ردي انا ام سيف من الامارات على موضوع غرور الكويتيين

[um_saif]

مرحبا اخواتي

الموضوع وما فيه ان البنت الي سمت نفسها اماراتية هاي موب اماراتية ولهجة كلامها موب اماراتية احنا ما نقول ايه وما نقول عيني ومعروف اي بلد الي يقول هاللهجة

وحدة حبت تخرب وتخلي البنات يطيحون في بعض والحين هي تضحك وشاقة المكشخ بعد من الوناسة لانها نجحت انها تقص على البنات الكويتيات وتخليهم يسبون الامارات وشعب الامارات وحكام الامارات

مشكورات خواتي الي اهنتوا الامارات يزاكم الله خير وما قصرتن

ن دخلت هالمنتدى شوفوا مواضيعي وشوفوا مدحي وشكري في الكويت واهلها موب عشان احنا كنا نشتغل زراعين وخدم في بيوتكم ايام زمان ولا عشان اي سبب من الاسباب الي قلتوها في قدح الامارات واهلها

واذا في انسان بيفتخر يحق لي لي اني افتخر اني من بنات زايد الي متاكدة كلكم تحبونه وما ترضون لبلاده وشعبه بالاهانة لكن الشيطان شاطر ودخل بينكم حسبي الله ونعم الوكيل

بس بقول شي عن نفسي

يوم صار الغزو كنت صغيرة وكنا انا واخواني الصغار نايمين قمنا على صراخ امي في البيت وتوعينا من النوم وتقول قوموا اصدام دخل الكويت وصارت عندهم حرب

ويلسنا كلنا تجمعنا عالتلفزيون ونصيح وتعبنا صياح وندعي لكم

وبعدها استقبلناكم في مدارسنا وبيوتنا وعشتوا معانا وصرتوا اهلنا واحنا اهلكم

ولين اليوم كلما تذكرت يوم نقوم الفجر على صراخ امي اتدمع عيني واتاثر غصبن عني موب عشان انتوا لكم فضل ولا عشان لنا فضل عشان نحبكم بدون قيود

وسامح الله

 

[قـہۈه فـرنسيـہ™]

ياااحيااتي فديتج لا تتضايقين ...ندري انها مو امااراتيه ... وااضح من لهجتها ...

وهالنماين هذي ماتشرف الخليج ..

أنا رديت ...والله ان الإماراتيين حبايبنا وعلى رووسنا ...وكلنا أهل وحبايب .. وبعض البنات بعد خذتهم الحميآآ لا تلومينهم ...





والله يكثر من أمثالج ...صدقيني هالمووضوع ماراح ينقص شي من قدركم ولا قدرنا ...


وهالحشره ...حبت انها تسوي أكشن وجاها ما كفآآها ...


وفـ الآخير ..كلنا عيال قريّه وكلن يعرف آخيّه ... ما نحتاج كلاام زايد ...ولا شهادات من أحد

 

[حسآويه]

رد : ردي انا ام سيف من الامارات على موضوع غرور الكويتيين

خلآص حبيبآتي حصصصل الغير لاتكبرون الموضوع ^_^ ...
وخليجناا واااحد ولله يبعد عنااا الحسسسسد

 

[الكويت داري]

يعطيييج العافية ام سيف والله يحفظ لج سيف
ولا تزعليين عمرج عالبنات اهمه ما يقصدوون
اهل الامارات حبايبنا وما نرضى عليهم
والله يرحم الشيخ زايد وبابا جابر ويغمد رحهم الجنة
والله يحفظ الكويت والامارات وديار المسلمين من كل مكرووه اميين

 

[الكادي 1981]

أهــــل الامــارات أهلنــا وحبايبنا ..... وماننســـى وقفتهـم معنـــا ومســـحيها بوجيهنا يمكن بنات أنفعلوا ونسوا أنفسهم شوي حقج علينا

 

[اماراتية 100%]

السلام عليكم و رحمة الله و بركاتة

أنا اماراتية و مسجلة من زمااان بمنتداكم من سنة 2007 بس ادش اتصفح و اطلع ما اشارك

بس هالموضوووووووووووع قهرني

و رب الكعبة بس قريت عنوان الموضوع قلت لاااا حرام الكوييتين ابد هب مغرووين و دشيت اقرا ع بالي كويتية كاتبة الموضوع تنتقد شي بمجتمعها لكن انصدمت انها طلعت اونها اماراتية

هاي هب اماراتية مستحيل حتى من رمستها اتبين نحن ما انقول عيني و معروف اي شعب ايقول هالكلمة ...

