رشحولى الاماكن الحلوه فى باريس ولندن لو سمحتو ...

[kuwaitya_zoGaa]

بنوتات حبيباتى

انا بروح ان شاء الله باريس ولندن

اخيرا استقرينا على ديره ... بعد معركه عنيفه ... :eh_s(14): مع الوالد ...

ياريت ترشحون لى الاماكن اللى لازم ازورها شتنصحونى فيه ؟؟؟
يعنى المطاعم .... الاماكن السياحيه ... المحلات الحلوه وخصوصا فرنسا .

 

[kuwaitya_zoGaa]

استغفر الله العلى العظيم

 

[The Boutique]

متى بتروحين خل اشوفج هناك انا عقب باجر

 

[kuwaitya_zoGaa]

هلا حياتى انا على الاسبوع الياى ان شاء الله .
وجان زين نشوفج

 

[kuwaitya_zoGaa]

استغفر الله العلى العظيم

 

[[Q8TYA]]

هلا حبوبه .. خل اقولج عن الاماكن اللي في باريس

طبعا الاماكن المشهوره واللي لازم تنراحلها ( برج ايفل. قصر فرساي . متحف اللوفر . ديزني . وفي منطقه فوق الجبل كلها رسامين وكافيهات وايد حلوه ولمن تروحينها تشوفين باريس كلها . وفي رحله تروحين بمثل قارب تمشين بنهر السين يراويح معالم الديره واماكن مشهوره فيها )

انشالله اكون فدتج بهل اماكن واي شي انا حاظره

 

[kuwaitya_zoGaa]

كويتيه ماشاء الله عليج كفينى ووفيتى

 

[kuwaitya_zoGaa]

انزين ابي اسامي واماكن مطاعم حلوه بلندن وباريس

 

[bnt_7waa]

So Style

انا رايحه عقب باااجر

انتي اي طيران ؟؟

 

[kuwaitya_zoGaa]

يالله عطونى اماكن اخاف اموت من اليوع

 

[[Q8TYA]]

لوووووول لا تخافين ماراح تموتين يوع

شوفي اباريس عندج طبعا شارع الشانززيليزيه ( لوول انلووووول لا لاتخافين ماراح تموتين من اليوع
شالله اكون كاتبته عدل ) امشي فيه والله ماكثر المطاعم والكافيهات اللي موجودين اهناك .. وتلاقين بعد بالشارع مطعم ايراني ما اعرف شنو اسمه بس اهوا من المطاعم اللي موجوده فوق يعني مو تحت وانتي تمشين اقري لول

 

[kuwaitya_zoGaa]

هههههههه اهم شى لانه كله اسمع البنات اللى بالمنتدى يقولون متنا يوم ماناكل ويودون ماجله وانا ما احب اودى معاى وولا شى اقصانا نفرين انا وابوى
مشكوره وايد ياحلوه وتسلمين "

 

[[Q8TYA]]

لا حبوبه كلش ماله داعي تودين معاج ماجله كل شي موجود اهناك

بعد ليش العباله والله انا استغرب من الناس اللي ياخذون معاهم ماجله بالسفر .. يعني احنا مسافرين عشان نكسر الروتين مو نروح ومعانا نفس الاكل المعتاد اللي بالديره

 

[kuwaitya_zoGaa]

اى اشوه انتى مثلي اصلا اشلوون دخلوها معاهم ... احس فشلة واصلا هالدول مايرضون .

 

[q8tia27]

حبيبتي زوغه انحشت من موضوعي وجيتج ههههه
باريس ماشفتها ما افتي فيها بس ابوي يقول اكلي فيها سي فود لان اهو احسن شي والاباجي ينخاف منه
اما لندن ديره عرب ماراح تموتين من الجوع وين ماتمشين مطاعم ودونات وكرواسان وخرابيط طول ماتمشين بلعه نروح شحليلنا نرجه شمتنا بس اكلهم لذييذ انا احب هالسوالف ماحب المطاعم التقليديه
وبعدين الحلال هناك في شكثر مطاعم هنديه وتركيه وعراقيه ولبنانيه وخاصه اجوررود اذا ابوج يحب هالمطاعم نفس ابونا نقعوا هناك كله جذي
انا احب الايطالي (مطعم بيلا ايطاليا ومطعم اسمه زيزي )يعني شقولج كلشي موجود حتى السوبر ماركت اذا تبين فيه شي عربي ومعروف اسمه الوادي الاخضر ورا اجورود بعد وكل عله فيه حتى اذا اشتهيتي صاج وفطاير عنده واشياءه حلال
واي شي تبين حاظرين بالنسبه للطلعات اقولج بس انتي متى توصلين لندن؟

 

[قـہۈه فـرنسيـہ™]

حبيبتي كويتيه زوغه...موفقه حبيبتي تروووحين وتردين بالسلامه

يا قلبي لازم تسوين جدولج من الحين عشان لا تتوهقين تطقون درب لمكان ومعين وآخر شي يطلع مسكر...



