رحلتي لمصر ..... بالصوور

[منوووووله]

بسم الله الرحمن الرحيم

هاي بنات براويكم سفرتي هالسنه للقاهره وبصير دليلتكم ..

اول شي كل وحده تووقف بالطابوور واتحط الجناط عند الوزن والي عندها وزن زايد مو مشكلتي لووووووووول

يالله خلصتوو ولا للحين؟؟؟ يالله تعالوو وراي عند الجوازات والي عندها منع سفر هم مومشكلتي لوووووووووول


سافرت بتاريخ 30/12/2007 وقعدت 12 يووم بالتمام والكمال وكان ولدي فهوودي معاي بس انا واهوا وطلع عيني يبي الطياره عباله لعبه خخخخخخخخخخخخخخخخخخ



<< خلصي ورينا


تعلن الخطووط الجويه المصريه من الساده الركاب المتجهين الى القاهر التواجد

عند البوابه رقم 1 ............يالله تعالو خنلحق اندش اول ناس تعالوو...


يحليله ولدي مستعيل عالطياره ههههههههههههههههه

ولدي يحووس ناطر ..

واخيرا بيفتحوون الغرفه الي اندش عالطياره ...

وللحين ناطرين المحرووسه..

اوصلت المحرووسه واهم شي انها المفرووض اتكون الطياره العووده يايبين الجامبو الصغيره وموزعينها على ثلاث
لانه الركاب فل والعووده صار فيها خلل فني على حظي المنحووس لووووووووووووووول

صوره ثانيه للمحرووسه الصغنونه ...

مل من الانتظار الحبيب فهوودي ... اخذي ساعه على مايدخلوونه الطياره ..

وركبنا الطيااره بسلام ... ولدي قام يحن ماما متى تصعد فووق وقبل اشوي ماما متى نركب تياره >> على قولته

هههههههههههههههههههههههه

الطياره وقت الاقلاع ...

يتبع .......

 

[منوووووله]

يتبع ........................

اقلعت الطياره ..

الي اتخاف تنزل من اللحين لووووووووووووول

ياحلات هالمنظر ...

الحبيب على كثر ما حن شسوى؟؟؟

وصلنا بحمدالله بعد ساعتين وربع ونزلنا من الطياره ونظام مصر تنزلون بالدري ..

وركبنا الباص ..

تكاسي مصر اليديده .. ملوت المطار عشتوو ..

مصر ام الدنياا لقطات ....

يتبع ....

 

[منوووووله]

يتبع .................

طبعا كان راس السنه على الابواب الناس اتبيع كبابيس اتينن على نجووم اتشب ليتات حمر ... وشريت حقي وحق ولدي ونااسه..

وصلنا بيت خالتي بالمريووطيه وكانوو امجهزيلنا العشاا يم يم كباب وكفته وورق عنب ...

تعشينا والحمدالله وخلصنا قرقه وحطينا راسنه ونمنا من التعب وثاني يوم بنزور بيت خالتي العووده ساكنه

بالهرم...وخذيت هلقطات بالطريج ....

جيكوو على النظره الخلابه ...

ولدي مستانس يشووف المزارع يقولي ماما خلووف << يعني خروف هههههههههههههه

عجبني هالكرسي ...

وصلنا بسلام عند خالتي بعد مرارة الازدحام ..ولدي اتضايق اشوي بعدين ياله ولد خالتي يلعبه استانس وقام يتشيطن ههههههههههههههههههههه

العشا .... جبنه روومي وبيض بالسمنه << من قال رجيم .. وفينوو >> صمون >> وحلاوه يم يم

يتبع ............

 

[منوووووله]

ثالث يووم واهوا اهم يوم .. راس السنه وطبعا رحنا عند خالتي من الظهر

عشان نحتفل كلنا بهليووم .. واهني ابيت خالتي وياينه ولد الجيران شاف ولدي قام يتحرش فيه ولدي

لعب كراتيه فيه هههههههههههههههههههههههههه والله صدمني يحليله طالع على بوو يلعب كراتيه هههههههههههههه

الغداا .. ملوخيه << غرامي وخاصتن من ايدهاا وصينية بطاطس ورز وشوربة لسان عصفور بجبدة الدياي
وسلطة طماط .. وااي سعابيلي طاحت ...

البرنامج مالنا كان كالاتي :

انروح الظهر عند خالتي عشان نتغدى بعدين انزهب حق الحفله..

