رسوم شامبينز ؟

[حنين]

بسم الله الرحمن الرحيم
بنات جم رسوم شامبينز اليديد ؟

 

[أ.س.م.ا.ء]

ان شاء الله وحده من البنات تفيدنا
والي جربت النادي شرايها فيه ؟ واشرايكم بنادي شامبيينز للبنات الصغار يسوى ادخل بناتي فيه ولا لأ ؟

 

[ــزيـــن عــالـمـ جـمـيل]

اليديد 180

بس القديم اشرح​

 

[حنين]

ان شاء الله وحده من البنات تفيدنا
والي جربت النادي شرايها فيه ؟ واشرايكم بنادي شامبيينز للبنات الصغار يسوى ادخل بناتي فيه ولا لأ ؟

اي دخليهم يستاهل خواني لصغار دشو العام وهلسنه كلما انقولهم تبون دشون نادي يقولولنا نبي شامبينز لان نادي حاطين عينهم على اطفال من جذي الياهل يستنسون

 

[bombo]

للرفع

 

[عنآد]

تشامبيون الـnew الشهر بـ250 دينار ..

و3 شهور اتوقع بـ 400 دينار ..

ولكن فخم فخم فخم فخم لأبعد الحدود ..

حييييييييييييل فخم .. اتعب من كثر ما اقول فخم ..

و مو ززحمه ..

ولكن ماعجبني مسبحهم .. لأن فيه اجهزه رياضيه بالماي .. واغلبه حريم كبار يتدربون بالمسبح ..

آنا بالنسبه لي اهم شي عندي المسبح لأن بصراحه انا حدي ضعيفه .. وادش عشان المسبح لأن احب اسبح

ونصيحه اذا يهمج المسبح دشي تشامبين القديم لأن مسبحه احلى حيل من الـNew ..

وهذا اللي اقدر افيدج فيه ..

ولكن هذي اسعار اشتراك الرشاقه والجمال مو العلاجي

 

[عنآد]

نسيت أقول تشامبيون القديم اشتراكه الشهر بـ 150 دينار

و لكن 3 شهور بـ250 دينار ..


واتمنى اكون افدتج ..

 

[حنين]

مشكورين بنات على الافاده

 

[أ.س.م.ا.ء]

امس رحت لهم وخذيت الاسعار
تشامبين ( القديم ) للسيدات
شهر 150 د.ك
3 شهور 250 د.ك
6 شهور 350 د.ك
سنه 450 د.ك
تشامبين للبنات وللاولاد
اسبوع 90 د.ك
اسبوعين 150 د.ك
شهر 200 د.ك

 

[حنين]

مشكوره حبيبتي

 

[ملكة زماني]

مشكورين بنات اللي تعنو ويابو الاسعار
بميزان اعمالكم يارب
غدتو وايد ناس

وشكر خاص لصاحبة الموضوع

 

[اميرة الغيد]

حبيبتي عناد شنو قصدج الرشاقه والجمال مو العلاجي ؟

 

[الذهبية]

اب
اب
اب

 

[عنآد]

اشتراك الرشاقه والجمال يفرق عن العلاجي ..

الرشاقه والجمال .. اللي هو مال الضعف والناس اللي مافيهم شي ..

اما العلاجي .. حق الحريم الكبار (العيايز) أو اللي فيهم آلام بالظهر أو آلام بالرجل ..

واتمنى اكون افدتكم ..

واذا حابين انزل اسعار العلاجي بلغوني واحطه لكم لأن ورقة الاسعار فوق

 

[روح مغليهآ]

اي حبيبتي عناد عطينا اسعار العلاجي بالقديم واليدين امي ريولها تعورها ينفع اوديها؟ ويعالجونها والا شلون وفي حريم كبار هناك؟ومشكورة

 

[عنآد]

أول شي : الله يخلي لج امج ويخليج لها ويطول لج بعمرها ويعيشها لج بصحه وعافيه وبصراحة تشامبيون الفخم مو خساره فيه الفلوس لأن جوّه يرد الروح .. :tek:

ثاني شي : الأسعار كالتالي :
بالنسبه لتشامبيون القديم جدول الأسعار مافيه علاجي بس سبورت عادي

تشامبيون القديم :
----------
** اذا كنتي اول مره تشتركين هذي الأسعار :
شهر : 150 دينار
ثلاث شهور : 250 دينار توقيف لمدة اسبوعين و 3 جلسات مساج سويدي .
ست شهور :350 دينار توقيف لمدة شهر و 5 جلسات مساج سويدي .
سنه : 450 دينار توقيف لمدة شهرين و 10 جلسات مساج سويدي .


** أما اسعار تجديد الاشتراك : يعني تكونين مشتركه عندهم من قبل : تشامبيون القديم :
شهر : 150 دينار
ثلاث شهور : 200 دينار توقيف لمدة اسبوعين و 3 جلسات مساج سويدي .
ست شهور : 300 دينار توقيف لمدة شهر و 5 جلسات مساج سويدي .
سنه : 400 دينار توقيف لمدة شهرين و 10 جلسات مساج سويدي .



وأما تشامبيون الجديد ((الفخـــم))
--------------------
** اشتراك البرنامج العلاجي التأهيلي :
شهر : 350 دينار توقيف لمدة اسبوعين و 10 جلسات مساج علاجي .
ثلاث شهور : 500 دينار توقيف لمدة شهرين مع مفتاح مبرمج و 20 جلسة مساج علاجي .
ست شهور : 850 دينار توقيف لمدة 3 شهور مع مفتاح مبرمج و 30 جلسة مساج علاجي .
سنه : 1000 دينار توقيف لمدة 4 شهور مع مفتاح مبرمج و 60 جلسة مساج علاجي .

** اشتراك الرشاقة والجمال :
شهر : 250 دينار
ثلاث شهور : 400 دينار توقيف لمدة شهر مع مفتاح مبرمج و 5 جلسات مساج سويدي .
ست شهور : 650 دينار توقيف لمدة شهرين مع مفتاح مبرمج و 10 جلسات مساج سويدي .
سنه : 850 دينار توقيف لمدة 3 أشهر مع مفتاح مبرمج و 20 جلسة مساج متنوعة .

 

[حنين]

مشكوره واييييييييييييييييييييييد اختي عناد ان شاء الله ردها لج بفراحج

 

[عنآد]

العفو ..

ومانبي الا الدعوه بظهر الغيب ..

ولو بالنسبه لي احس الأسعار غاليه بالنسبه لنادي صحي ..

 

[عنآد]

العفو ..

مابي منكم غير دعوه بظهر الغيب ..

ولو اني اشوف اسعارهـ غاليه بالنسبه لنادي صحي ..

 

[googoosh]

هلاا اختي
انا اليوم اشتركت بنادي تشامبيونز اليديد .. وااايد حلو و نظيف و اهم شي ان مو زحمة كلش .. يعني تلعبين على كيفج .. اشتركت سنه ب 650