رشحولي حليب لعمر سنة

[درابيل وحليب]

بنات المنتدى العزيزات ولدي داخل عل السنة الله يحفظه لمن وديته الطبيب قالي
الحين اقدر اغير الحليب و استعمل
حليب من عمر سنة
ولمن رشحتله بدياشور قالي بديشور سعراته وايد عالية و يتفخ الياهل
اقدر استعمله مرة او مرتين باليوم و باجي الرضعات من حليب ثاني

شنو اعطيه مادري و الله حدي محتااااااااااارة :eh_s(10):

 

[أحب الصدق وأعمل به]

والله كل من يقول عطيه حليب طازج من الجمعية اللي ينتهي 3 ايام مو طويل الامد اخذي المراعي او نادك انا ولدي انشالله من يكمل سنه بعطيه رفيج اخوي كان مودي ولده علاج بالخارج وكان عمره سنه فقال حق الطبيب شنو اعطيه حليب بودر انجن الدكتور قال من صجكم ولدكم عمره سنه وفوق ما تعطونه حليب طازج اشوف عظامكم بوطقة وضعاف والله من كلام اخوي قلت بعطي ولدي انشالله حتي لو ما تقبله بعوده عليه شوفينا احنا كله نشكي من عظامنا والله انا الحليب ما اعرفه من زمان ماشربته وقلت بدخل حليب البودر حق ولدي بس باليل عشان ينام والله يسهل

 

[دلع86]

حليب نيدو لمن اكون بالبيت اعطيها منه رقم 1

ولمن نطلع احط لها حليب كي دي دي الصغار اسهل من العباله ماي حار وعلبه الحليب

وحليب بدياشور الدكتور يقول مره او مرتين باليوم بس لاتكثرييين

 

[@ دهن العود @]

مفكره بحليب نيدو بالاضافه الى حليب كى دى دى

بس جنكم شيشتونى على بديا شور مع ان الكل يقول انه يعتبر مكمل غ>ائى مو حليب

 

[ғ α η ί l ү α]

انا بصراحه اعطي بنتي بروجرس

ولما قلت حق الدكتور قالي بروجرس ممتاز والحمدالله بنتي عليه وارتاحت من الغازت والامساك

 

[م.أسومة]

بروجرس

 

[ShoOog el3YoOoN]

انا اعطي ولدي نيدو ... وبالضافه الى كي دي دي بالنكهات حق العصااري والمغرب ........

 

[eman84]

بروجرس

 

[om deaj]

سالي طبيبه
وعجبتني فكرة حليب السائل

 

[Coffee-Girl]

انا اعطي بنتي سيميلاك

والعصر كيددي فراوله او موز او ككاو انوع لها

 

[انوار المحبه]

انا بعد محتاره شعطيها اي نوع حليب

 

[love love]

بروجرس ممتاااااز

وحق الطلعات كي ديدي النكهات

ومع الوجبات حليب مراعي فرش

 

[noha33]

حبيبتي أولا بيدياشور مو حليب هذا مكمل غذائي
أنا لما ولدي تم السنة صرت استعمل حليب بروجرس جولد والدكتورة قالتلي عنه زين
استعمله مع بيدياشور (ديري بالج هو مو حليب ولا يغني عن الحليب)
أسوي الممية كالتالي
190سم (يعني لي رقم 6) ماي
6 مكيال حليب بروجرس
4 مكيال بيدياشور
والحمدالله ولدي حسيت نشاطه زاد بعد ما بديت في بيدياشور أحسه نشيط وقام يلعب