شرينه مجمووعه من الكبابيس الي شفتوها الي فيها ليتات على انجوم حق 12 شخص بالعدد

لبسنا كلنا احمر انا عن نفسي لبست دريكسوت احمر وخالتي بعد والباجي لابسين جنزات عليهم بديات حمر
ولبسنا الكبابيس قمنا انشب كلنا واو يووم رووعه وحطينها الشيره مالت الكريسمي وزيناها بالليتات

ويبنا ملوت العيدميلاد الكبابيس والبلونات والرشاش والمزامير والزينه وضبطنا الدنيا

الاحتفال كان يم بيت خالتي رفيجتنا امها طباخه بالسفاره الماليزيه وسوتلنا اكل يمي اينن وكيكة الكريسمس واحنا يبنا كيكه معانا بالككاوو...

وشغلنا المويووزك واستانسنه بس وونا كان عجيييييييييييييب والصوور تتكلم ...


طبعا مايصير احطلكم صورنا اشلوون كانت فأغلب الصور انا طالعه فيها وماحصلت غير الضحيه فهوود ..

العشا .. معكرونيه بالباشميل .. دياي مشوي عجييب .. لحم بالصلصه .. بطاطس محشي باللحم المفرووم

الكيكه ام رفيجتي امسويتهاا....

كيكتنا ....

ولدي موعاجبه يبي بعد ...

خلصنا هليووم بوناسه وضحك بعدين ردينا البيت ...

صوره عالماشي واحنا رايحين عند دكتور التجميل << لازم تستفسر ههههههههههههههههههه

واحنا طالعين صفطنا عند مطعم بشارع الهرم اسمه الفرعووني اينن اكله مو طبيعي ولا انلاقي هالممثل وصورته ...

يتبع .....

 

[منوووووله]

يتبع ..............

خامس يوم رحنا السينما وشفنا فلم الجزيره .. والفلم حليوو

بس خل اقولكم الموقف الي صارلي لما خلص الفلم وطلعنا طبعا سينماتهم مو مثلنا تطلعين دري وتنزلين وناس صوتها عالي وخرابيط

المهم نازله من السلم وولدي موعارف ينزل قتلها تعال اشيلك يقولي ماما انتيح << انطيح << قتله تعال لاتنرفزني
يوم شلته ولا اتعرجب بريوولي واطيح ذيك الطيحه الي اتعوور من قلب وخالتي لحقت على فهود وشالته من ايديد
وخلتني اكمل الطيحه !! ويوم توازنت مسكت ريلي وصارخ ريوولي موقادره ولابنت خالتي يايه واتحط راسها على جتفي
واتبطها ضحك ..!! وانا ابجي واضحك وموقادره اقوم الطقه كلها يت على اركبي ويسندووني لي السياره موقف لاينسى المهم << تقرق وايد

هاذي صورة الفلم ...

خلصنا من الفلم ورحنا نتمشى بالمول مال الهرم ولقيت هالسياره العجيبه !!

خلصنا افراره ورحنا تعشينا كشري .....

وخلص اليوم على جذي سادس يوم رحت هم سينما فلم حين ميسره .. طبعا لاتعليق عالفلم ..

وردينا تمشينا على النيل ...

وركبنا الحنطوور واتحنطرناا ...... وقاعدين انغني هركب الحنطوور لوووووووووووووووووول ونااسه ...

وركبنا الفالووكه وتمشينا عالنيل وغنينا وكلينا ذره مشويه وبطاطا .. وحب وعشنا ....

تمثال الاسد مال جسر قصر النيل ...

تمثال سعد زغلول معلم من معالم مصر ....

يتبع ........................ طاحت ايدي .............

 

[منوووووله]

يتبع ...................

سابع يووووم رحنا الحسيــــــــــــــــن
مكااني المفضل طبعاا ......


اول اتغدينا بمطعم العهد الجديد مطعم معرووف واكله لذيذ مصري معتبر .. انا طلبت ملوخيه << المفضله
والباجي ورق عنب على مرق باميه على عيش داخله خبز ياربي ناسيه اسمه جنه بوفتيك ..

لقطات ..


بيت خان الخليلي ..

صوورته ,,,

بيته ..

ملتقطات..

يتبع ..

 

[منوووووله]

لقطات داخليه

فاجين مجمع يديد داخل وبعض الصوور من داخل الموول ...

ضايق خلقه مولاقي محل اللعاب ههههههههههههههههههههه..

عاجبينه تماثيل القطاوه والفيله ...

خلصنا من الحسين وفي كووفي داخل اسمه نجيب محفووظ اثري بس قعدته عجيبه مجددينه ..

نظامه : واحد يدندن عوود واحد يمه يطبل وشربي قهوتج وانطربي بأحلى اغاني ام كلثووم وورده

والمني جارج < الفاتوره .. الواحد ب60 جنيه ...

