ردو علي لا تطنشوني تكفون

[لمسه دلع]

السلام عليكم
بنات انا متملكه وخطيبي دايم يرسل علي وانا مطنشته انزين واليوم ارسلت له وامي رافضه اني ارسله او اكلمه وانا زواجي بالعطله ان شاء الله انا احس اني ما سويت غلط شنو رايكم تكفون ردو علي

 

[قلب ضعيف]

عادي اختي كل البنات جذي

اللحين انتي زوجته متلكه يعني زوجته مو خطبه وبس

وكلنا جذي بس بالاول رسائل بعدين يتكلمك يعني حبه حبه

لاتخافين وامك قولي لها يمه كل البنات جذي لان خلاص انا زوجته شرعااااا

الله يوفقج يارب معااااه ويسعدج

 

[زبــــــــدة]

اكيد عادي

احنا البنت بس تملج اول يوم ملجه تطلع وياااه مطعم او مكان يتمشون ويتعرفون فيه على بعض

وبعدين عادي تكلمه ويكلمها زوجته شرعا ..يعني شنو اللي بيفرق العرس ؟؟!!!


يمكن انتو عندكم مو عادي لان وايد عايلات للحين تفكيرهم جذي

بس بالشرع اكيد عادي مو غلط

 

[Tulips]

ماردي عن عوايدتكم

بس اهو ريلج وحلالج وانتي حلاله يعني اذا كلمتيه ماراح تاخذين ذنب

 

[أم حيدور]

صار ريلج ومافيها اي غلط ان ارسلتيله ولا كلمتيه ..

بالعكس من حقج تتعرفين عليه الحين وتعرفين طبايعه واسلووبه ^_^

حتى لو كلمتيه من ورا اهلج مااشوف انج سويتي شي غلط ..

 

[ساحرتهمA]

علي حسب القبيله في ناس عادي وفي ناس لا
أنتم عادي عندكم تكلمونه ؟؟
وتبين رايي لاتردين عليه لانه مابقى شي ع العرس

 

[Hi--class]

َََ



@@
حبيبتي انتي من صجج
يبا شنو عادات وتقاليد ..اذا ربج راضي بهالعلاقه و مسموح انج تكلمينه ليش تحرمون شي حلله ربكم ؟
هذا زوجج ومن حقه من أول ما ملجتوا ان يكلمج وتكلمينه ..
ع الاقل بس مسجات واذا انتوا من القبايل او شي جذي لا تزودينها معاه لكن خليج معاه بحدود ما يصير تنقطعين عن ريلج !



َََ

 

[إيثــــار]

برد عليك حسب معرفتي المتواضعه

الشي اللي سويتيه مو حرام اكيد

لكن اذا انتو من جماعه وحده ومتعارف عندكم ان هالشي ممنوع فاعتقد انك تتركيه اولى

لكن اذا حسيتي انك ماتقدري ومحتاجه تكلمي زوجك وماترتاحي الا كذا توكلي على ربك

اما اذا انتي حاسه بالذنب انك ماتبغي تعارضي امك وزوجك يبغاك تكلمينه وضحيله موقف امك

بالنهايه انتي اللي تقرري حسب مجتمعك