رسالة صدمتني ؟؟ اخت الزوج

[أعشقك بجنون]

السلام عليكم


وصلني مسج من اخت زوجي


ما عمرها ارسلت لي ولا رسالة


اليوم ارسلت

والله منتي على شكلك ياما تحت السواه دواهي

انا انصدمت من الرسالة

اقول لزوجي او لا ..

وش رايكم اطنش الرسالة ؟؟؟

او ارد واقول ايش تقصدي ؟؟

 

[miss t]

حبيبتي اكيد لا تستكين كلميها وقوليلها عسى ماشر

خيييير

وتاكدي لا يكون مقلب باخر الرساله اذا انتي مابينج وبينها شي

والله يهدي الجميع

تقبلي مروري

^_^

 

[no-on]

كلمى زوجج اول وقولى اللحين جدامك بدق وبحط سبيكر عشان تسمع شسالفتها

 

[تعويذه الحب]

اكيد لا تسكتين طرشي ليها مسج وحطي فيها عيون @@ !

 

[قمر^خالد]

كلمى زوجج اول وقولى اللحين جدامك بدق وبحط سبيكر عشان تسمع شسالفتها

اي صح .. لو آنه منج جاان سويت جذي

 

[عاشقة الكاكاو]

طرشي لها مسج قولي لها عسى مااشر يالغاليه شصااير ؟

ولا تقولين حق زوجج علشان ما يكبر الموضووع

 

[أعشقك بجنون]

او ارسل رسالتها مره ثانية

 

[درة أهل الطولات]

لا ترسلين شي سكتي علشان تظل متخوفه لا تبردين حرتها فيج

 

[ودي بطفل احضنه]

قولي ألزوجج قولي شسالفتها اختك

ويستحسن اتكلمينها جدامه..

 

[ThARbAH]

لا حبيبتي لا تقولين حق ريلج عشان ما تكبر السالفه فهمي منها
شسالفه اذا شي جايد حاولي تحلينه بتفاهم ويها اذا كان بينكم مشاكل من قبل واذا ماقدرتي عليها خلي ريلج يتدخل
والله يريح بالج

 

[tmtmt]

عرفي شسالفه اول بعدين شوفي تقولين حق ريلج ولا لا

 

[miss_art]

انا منج اقول حق زوجي واخلي زوجي اهو اللي يدق ويكلمها يقولهاا شفيج دازة مسج جذي عشان تموت من الخرعة حق المرة الياية

 

[المدينه]

لا تسكتين راويه زوجج وكلميها جدامه

 

[أوطان]

صج ياما عشنا وشفنا ..
بس نصيحة لاتطرشين ولاشي عشان مايكبر الموضوع

 

[أعشقك بجنون]

المشكلة ما بيني وبينها اي شيء


والحمد لله

 

[أوطان]

اختي اذا مافي بينج وبينها شي خاف بطرشه حق احد ثاني وطرشته لج بالغلط !!

 

[أعشقك بجنون]

ايش رايكم


ارد المسج لها مره ثانية



لو بالغلط كان تعتذر ؟؟؟؟؟؟؟؟؟؟؟؟ صح

 

[احلى سماء]

احقري المسج ولا تردين وهي راح تموت قهر
لا تردين عليها بس خلي المسج موجود لا تمسحينه

 

[.،:"$الـعـوبــــة$":،.]

((كلمى زوجج اول وقولى اللحين جدامك بدق وبحط سبيكر عشان تسمع شسالفتها))

((انا منج اقول حق زوجي واخلي زوجي اهو اللي يدق ويكلمها يقولهاا شفيج دازة مسج جذي عشان تموت من الخرعة حق المرة الياية))
​

كلامهم عين العقل وصح وصدقيني طيعيهم وفكي نفسك!!!
لو تكلمينها بروحك يمكن تودي كلامك والموت انها تزيد عليه وتخرب العلاقات نفس اللي صار معاي،،
ديري بااااااااااااااااااااالك،​

 

[اميرة-الاحجار]

خوفج مسويه فيج دقه
او يمكن دازته بالغلط مو لج

لاتتسرعين