هاذا الجرسوون ياي عندي يقولي ممنوع التصوير جان اصوره هههههههههههههههههههههههههههه

طلعنا من الحسين بكبره ...

رحنا اتعشينا بمطعم اسمه زيزوو النتن لوووووووووووووووووووووووووووووووووووووووول ..

ناسيه اسم القصر الي جدامه بس هاذا مكان سياحي وايد ناس خليجين وكوورين ومادري من وين ايون عند هالمطعم ...

يتبع .................

 

[منوووووله]

يتبع ..............

نتابع زيزوو النتن ..

الطلبات : كبده اسكندراني . كفته بالطحينه .. حلاوه بالقشطه .. والاكل مايحلى من غير بيبسي ..

خلصنا عشى ورادين البيت واحنا بالطريج صورت هالسياره المنتهيا صلاحيتها ..

ثامن يوم رحنا سينما فلم هى فوضى لاتعليق عالفلم ...

لقطات وانا راده البيت ..

تاسع يوم خليكم معاي عشان اوريكم الاهرااام ...

يتبع .....

 

[منوووووله]

يتبع ...............

برج التحرير ...

الاهرام ياسلام...

موقع التحميل ينني ابروحه لاق موراضي ينزل الصوور :0bee2e8d89:


بحطلكم الصور انشالله وقت ثاني خل اكمل الباجي ..


رحنا عند خالتي مره ثانيه وقعدنا عندها ورتني صور وانا اصغيره واي احباااط يحلاة شكلي وضعفي ..


بس صوور ذكريات .. كنت دازه حق بنت خالتي وانا برابعه ابتدائي رساله للحين محتفضه فيها اصدمتني هههههههههههههههههههههه

يحليلي كنت افنتك بعد والله ناسيه بالمره اني مسويه جذي صج الزمن يركض .....


كنا قاعدين ولا نسمع صوت واحد برى مال شعر البنات ويزمر بالعصايه مادري شسمهاا

ناديته من البلوكنه وخذيت شعر بنات وربحت 50 جنيه لووووووووووووووووووووووووول طبعا صوره بس جذي

مو صج لو صج مايبيعونه ههههههههههههههههههههه

رحت السووق بس الاغراض الي شريتها اوريكم اياها بعدين لانه صج طاح حيلي وايدي راحت فيهاا

بحطلكم اللحين ريووق المصاروه الصح ...

الريوق : فول بالزيت الحار .. طعميه .. بصل ابيض .. بتنجان مخلل << باذنجان .. بطاطس محمره .. وخبز مصري طاازج ... ومخللات ..


جيكوو على القعده مالت بنت خالتي ههههههههههههههههههههه

اي نسيت قصت ولدي حق السفره ...

كلهم استخفوو عليها لانها يديده عليهم >> ولدي عاش الدور انه صج باتمان هههههههههههههه



انشالله اتكونون انبسطوو من الرحله واستمتعوو بمناظر مصر الخلابه وقعدتها واكلها ووناستهاا وانشالله السفره اليايه ماخلي شي الى اصورهاا


ونطرووني ترى في بعد صور مشترواتي من اهناك والهرم اشووفكم على خير وعلى ردوودكم الطيبه ...

:tek:

 

[بنت عبدالغني شربت]

ونااااااااااااسه منووووووووووووووله عاد حجزت لها شهر 3 وكنسلت

ما قلتي شنو صار عند دكتور التجميل

شلون الطيران المصري خلي البنات تستفيد

وعليكم بالعافيه خوش تقرير

 

[منوووووله]

هلالالالا ابنت مصر هلا وغلالا مشكوووره عالتثبيت ياقلبي توه افرش الموضووع هههههههههههه

دكتور التجميل قالي الحاجات والمحتاجات كلها ماتطلع علي ب300 دينار من شفط وشد وتكبير وتصغير

ترى رايحه حب استطلاع ههههههههههههههههههههههههههه والكشف ب100 جنيه يعني 5 دنانير واي شي انا حاضره

ياامووزه

 

[بنت عسل]

واوووووووووووووووووووووو

وش ذا زين خوش رحلة عليك بالعافية ياقلبي

صراحة شوقتيني لسفر وخاصة لمصر العزيزة

انتي تقولي بالتقرير بيت خالتي اهل الوالدة من مصر يعني

بس بصراحة اذا هذي صورتك وربي قمر

عسى الله يحميك من العين

​

 

[رمانه كويتيه]

واو اموت على مصر اتهبل بروح لها باذن الله شهر 8 بس دلينى وين فى دكتور التجميل بمر عليه اذا ماسوست العمليه هقوتى اصور معاه

 

[ضحـاوي]