و بعدين كيف صدقتوا خرابيطها اونة 2000 كويتي يشتغل بالوزارة ؟؟؟ هاي شكلها كانت تشتغل فراشة في وزارة كويتية

يمكن الكويتيات الي يشتغلن عندنا ينعدن بالاصابع و متزوجين اماراتيين هب 2000!!!!!!!

و الله العظيم انه يوم اكون مسافرة انه الكويتيات الي القاهن هن الي يبادرن بالسلام و يتخبرن عنا يعني قمة التواضع

و انا اكثر شي احبة بالكويتيات انهم جمعوا بين الاناقة و الكشخة و بين طيبة القلب و يحبن ايساعدن الغير

الله يخليكم لا تردووون عليها خليكم واثقين من نفسكم هاي اقل ما يقال عنها " حقيرة" وآسفة آسفة اني كتبت هالكلمة بمنتداكم الراقي بس من الغصة الي فيني

للاسف بعض البنات عطوها الي تباه و سبو بلاااااادي

و انا ما بيلس ادافع عن الامارات و اذكر افضالها لان الكل عارفها و هب هذا موضعنا اصلاا

فالله يخليكم لا تسبوا بلادي ع سبة وحدة حقودة حسووودة نفس هاي

و الله يديم المحبة ما بينا و يبعد الحسسسسسسسسسسسسسسسسسسسسسسساد

 

[dantella]

فديت الامارات والاماراتيين والله وفديت اهل زايد ... ياخي والله نحبكم ونعزكم والله لي بغينا نسافر مانرتاح الا بارضكم ... لاتتضايقين ولاتشيلين بخاطرج

 

[ام الدرر]

ياقلبي لا تزعلين ومثل ماقالت قهوة فرنسية البنات خذتهم الغيرة على بلدهم
انا من اول ماقريت الموضوع كان لي ثاني او ثالث رد
ودزيت رساله للمشرفات عشان يحذفونه
لكن شعقبه
حبيبتي امسحيها بوجهينا واهل الامارات على عينه وراسنا
اما الحقودين والحساد ربي حسيبهم ان شاءالله
ونداء للمشرفات الموضوع الثاني للحين موجود وما انحذف مع اني بلغت عليه من الساعة 6​

[/b]

 

[aṕriliå]

رد : ردي انا ام سيف من الامارات على موضوع غرور الكويتيين

حتى لو كانت اماراتية ..

مو غلطة اماراتية تكرهنا بأخواننا ..


يعطيج العافية ع التوضيح ..

 

[أم حمودي**MALL**]

والله من قريت موضوعها وقلت هذي مو اماراتيه بنات الامارات ذهب وما يطلع منهم هالكلام
انتوا اهلنا وما عليكم كلام

 

[مشـــــاعل]

رد : ردي انا ام سيف من الامارات على موضوع غرور الكويتيين

ياعمري لاتزعلين ولاتشيلين بخاطرك من قبل كذا بنت بالمنتدى قد طبت بالسعوديه واهلها وسوو منا متخلفين وفينا كبت ووو ماخلو ولا بقو فينا بيني وبين نفسي كنت دايما افترض انهم مش كويتيات اصيلات وبشكل عام اعتقد ان كل الكلام الي يقولونها يقولونها من قلب وهذا يشكل رايهم الحقيقي بدول الخليج الخليجيين بنظرهم شوية شحاتين متحاوطين حول الكويت عشان ترزهم وتعزهم وتحررهم وتعلمهم ولولا الكويت كنا ضعنا وهاذي فئه مقتنعه جدا بهالكلام ومافي فايده انك تردين عليها وتناقشينها

لكن بشكل عام حنا نقول الامل و الخير بالطلايع من الكويتين اهل الفكر والعدل وبعد النظر عشان يردون هالفئه لان احنا مهما كثر الكلام ماراح نجي ونعدد الي سوته الامارات او دول الخليج للكويت

 

[أوركيد]

فدييييييييييت الامارات واهلها...