أول شي ...يوم الوصول..طبعا أكيد ساكنين قريب من الشانز ..أقترح عليج أول يوم تاخذون جوله بالباص السيااااحي يمر على معالم باااريس الشهيره كلها...وتقضون باقي اليوم بالشانز وتخلونه رااااحه من عناء السفر



....برج ايفل....روحيله قبل مغيب الشمس...اصعدوه بهذا الوقت عشااااااان تشوفون مشهد بااانورامي...باريس بالنهار والليل وتشوفون إضاءات البرج ((أعتقد هالمنظر ماراح تنسينه))+رحله بنهر السين قبل ما تصعدين البرج وبعدها تجولوااا بالأماكن اللي عند البرج...وراح تمرون على نفق دياانا




ديزني لاند... لا تروحون لها بالويك اند (سبت -أحد) لأنها بتكون زحمه... وخصصوا لها يوم كامل من الصبح لي الليل..وحاولوا تاخذون تذاكر الفاست باس للألعاب عشان تدشون على طول...وهم تذكرة الدخول قصوها من محل ديزني اللي بالشانز عشااااان ما توقفون بالزحمه اللي عند البوابه




قصر فرسااااااي...هم يبيله يوم كاااامل..من الصبح أعتقد الأثنين مغلق..تجولوا بالقصر وحدااااايقه وقصر زوجة الملك المعذبه وخذوا معاكم مفرحااااااات (مأكولات خفيفه) وتردون المغرب وتقضون باقي الوقت بالشانز




غابة بولونيا...حديقه حلوه تشبه الهايد باااارك فيها تجديف وأنواع ثانيه من الرياضات..وهي منقسمه عدة أقسااام
حديقة نباتات وحديقة حيوانات..حديقة النباااتات...فيهاااا زهوووووووور تجنن كل مايخطر ببالج وتعيشين أجواء باريسيه صج




متحف أورسي خيااااااالي لا تطوفينه روحي له الصبح ولما تخلصون روحوا للغاليري لافاييت...ومروا أفنيو مونتين..وأفنيو سان جيرمان...راح تلقين المحلاااااات الماركه شانيل...بربري...........الخ وفيه محل ايلي صعب ...وطبعا تمرين اللي يسمونه سوق اليهود (أبو كير) وراح تلقين عندهم أشياء حلوه وغريبه...وخلي هاليوووم كله للدواعيس...ومري بعد صالون جاك ديسانج جنب هالمحلات وغيري اللوك بتاعك...وهم فيه صالون بفندق الكونكورد لافاييت اللي لازق بالغاليري لافاييت...قصاااااات وصبغات عجيبه


وكالعاده نهاية اليوم قهااااوي الشانز




متحف اللوفر......ما يحتاج أوضح..




هضبة مونامارت...أعلى هضبه في باريس وخلوا روحتكم لها يوم الأحد عشااااااان تشوفون الكنيسه وشلون يأدون طقوسهم...كأنج في فلم تاااريخي..وبعدهااا مروا الرسامين اللي بنفس المكااان وقضوا وقتكم كله هناك



وأهم شي تروحون الآوت لت فيلج..هي قريبه من الديزني بس ماااراح يمديكم لأنكم بتطولون فيهم الأثنين..
(قرية التخفيضات)...

واذا عندكم وقت وأيام زااايده ...أرشح انكم تاخذون يومين بالريف الفرنسي وبتدعين لي يا قلبي


وهذا كل اللي يحظرني الحين....أي شي أنا بالخدمه
أدل باريس كلها داعوس داعوس وشارع شارع

أتمنى أني أفدتج...وأنا بانتظار الاستفسارات

وحطي ببالج حبيبتي زهبوا جدولكم من الحين عشااااااان ما يظيع يوم وأنتو تدوجون ما تدرون وين تروحون..




تحيااتي...

 

[kuwaitya_zoGaa]

كويتيه نورتى موضوعى وهذى الساعه المباركه مشكوره حبيبتى على كل هالمعلومات احنا حاليا ناوين على الاسبوع الياى بس الوالد قاهرنى لى الحين ماحجز
فزو لها حبيبتى انتى ماشاء الله عليج كفيتى ووفيتى ونستينى وايد وايد سويتى لى برنامج متكامل ماشاء الله عليج لانى بروح لها اسبوعين مشكوره ياحلوه وايد وايد وتسلمين لى ياقمر .

 

[q8tia27]

منور بوجودج حبوبه وساعتج ابرك وانشالله يسهل دربكم بس جنه الوالد طولها ههههه
شينطر ترا زحمه اشتغلوا بالحنه سويناها قبلكموالا سوي نفسي حجزي ووهقيهم
على خير نشوفكم واي شي تبين بالشوفه عند لي يوم الاربعا باليل موجودين باذن الله مع السلامه

 

[kuwaitya_zoGaa]

بعد قلبى تسلمين حبيبتى ...
اى مو الوالد الله يهداه كان عنده شغل وماكان عارف متى بيخلصه والحمدالله خلصه اليوم ووده انا نسافر على يوم السبت ان شاء الله بس بيشوف الحجوزات اول عشان جذيه ماحجز بس سوا لنا الفيزا
واهم شى رايحه معاه نخلص شغل السفر واحنا موحاجزين لووووول .

 

[قـہۈه فـرنسيـہ™]

تسلمين يا قلبي ..كويتيه زوغه شدعوه ترااا احنا خوااااااااات ولازم نفيد بعض

موفقه حبيبتي .. يالله عاد سوي جدول وورينا اياه عشان نساعدج فيه