رفضي للزواج..!؟

[نويّر-]

السلام عليكم ورحمة الله وبركاته

خواتي عزيزاتي عضوات منتدى كويتيات

موضوعي يمكن يكون منظوره ديني أكثر من ماهو اجتماعي لكن أكيد فيه منكم الكثيير الي لهم الخبره
أو اسألوا مشايخ أو هم أهل للعلم الشرعي بكبره
وفيكم الخير كلكم


الي باعرفه
هل أقدر أتخذ قرار بعدم الزواج نهائيا
بغرض ان أهتم في ديني أكثر واكثر وان خايفه من مشاكل الزواج توقعني بأخطاء تخليني آخذ آثام
؟؟ وايضا لأنني لم أكن مستعدة اليه ولااستطيع ان استعد له لان ثقتي بنفسي ليست كامله رغم انني جميلة ولله الحمد. ولكن وزني زائد وغير متناسق ،؟؟
وان الرجل النادر المهتم في دينه يصعب وجوده في مجتمعنا ..؟


هل سوف أندم في يوم من الايام ان اتخذت هذه الخطوة..؟
أم أنها خطوة جيدة وايجابية
هل بعد الزواج اكون قادره على ارجاع ثقتي بنفسي ..؟
هل في الزواج أمورا ايجابية أكثر من 60%؟ واكثر من أموره السلبية ومشاكله ؟



أدري ان هالسؤال لازم ينطرح على شيخ دين ولكن
هل منكم من سألته في يوم من الأيام بخصوص هذا الأمر وماذا أجابها ؟
وأريد من أهل الخبره نصحي وافادتني
فأنا اختكم في الله التي تحتاج مساعدتكم

وللعلم عمري 20 وأعلم انني صغيره ولكن أريد ان اتخذ هذا القرار للأبد
وفي كل مره أقوم بصلاة الاستخاره لما يتقدمون لي ناس وخاصة في آخر مره شددت بالدعاء
ومايطلع بالنهاية فيه خيره سبحان الله
وأنا بعدها أريد ان اخفي نفسي عن الانظار عشان ماتصير خطبة >>هل أخذي بهذا السبب فيه ضرر
وربي بيغضب عليه ؟؟!
هل ممكن تكون هذه وساوس الشيطان ؟ بيهزز ثقتي ؟
وأعوذ بالله من الشيطان الرجيم

أمي دايما تقول:
( يارب أفرح فيج واشوفج عروس )
هل هذا القرار بيـ "ضيّق خلقها " للأبد ولا بتنسى مع الايام ؟ وهل يكون عدم بر لها لانه بيحزنها ؟
وهي أكثر من مره تحزن لمااقول هالكلام وتقول لاتقولينه مره ثانية
تقولي تبي تصيرين "عانس " ..؟!!
وتدعيلي بالهداية دائما وأن ربي يثبتني على ديني




أنا بانتـظاركم خواتي
ولاتنسوني من دعاء جميل بالصحة والعافية
وأن يهديني ربي لكل مايحبه ويرضاه يارب
وأن لايجعلني أفعل شيئا في هذه الدنيا يمنع من دخولي جنة النعيـم .

 

[amal ksa]

قريت اشوي من اللي كتبتيه المهم تعوذي من الشيطان واذاجاء النصيب تزوجي لاتوسوسين واذا على وزنك محد كامل
بعدين تقولين هل أقدر أتخذ قرار بعدم الزواج نهائيا
بغرض ان أهتم في ديني أكثر واكثر واذا تزوجتي وش اللي يمنعك من الدين بالله
ترى الراهبات هم يحرمون نفسهم من زواج عشان دين يعني تعوذي من شيطان واعرسي وانبسطي الله يوفقك

 

[اشلون يعني &]

الزواج له مميزات اكثر من عدم الزواج
اولا تحقيق نص الدين ثانيا نشر العلم من خلال التربيه الاسلامية للطفل
واشلون نصير خليفه في الارض من غير التكاثر
حتى لو فشل الزواج. على الاقل تستفيدي من يكون عندج ذريه تبرينهم ويبرونج

 

[اشلون يعني &]

عدم. الثقه الي تحسين فيها اذكري البنات الاقل منج. اذا هم يقدرون وتزوجوا. شنو يمنعك
انتي افضل منهم

 

[نويّر-]

أختي أمل مشكوره ع المشاركه الطيبة
لا انا والعياذ بالله ماقصد مثل الراهبات ويوصل الامر اني أحرّم على نفسي !! لأ ولكن الي باعرفه هل يصير ان اذا جا نصيب زين أرفضه ولأسباب مو بس عشان اتفرغ أكثر لديني،
اكيد ان حتى وان تزوجت باهتم في ديني لكن مابيكون تماما مثل وانا بروحي ، الا ان كان الشخص يعيني أكثر والي أدري مافي في مجتمعنا شخص جذيه الا نادرا ، وثقتي بنفسي بعد سبب من رفضي وماهي رهبانية مبتدعه!! وعسى ربي يبعدنا عنهم يارب ،