وناسه منووووووله خوش صور والله يخليلج فهود وعقبال ما تشوفينه بات مان قد الدنيا

شوقتينا بالاكل حرام عليج

انا من عشاق القاهره بس احبها شهر 7

وصار لي اسبوعين راده شرم الشيخ وكانت رووووووعه

وصورتها بس صورها محظوره ههه :050103nbh_prv:

 

[بتبوتااا]

وناااااااااااسه ليش ماقلتيلي يا ولا بلاش

كده اخر من يعلم انا كده صج قولتي فيج م ع ... وبروحي يوعانه واكل خلتوو ما يطوف << ماكو حنان هني لوووووول

 

[شموخ بنت شيوخ]

حمدالله علي سلامتج

 

[منوووووله]

واوووووووووووووووووووووو

وش ذا زين خوش رحلة عليك بالعافية ياقلبي

صراحة شوقتيني لسفر وخاصة لمصر العزيزة

انتي تقولي بالتقرير بيت خالتي اهل الوالدة من مصر يعني

بس بصراحة اذا هذي صورتك وربي قمر

عسى الله يحميك من العين

​

كلام في سرك كده مامتي مصريه :O_SHH_:




وتسلمين حبيبتي وانشالله تنورينا بمصر ام الدنيا وانفسحك اهناك .. :tek:

خوخه كويتيه

واو اموت على مصر اتهبل بروح لها باذن الله شهر 8 بس دلينى وين فى دكتور التجميل بمر عليه اذا ماسوست العمليه هقوتى اصور معاه

الدكتوور بالمهندسين اسمه دكتور طارق معرووف اهناك وانشالله ايبلج العنوان لانه داخل الجنطه وعفيسه

واي حاجه ياختي عنياا ياحببجي << تعلج.. :tek:

*ضحاوي*

وناسه منووووووله خوش صور والله يخليلج فهود وعقبال ما تشوفينه بات مان قد الدنيا

شوقتينا بالاكل حرام عليج

انا من عشاق القاهره بس احبها شهر 7

وصار لي اسبوعين راده شرم الشيخ وكانت رووووووعه

وصورتها بس صورها محظوره ههه

هههههههههههههههه اذا على المحظووور عندنا وعندك خيرررر ... حاولي تلطشي صووره عالماشي وحطيهاا عاد شرم دماااار

وحمدالله على سلامتج ضحاووي .. :tek:

بتبوتااا

وناااااااااااسه ليش ماقلتيلي يا ولا بلاش

كده اخر من يعلم انا كده صج قولتي فيج م ع ... وبروحي يوعانه واكل خلتوو ما يطوف << ماكو حنان هني لوووووول

:23_asmilies-com: هههههههههههههههههههههههههه مفهمتج ال م ع ؟؟؟ انتي كل حاجه اعملها تحشري
مناخيرك فيها ايه ده ؟؟؟؟

شموخ بنت شيوخ

حمدالله علي سلامتج


الله يسلمج حبيبتي مشكووره :tek:

 

[sanyoreta]

الحمدالله علي سلامتج ياقلب
تعالو معاي مصر الاني انا طالبه بمصر
تعالو ونسوني
حلاوة بمصر باليمعه
مصر عجييييييييييييييبه تبون تستانسون تعالو

بصراحه يعطيج الف عافيه علي التصوير الحلو

 

[supermarket]

يحليلج منووولة خوش صور ماشاء لله

اكل يرم العظم ويرد الروح ... اكلي ومري على د. طارق هههههههه


عليج بالعافية السفرة وناطرين الباجي

 

[منوووووله]

الحمدالله علي سلامتج ياقلب
تعالو معاي مصر الاني انا طالبه بمصر
تعالو ونسوني
حلاوة بمصر باليمعه
مصر عجييييييييييييييبه تبون تستانسون تعالو

بصراحه يعطيج الف عافيه علي التصوير الحلو

الله يسلمج حبيبتي .. وناسه انتي تدرسين ابمصر واوو حتى لو لاعت جبدج من الدراسه الجو مالهم عجيييب وناسها وضجتهااا صج اتحسين في ناس يمج .. وعلى قولتج القعده
ماتحلى الى بيمعه واوو ابي اي مره ثانيه مصر بس انتي وين ساكنه؟؟_03BA:

supermarket


يحليلج منووولة خوش صور ماشاء لله

اكل يرم العظم ويرد الروح ... اكلي ومري على د. طارق هههههههه


عليج بالعافية السفرة وناطرين الباجي

هههههههههههههههههههههههههههههههههههههه اي والله اكل وامر على الدكتوور يشفطلي الكركووشه :dddds: الله يعافيج اذا على الباجي ناطره امي لاني اصور بتلفونها :eh_s(6):