ندري انها مو امراتيه ...وحتى لو اماراتيه...ما تتكلم باسم اهل الامارات كلهم..

الله يخلي الخليج لأهله ..ويخليهم لبعض ولا يغير علينا ..

ويمنع عنا شر الحاسدين الحاقدين

 

[ƒédaîtn¥ ZoO'3a]

حبيبتي انتي والله فديتج وفديج اهل الامارات كلهم :eh_s(7): وحسبيالله على هالعضوة الي تبي تسوي فتنه ومن لهجتها معروف من اي دوله ماقول الا عسالله يرد كيدها في نحرها
يمكن بعض العضوات تطاولوا بالرد هذيك شبت الفتنه وشيشت البنات ويالغاليه سامحينا وقدر اهل الامارت واهل الخليج كلهم على راسنا وكلنا اهل وخليجنا واحد :tek:

 

[نورالكويت]

رد : ردي انا ام سيف من الامارات على موضوع غرور الكويتيين

انا ماادري شالموضوع اللي تكلمون عنه بس امانتا الكويت كلها معروفين يموتون على شي اسمه زايد وشعب زايد مالج شغل بالحجي اللي غيرة

 

[Memeyah]

رد : ردي انا ام سيف من الامارات على موضوع غرور الكويتيين

معقولة في احد يكرهنا ! او يتكلم علينا !
ليش ؟ احنا ما ضرينا احد ابدا !
انا ما قريت الموضوع القديم لكن الظاهر صار فيه غلط عالامارات !
والله ما نرضى والله هذي بلدنا يا عالم ليش الغلط احنا عمرنا ما غلطنا على احد ليش ؟
لاحد يقول وطنية وحمية حتى لو
العاقل عمره ما يغلط في مثل هذي الامور ولا وين خليجنا واحد ؟ بس كلام ؟
وادري مهما انقال علينا كلام مب زين ترا احنا نبقى عيال زايد وما نرد عالغلط بالغلط ..

الله يهدي الجميع ..

 

[برونزية الكويت]

آآآآآآآآآآآآآه ياحبي لكم يا اهل الامارات نحبكممممممم لا تشوفونا لما توفى الشيخ زايد الله يرحمه بجينا بجي جنا حاكمنا من كثر ما نحبك وندري فيكم ماتقولون هالكلام

 

[M!Ss English]

رد : ردي انا ام سيف من الامارات على موضوع غرور الكويتيين

ياحياتي والله / ماعليج منها خليها
انتو يالشعب الاماراتي تنحطون على الجرح يبرى
وياكثر صديقاتي الاماراتيات واعزهم واحبهم
ومايفرقنـا موضوع احنا اخوان وبنتم اخوان للأبد
وعسى الله يحفظج يابنت زايد الخير والله يكثر من امثالج
وماننسى مواقفكم معانا لو شنو يصير وكلنا نتذكر الامارات ودول الخليج
كلهم شنو سوو لنا ايام الغزو عيشونا فبيوتهم معززين مكرمين
يابعد روحي والله ماعليج من الفئه الضاله هاذي والقافله تسير وانا اختج

يعطيج الف عافيـه وعساج ع القووه

 

[ToOoTi]

فديت دار زايد واهلها
وما عليج يمكن البنات فهموا غلط

فديتح والله لا تزعلين ولا تشيلين بخاطرج
في بعض العقليات المريضة تبي تخرب العلاقات
حسبي الله عليها

 

[درة أهل الطولات]

رد : ردي انا ام سيف من الامارات على موضوع غرور الكويتيين

انا ما شفت الموضوع اللي تقولين عنه

بس اكيد البنات ماردوا بهالطريقة الا من غيرتهم على بلدهم

والامارات عزيزة علينااا

 

[هديه الكويتيه]

رد : ردي انا ام سيف من الامارات على موضوع غرور الكويتيين

الله يحفــظ درة الخليـج الامــارات واهلـهــا من كــل مكــــروه
والله يحفظ لنـا الخليج من كــل شــر
اللهم من اراد الخليج بـ سوء فأشغله بنفسه ورد كيـده بنحــره
خـــلــيجــنـــا واحــــــــــــد وشعبنـــا واحـــــــــــــــــد