 

[سارونه الامورة]

لا حبيبتي لاتمنعين نفسسكِ من الزواج ولاشي حبيبتي يعني انتي بتقلوين ان الزواج مراح يخليكِ

تعبدين الله لا بس انتي نظمي وقتكِ والله يوفقكِ

وترى الزواااج نص الديــــــــــــــن

ولاترفضينه لا انتي لازم تتزوجين عششان تحفظين نفسسسكِ من الفتن في هذا الزمن اللي يخوف

واللي يكون فيه المسلم مساك على دينه كالماسك على جمره حبيبتي ومن اللي قال لكِ ان اكثر

المتزوجات ماشاء الله مسكتات لا حبيبتي والله نصهم عاديات واقل من العااديات وانتي ماشااء الله

عليكِ جميله ودينه واذا كان على وزنك ولاجسمك اهتمي شوووي بححالكِ ووالله ان تطلعين اجمل

وحده والله يوفقكِ يااارب ويرزقك بالزوج الصالح عاجلاً غير اجل​

 

[نويّر-]

خواتي وفي سبب نسيت لا أذكره حتى الصوره توضح

إني دقيـــقه في كل شيء كل شيييء حتى بالمشاعر والاحاسيس يعني حساسه
ودقيقه في عملي وفي أدائي لواجباتي

هذا الشي مو ممكن يتعبني أكثر لي تزوجت وخصوصا ان في شخص ثاني يشاركني حياتي..؟

 

[نويّر-]

الزواج له مميزات اكثر من عدم الزواج
اولا تحقيق نص الدين ثانيا نشر العلم من خلال التربيه الاسلامية للطفل
واشلون نصير خليفه في الارض من غير التكاثر
حتى لو فشل الزواج. على الاقل تستفيدي من يكون عندج ذريه تبرينهم ويبرونج

عدل كلامج وأنا فكرت في هالشي بعد ان تكون لي ذرية صالحة تعمر الأرض
لكن من اتجه للاسباب الثانية تعمى عيني عن جمال هالشي وخصوصا ان البنون زينة الحياة مثل ماربنا ذكر بالقرآن وان الحياة مالها طعم بدونهم ،
انا خايفه من هالشي ان باجر أتمنى يكون عندي ابناء وأشوف الأطفال واتندم لذلك قاعده افكر في هالقرار
مليون مره وأدعي وأتضرع لربي ان ينور دربي

ولكن استشاره الناس وخاصة الناس الفاهمه والي عندها حكمه وخبره هذا شي مهم قبل الاقدام على هالقرار


وجزاج الله خير اختي وان ذكرتيني في نقطة حلوه
وعلى نصيحتج بعد

 

[cba girl : )]

لا حبيبتي ان شاء الله ماراح تندمين ريلج علىى ماعودتيه

حتى لو كان في اشياء وخصل ماتعجبج على فكره ولا بنيه منا يالها واحد مثل ماتتمنى بالضبط لازم في اشياء غير بحكم انه تربى ببيئة غير عن بيئتج

بس عادي حبيبتي عوديه على طبعج غيره اذا كان ملتزم شوي حببيه بالدين بالعكس بهذا تاخذين اجر

واذا قصدج تخافين يطيحج بالمعاصي علييج بالصبر

مفتاح الفرج

احسن من انج تظلين وحيده طول عمرج امج وابوج مو دايمين لج

عيالج ان شاء الله باجر يشيلونج

وموفقه حبيبتي

 

[نويّر-]

لا حبيبتي لاتمنعين نفسسكِ من الزواج ولاشي حبيبتي يعني انتي بتقلوين ان الزواج مراح يخليكِ

تعبدين الله لا بس انتي نظمي وقتكِ والله يوفقكِ

وترى الزواااج نص الديــــــــــــــن

ولاترفضينه لا انتي لازم تتزوجين عششان تحفظين نفسسسكِ من الفتن في هذا الزمن اللي يخوف

واللي يكون فيه المسلم مساك على دينه كالماسك على جمره حبيبتي ومن اللي قال لكِ ان اكثر

المتزوجات ماشاء الله مسكتات لا حبيبتي والله نصهم عاديات واقل من العااديات وانتي ماشااء الله

عليكِ جميله ودينه واذا كان على وزنك ولاجسمك اهتمي شوووي بححالكِ ووالله ان تطلعين اجمل

وحده والله يوفقكِ يااارب ويرزقك بالزوج الصالح عاجلاً غير اجل​

حبيبتي ياسارونه ماقصرتي على هذا الرد الطيب
فعلا فتن الدنيا اكثرت عسى الله يبعدنا عنها
وان شاءالله يارب ترجع ثقتي بنفسي نفس أول يارب
زرعتي فيني تفاؤل وأمل وربي يوفقج يارب

 

[Queenleo]

