ردوا علي انا بحيره وهم مايعلم فيه الا ربي

[Omhamood]

السلام عليكم


بنات انا حجزت حق شرم الشيخ وسفرتي بنهايت الاسبوع

المهمً طايفتني الدوره حللت وله حامل ........سبحان الله كنت ابي الحمل بس يوم دريت مت من البجي

اولا لاني ناطره هالسفره من زمان. ثانيا لان بخاطري شرم وبالغصب اقتنع زرجي

ثالثا لان خلاص رتبت اموري وكل شي ما اقدر اتراجع بس خايفه حيل بنات فابي الي سافرت واهي باول شهور تقولي

هل في خطر ؟؟؟وشنو لازم اسوي ؟؟؟؟ وبالنسبه الاشعه الكشف الي بمطارهل هي امنه ؟؟؟ولو قتلهم حامل يستثنوني

وشلون تعامل الموضفين معاي سواء بمطار الكويت وله شرم ؟؟؟ وكل وحده تكتبلي تجربتها بدعيلها بثلث الاخير من لليل

 

[Omhamood]

وبسافر علي طيران الجزيره يسمحون للحامل بسالفر علا طيارتهم

لان سمعت في شركات تمنع ردوا علي جزاكم الجنه والله ميته خوف استغفر الله شهالهم ياربي

 

[لذه السكر]

يمنعون من السابع وفوق

انتي حملتي من قبل ؟؟وشلون كان حمالج اذا تمام توكلي على الله وانشالله ماكو الا العافيه

اشعة الكشف ما منها ضرر انشالله بس الافضل الدكتوره تعطيج تقرير انج حامل وتورينه الشرطه فما يخلونج تمرين

والموظفين مالهم شغل بس انتي حاولي تقعدين جدام اول وحده عشان تمددين ريلج وحطي مخده وره ظهرج عشان تريحين

والافضل تستشيرين دكتوره تشوف وضع الجنين والرحم وساليها يصير تسبحين او لا ؟؟ طبعا الرحلات البحريه ما انصح فيها راح اتعبج وايد

وواذا ما صارلج نصيب ياقلبي لاتزعلين قولي الحمدلله والله يعوضج بسفره احلى منها ..

 

[فخر البداوه]

احمدي ربج فيه غيييييرج يتمنون

 

[<miss botamba>]

نفس لذه السكر


روحي لدكتورتج واخذي ورقه علشان الاجهزه

وكلمي شركه الطيران

 

[جنون هاجري]

توكلي على ربك ماهو بصاير الا كل خير
واجازة سعيدة وترجعون بالسلامة

 

[عشق الدلال]

انا سافرت وانا باول اشهر بالحمل ورحت علي طيران ناس لا وبعد رحت للعمره كان اخرالسنه 31/12 وقعدت ليما 2/1 يعني السنة الجديده .. والحمدلله هذه ايام الولادة قربت انا بالتاسع الان.. عادي روحي ومافي اخيس من طيران ناس يعني الجزيرة احسن بوايد بالنسبه للاشعاعات قولي لهم حامل اشري لهم بيفهمون وراح يدخلونج من الباب الثاني مو من الاشعاع لانه موزين .. وشكرا

 

[أسرار الجمال]

الله يجعلها اكبر المصايب ان سافرتي ولا لا هذا مؤ هم حمدي ربج شلون لو يالج هم وحزن بحق مافي الا الخير انشالله طيران الجزيرة يوقعون زوجج على ورقة وبس ما يمنعون بالأخص بالأشهر الاولى انا سافرت كنت بالثالث

 

[cute_mama83]

حبيبتي اولا مبرووك ع الحمل وعسي الله يثبته وتولدين بالسلامه يا رب

وبالنسبه للسفر لا تحاااتين انا بعيالي سافرت باول اسابيع الحمل ووبنص الحمل وبالشهر الثامن والحمدالله ماصار فيني او فيهم شي وكنت مستشيره دكتوره بخصوص السفر فقلت دام اني ماعندي مشاكل بالحمل او اجهاضات او نزيف من قبل ف عادي ، انتي اخذي راي دكتورتج وشوفي شنو تقوالج

 

[الأميرة جوري]

اجليها لي بعد الولاده