- إنضم
- 16 أغسطس 2008
- المشاركات
- 441
- مستوى التفاعل
- 0
- النقاط
- 0
بسم الله الرحمن الرحيم
وبه نستعين
شلوونكم أبلاات .. احم احم قصدي معلمات
من بعد ما قريت موضوع سلسلة حكاية معلمة وشلون انها استقالت آخر شي
تحسفت عليها وعلى كل وحدة ضميرها حي تفكر بالاستقالة...
حبيت ان اكتب اشياء تعلمتها أثناء التدريس حسيت انها ساعدتني ووايد فرقت علي
خصوصا السنة اللي طافت..
يعني فيه أشياء أساسية لازم نتعلمها عشان نقدر ننظم عقلنا ونفسيتنا ماتتعب:
مثلا..
فصل العمل عن المنزل والعكس صحيح.. ( كيف؟)
( لا تقولون صعبه وشغلتنا تحتم علينا نييب اغراضنا البيت ومن هالكلام آنا جربتها بس مو أول سنة تدريس جربتها بالسنه الرابعه على ماتعلمت وكانت أحلى سنه قمت أقعد مع أهلي وأهتم بنفسي أكثر وصحتي)
:eh_s(17)::eh_s(17)::eh_s(17):
الكيفية :
بإنج تنظمين وقتج بالمدرسة
قبل الطابور ( أقوم بعمل كذا وكذا)
الحصة الأولى ( أعمل كذا وكذا ) وهلما جرا... راح تلقين وقت زيادة عندج سوي شغل اليوم الثاني من تحضير أو تحضير ذهني
أو معلومات اثرائية من النت أو المكتبة خلي عندج طابعتج بالدوام
ولا تاخذين معاج شي من المدرسة من أوراق مهمة ولا امتحانات ولا دفاتر بنات ومن هذا القبيل..
ولا تقعدين تسولفين بأوقات فراغج وتضيعينها بالمدرسة على أبو ان بسوي شغلي بالبيت !! ديري بالج@@
ودايما كوني مشغوله بالمدرسة بشغل المدرسة واذا فضيتي سوي شغل الأيام القادمة
حتى لو عندج عشر دقايق اشتغلي فيها لان حتى الدقيقه لها قيمتها.
الصراحة في البداية راح تكون السالفة صعبة لأنج متعودة على الشغل بالبيت وتكونين حاره تبين
تخلصين شغلج عشان ماتحاتين بالمدرسة ...
اذا أحد ناداج أو طلب منج شي قولي بس أخلص شغلي أيي لا تعطين من وقتج لأحد ويضيع عليج.
حطيلج نوته على مكتبج فيها كل الشغل اللي بتسوينه وشطبي على كل شغل خلصتيها وخلي مكان فاضي فيها عشان زيادة الشغل اللي راح تييج أكيد.
واذا فضيتي وخلصتي تحاضيرج الكتابيه والذهنية ووسايلج بطلي كمبيوترج وسوي مطويه او بروشور وطبعيها وخليها بدرجج لين تيي المناسبه واستخدميها ( ديري بالج لا تستخدمين الموجودين على النت الزاهبين الكل يعرفهم )
المهم من هذا كله لا تخلين لج وقت فراغ كله اشتغلي عشان تردين البيت فاضيه ومخلصة شغلج وماتحاتين وتنامين قريرة العينين @@
:eh_s(17)::eh_s(17)::eh_s(17):
وهذي بعض التحذيرات :
راح تلقين بعض الأخطاء اللي راح تطيحين فيها ماكنتي تطيحين فيها من قبل
لانج اشتغلتي بجو في ازعاج وأصوات وجرس وبين الحصص فلازم تراجعين شغلج مره ثانيه على السريع للتأكد.
لازم تقاومين طلبات زميلاتج بالسوالف معهم أو بعمل شغل معين لهم وكوني دائما منشغله بشغلج انتي وبس مو شغل غيرج.
لا تأجلين أي شي حق باجر ابدي وتوكلي على الله.
لا تكودين أغراضج بالبيت من وسايل وغيره كلها خليها بالمدرسة مرتبه بأي طريقه تحبينها تحت طاولتج أو بالقسم نفسه
ودايما سجلي اسمج على وسايلج عشان اذا عطيتي أحد حقج يكون محفوظ .
دايما حطي عبارات تشجيعيه على مكتبج.
لا تسولفين عن حياتج الشخصية بالمدرسة إلا الأشياء العامة..
:eh_s(17)::eh_s(17)::eh_s(17):
لتجنب الإحباطات والمحبطين:
حطي ببالج ان أول تقدير لشغلج من الدولة أهو االراتب وانج قاعدة تحللينه وكل فلس فيه حلال عليج والله يبارك لج فيه.
ثاني شي لا تنطرين كلمة شكر أو تقدير من أحد على شغلج لأن اذا ماياج راح تتحبطين.
وخليج واثقة بالله ان ماراح يضيع تعبج .
اذا حصلتي على كلمة شكر وتقدير فاستمتعي بها وتذكريها واحسبيها للشخص اللي جدامج.
كل شغله تسوينها لا تستحقرينها ( ولا تحقرن من المعروف شيئا) وحطي ببالج انها انجاز لج.
لا تنفرين من مديرتج أو رئيسة قسمج اذا رفضو أي شي لج أو أي اقتراح وحطي ببالج انج سويتي اللي عليج واستمري باعطاء الاقتراحات يمكن تضبط على محدة منهم ( لا تيأسيين).
لا تاخذين موقف من شخص معين وتشيلينه من القائمة على طول كل إنسان يخطئ وكل انسان فيه خير.
لا تاخذين بنصيحة انتي مو مرتاحة منها ويقنعونج انها الصح ( الحلال بين والحرام بين) يعني كلنا نعرف الصح والغلط.
شغل التربية متعب وكل شغل متعب بهالدنيا بسم الله الرحمن الرحيم (( انا خلقنا الانسان في كبد )) يعني في تعب
حققي ذاتج من خلال عملج وحسن أخلاقج مع زميلاتج
ولاتنسين الابتسامة صدقة 
..:eh_s(8):
..:eh_s(8):والله ولي التوفيق:eh_s(15):