توج صغيره
ماتقدرين تحددين قرار من اللحين وخاصه انه مصيري حق عمرج كله
وياااما قررنا وقررنا وحددنا واخر شيء النفووس تتغير والله يكتب شيء ثاني ويكون خيره
فأنتي لاتفكرين بهالشيء اللحين
ووعيشي حياتج وووسووي الي خاطرج فيه اللحين من طاعه واللتزام
ولما اييلج ريال استخيري واذا راح الحمدالله
بس كل مره استخيري
والله يووفقج

 

[نويّر-]

لا حبيبتي ان شاء الله ماراح تندمين ريلج علىى ماعودتيه

حتى لو كان في اشياء وخصل ماتعجبج على فكره ولا بنيه منا يالها واحد مثل ماتتمنى بالضبط لازم في اشياء غير بحكم انه تربى ببيئة غير عن بيئتج

بس عادي حبيبتي عوديه على طبعج غيره اذا كان ملتزم شوي حببيه بالدين بالعكس بهذا تاخذين اجر

واذا قصدج تخافين يطيحج بالمعاصي علييج بالصبر

مفتاح الفرج

احسن من انج تظلين وحيده طول عمرج امج وابوج مو دايمين لج

عيالج ان شاء الله باجر يشيلونج

وموفقه حبيبتي

عسى ربي يطول بأعمار امي وأبوي يارب

وياعمري ماتقصرين على مشاركتج الطيبة
اييه والله انا خايفه من هالشي
ولا يقولي باجر سمعي هالاغنية والبسي بدلة لي سافرنا ... و بعد أمور كثيييره نشوفها صغيره بس كبيره وكافي المشاكل وعدم الاتفاق وان لازم أعطيه حقه بالملّي

وان كان فيه خير لي الزواج فعسى ربي يرزقني الانسان الي مايبعدني عن ربي يارب ويساعدني في عبادتي .!
ردودكم صراحه رغم انها مختصره ولكن فيها اشوف نفسي بين خواتي الي يخافون على مصلحتي
ويزرعون فيني أمل وتفاؤل وحب للحياة وتغيير لمنظوري الي لربما يكون سلبي مثل ماالكل منكم انفق عليه انه سلبي !!

اختي أشكرج من كل قلبي ع النصيحة الطيبة وذكر شي ماكنت أعرفه عن طبيعة الزواج وانه أمر سهل

 

[amal ksa]

نوير اسفه اذا كان ردي قاسي عليك من جد اسفه ياقلبي
وان شاءالله تزوجين ويجيك عيال وبنات ماشاءالله واضح انك متدينه بيفتخرون انك امهم قولي يارب

 

[قسوة الزمن]

خخخخخخخخ اكو وحدة هالزمن ما تبي زواج حمدي ربج اهلح ياخذون رايج انا هلي يرفضون المعرس قبل لا يقولون لي

 

[خليفة العظماء]

صعب علي البنت تتعدا ال٢٥ واهيا ماتزوجت
اصلا الزواج من بعده بتكونين بحياه حقيقيه قبل الزواج كل مجرد تهيئين نفسج للزواج اصلا
وسوي رجيم الحين الكل ضعف ماشاء الله

عسا ربي يرزقج الزوج الصالح

 

[LoLaTi]

الزواج نص الدين + ستر

يعني قرارج هذا خطأ واكبر خطأ

 

[دآنة آلرشآيده]

تعوذي من بليس
الزواج نص الدين
باجر تتحسفين راح تكونين وحيده
واهلج ماراح يعيشون لج طول العمر​

 

[نويّر-]

توج صغيره
ماتقدرين تحددين قرار من اللحين وخاصه انه مصيري حق عمرج كله
وياااما قررنا وقررنا وحددنا واخر شيء النفووس تتغير والله يكتب شيء ثاني ويكون خيره
فأنتي لاتفكرين بهالشيء اللحين
ووعيشي حياتج وووسووي الي خاطرج فيه اللحين من طاعه واللتزام
ولما اييلج ريال استخيري واذا راح الحمدالله
بس كل مره استخيري
والله يووفقج

انا موشاغلني هالأمر الا بالمرات الاخيره يوم انخطبت اكثر من مره وربما بالمرات الجاية بيجون بعد خطاب فأنا ماني عارفه شالي أرسي عليه وهل ممكن هالقرار فيه مصلحتي !
واستخير اكيد باذن الله مافي أحد أعلم بالنفع لي غيره جل وعلا شانه

مشكوره اختي ع النصيحة وع الدعاء الجميل
ويوفقج يارب

 

[coralia]

حبيبتي فكري بالمستقبل محد دايم لاحد الله ييسر لج امرج ويرزقج الخير ​

 

[نويّر-]

نوير اسفه اذا كان ردي قاسي عليك من جد اسفه ياقلبي
وان شاءالله تزوجين ويجيك عيال وبنات ماشاءالله واضح انك متدينه بيفتخرون انك امهم قولي يارب

يابعدعمري ياقلبي فديتج لاتأسفين
حبيبتي انتي اختي ردج بالعكس عسل على قلبي يكفي انج شاركتي
أبد ماخذت بخاطري
وتسلمين ع الدعاء لج بالمثل يارب ويوفقج ويسعدج دنيا وآخره يارب