رششا شيك ولا بستكي حنان دشتي !!

[طيشن على جديه]

السسلام عليكم ورحمه الله وبركاته ..


شلوونكم حبيباتي ..:eh_s(22):

بصراحه ابي ذوقكم ورايكم ، اختي زواجها قريب ومحتاره بين سفير بستكي حنان دشتي ورشا شيك ..

اختي ملامحها ناعمه والمكياج الاوفر يخفي ملامحها ومايطلعها ،
يصلح عليها الشي الناعم وتعرفون العروس نبي ناعم بس يصلح لعروس
مو باهت فماادري ابي رايكم من شافت مكياج رشا شيك ع العرايس ..




ابي رايكم ..:eh_s(8):
​

 

[طيشن على جديه]

آممممممممممم ..​

 

[M!SS.LOBY]

بالتووووفيق يارب

 

[مـهـــابــــه]

والله لا هذا ولا هذا .. بستكي و رشا تجربين مره تكرهينهم و تحلفين معاد تطبين فيه
انتي لا تسألين احد اذا تبين تحكمين مريهم و شوفي شغلهم
و مري اكثر من مكان عشان تشكلين لج راي نهائي
وبالتوفيق

 

[*مظلومه*]

^ نفس راي الاخت اللي فوقي اثنينهم نفسية واوفر

 

[عروسة اكتوبر]

بالنسبة لي بروح بستكي ان شاء الله اشوف انه اكثر مكان ممكن انه يبرز ملامح العروس

 

[M!SS.LOBY]

حنان دشتي

 

[بنت الكويت90]

حرام لاتغامريين باختج




روحو بستكي وانتو مغمضيييين لان ماتغامرين ويطلع الجيكره قمر


واختج تقولين ناعمه يعني بتصير ان شاءالله حلوه دام اهي ناعمه وترى الدنيا تطورت ماكو اوفر الحين اذا مو مقتنعه بستكي

شوفي حساب حنان دشتي بلانستغرام شحلااااااااااااااااات مكياجها ممكيجه وحده اثيوبيه صارت لبنانيه بمكياجها ماشاءالله




نصيحه البستكي لايعلى عليه

 

[طيشن على جديه]

يعطيكم العافيه ..
انا من زباين حنان دشتي بس تعرفون العروس غير تخافين تغامرين ..​

 

[Sohai]

يعطيكم العافيه ..
انا من زباين حنان دشتي بس تعرفون العروس غير تخافين تغامرين ..​

روحي حق حنان دشتي عند رانيا وشوفي اشلون تحط المكياج الناعم هو على حسب الطلب إذا تبين مكياج ناعم ولا ثقيل روحي وشوفي مكياجها ان جربتها في المكياج الناعم رانيا في والله يسعدكم دنيا وأخره

 

[86روعـه]

انا بعرسي سويت عند رشا شيك
مستحيل اسوي فيه مره ثانيه مع انه كان مكياجي خطه فرنسيه بس ركبتلي اربع رموش وجبرتني اشتري عدسه فاقعه مع اني كنت جايبه معاي عدسه لون طبيعي
قالت لي ماراح ينفع ماراح تبين

البستكي كل عرس قريب احط عندهم رووووووعه لكن مو طلب اختج
جربي روحي عند الاء دشتي الي تحط حق امل العوضي ونصيحه قبل لاتروحين دقي عليهم قولي في عروس اليوم وهل اقدر اشوفها وسلامتج

للامانه ماجربت الاء بس مكياجها انعم شي اشوفه ع امل العوضي وشوفي برنامجها

وربي يكتب الي فيه خير لاختج ويتمم عليها


دعواتج لي ربي يسهل علي ويرزقني الرزق الحلال ولج بالمثل

 

[لوزين]

حنان دشتي

قاموا يسوون الناعم اذا طلبتيه مو نفس قبل
انا افضل مكان جربت مكياجه علي مااحب اغامر بعض الكريمات مع الوقت تخطط او يبهت اللون ماعدا كريم حنان ثاااابت مايتغير


موفقين خير يارب

 

[مشتاقه لعيونه ~]

انا مثل اختج ملامحي ما يصير عليها الاوفر ..

عشان جذي باروح ان شاءالله ليلى هارموني ..

مكياجهم ناعم وفخم ..

 

[يالبي عيونج]

حطي عند سارة اسمر مكياجها ايننن وحسب ملامحج وتحط الاوفر والناعم مكياجها عجييييب وبالتوفيج

 

[مذهلة2013]

انا كنت عروس في بستكي بس سويت مكياج ملجه
اينن كان نااااااااعم لانه كانت حفله محفوفة حييييييييل
الكل يقول شكلج كان حلو والله ماشاءالله

 

[زبــــــــدة]

بستكي طببببببببببعا

يحطولج على حسب الطلب .. وشوفي صورهم بالانستقرام ..حده مكياجهم ايينن

انا بعرسي حطيت عندهم ...

 

[طيشن على جديه]

يعطيكم العافيه حبوبات ..​

 

[لمساتـي]

اب اب اب

 

[كنـده]

انصحج روحي (منار احلى) انا وخمس من رفيجاتي كنا عندها بعروسنا صج تهبببل طلعتنااا
واهي كانت برشا شيك بس طلعت

 

[مـهـــابــــه]

^

حيل حلوه .. ما افكر اغيرها بمناسباتي