!



البنت: أوكي راح أوقع!



الام:لا ماراح أوقع!مصممه..



الدكتور:إنتي عاوزه تخرقي!


الام: أنا ماني عاوزه اخرق



البنت:يمه والله ماراح يعطونج شي نفس كل مره..



الام: أجل توديني ليطلعت لطبيب ثاني..



البنت: والله لوديج يايمه بس خل نروح..



وخذت أوراق امها وخذتهآ وصادفتهآ عند الصيدليه"شلون ناطره ومهتمه بأمهآ حيل..



إبتسمت ثاني مره ((الله يرحمهآ مثل مارحمت أمهآ))








الموقف الاخير*



شاب بآول العشرينات معآه أمه، لمن كنت بعياده الدكتور" دخل وقال للدكتور: دكتور أمي تعبانه وماتقدر ممكن كرسي، قاله الدكتور: والله ماعندنا كرسي!



5دقايق ولا يدخل مره ثانيه" ويقول دكتور أمي تعبانه ماتقدر توقف!



قال الدكتور: أممم لحظه ولف ع ابوي و قاله ممكن تقوم وتقعد بدالكـ،



المهم قعدت، ولا تقول للدكتور((هذا هذا))تاشر ع إصبعهآ لافينه بلفاف..



الدكتور:هازا ايه هازا..



سمع صوتها ولدهآ ولايدخل ،



الدكتور: وبعدين يعني!



الابن:لأ دكتور بس بقولك إنها ماتعرف شي تتكلم وماتدري عن نفسهآ’ أنا أشرح لك شنو فيهآ’ ..



أول ماطلعنآ ولا يدخل بسرعه معاه الاوراق ومهتم بآمه وبار فيهآ لا إله إلا الله ..



إبتسمت للمره الآخيره((الله يكثر امثالهم)):rerrerek:



دآرت علي كل الاحداث وتذكرت لمن كنت أفكر!



برفيجاتي لمن دخلوآ المحاضره وأنا دخلت للملاحظه! بنفس الوقت؟



أيقنت إنني لست بالملاحظه !



بل كنت بمحاضره غير عن كل المحاضرات" محاضره تفوح منهآ رائحه الوفاء والبر




محاضره بعنوآن((بر الوالدين)) وما أجملهآ من محاضره!

فعلاآ أغلب شعبنآ بارين بوالدينهم..

«و اخفض لهما جناح الذل من الرحمة و قل رب ارحمهما كما ربياني صغيرا»

الله يرحم والديكم والله يخليهم لكم..




بقلمي" شهرزاد​

 

[ĎєνiL.ĞιRL]

الله يكثر من امثالهم انشالله ..

ويجعلنا من البارين بوالدينا ..

وسلامتج ماتشوفين شر :*

موضوعج روعه تسلم ايدج ..

 

[ღ❤سـنــيـــڪـرز❤ღ]

رد : رفيجأتي دخلوآ المحاضره وأنا دخلت الملاحظه بنفس الوقت

مشكوووووووره وااااايد أعجبتني الله يجازينا بر والدينا

وسلااااامتج الف سلااااامه والمواقف هذي توعينا ونتصح لما نشوفها

 

[بنوتة كول]

ما شاء الله روعة تسلم ايدج
بصراحة انتي مبدعة

 

[ام الدرر]

لو شنسوي ما نوفيهم حقهم عسى ربي يجمعنا فيهم بجنات النعيم
ولا يحرمنا بر عيالنا
أجر وعافية ياقلبي ​

 

[layan 23]

تسلمين حبوبه مضوعج حيل حلو
الله يعطيج العافيه وماتشوفين شر

 

[مسك حياتي]

ابدعتي يا شهرزاد و امتعتينا برحله البر و الخير ...

الله يخليلنا امهاتنا و يعينا ع برهم و رضاهم ...

والله يجمعنا معاهم بالفردوس الاعلى ...

 

[Ms. luxury]

يزاج الله خير عالطرح موضوعج حلو حيل
تسلم ايدج

 

[كيكه ترفه]

ماشاءالله عليج بدعتي
حيل حلو موضوعج 10\10
مشكوره

 

[زامليه وافتخر]

الله يكثر من امثالهم يارب

 

[الزين 85]

اسلوبج وطرحج حلو

والله يشافيج ويبعد عنج المرض يارب

 

[لؤلؤية]

رد : رفيجأتي دخلوآ المحاضره وأنا دخلت الملاحظه بنفس الوقت

اللهم اجعلنا من البارين بوالدينا
موضوعج رووووووعه ويشرح الصدر

 

[صباح الليل]

يالله موضوعج روووووووعه

الله يقدرنا ونوفيهم حقهم
وعسى يومي قبل يومهم يارب

الله يشافيج ويقومج بالسلامه حبيبتي

 

[خوش بنيه]

واااااااااااي بعد عمري والله

 

[الفنانة لؤلؤة]

أجر وعافية حبيبتي

وإن شاء الله يكونون راضين عنا،، لو شنو ما نوفيهم حقهم

(( وقل ربي ارحمهما كما ربياني صغيرا))

 

[مــســك]

تسلمين حبيبتي ..


والله يقومج بالسلامه ..:/

 

[جماااانة]

الله يشافييج يارب

وموضوعج واسلوب الطرح رووعهـ

 

[دريم ويب]

رد : رفيجأتي دخلوآ المحاضره وأنا دخلت الملاحظه بنفس الوقت

الله يشاافي جميع مرضى المسلمين

اجر وعاافيه


مووووضوووع ولا اروووووووووووع

 

[وهج الخير]

رد : رفيجأتي دخلوآ المحاضره وأنا دخلت الملاحظه بنفس الوقت

ماشاء الله يا شهرزاد كلامك مؤثر

 

[[[ عيون جابر ]]]

أثر فيني كلامج تسلم ايدج حبيبتي