رحلتي لمجمع ديسكفري لملابس العيد روعه بس للاسف

[غلاي عزوزي]

السلام عليكم



توني راده من ديسكفري امشي والعب اليهال وهمن اشتريلهم للعيد




















ملابس اليهال روعه



دخلت محل اسمه ميلون اينن امل واعيز واقول اينن بس للاسف مالقيت مقاس بنتي سعره كان ب60 دك بس اقل عمر بو سنه وينتي 5 شهور اسمالله علي قلبها





منزلين نفانيف ككككككككككككككككككككككككككككشششششششششششششششششششخه نظام فيكتوري منفوش لون سكري الي من تحت تور فرنسي ودانتيل فرنسي وتفته مطرزه بنم نم وحزام مادري شوصف بصراحه
تذكرت البنات الي يشترون لبناتهم من بربري شخياررررررررررري



يعني شغل رزه للعيد

ورحت المحل الي قباله اينن بعد لقيت نفانيف روعه اكثر اساميهم بالانجليزي ماحفظتهم للاسف


وهمن محل يم بروي وايكو نفانيف مورده ونظام كلف اسعاره فوق الاميه رووووووووووووووووووووعه الوانهم غريبه عجيبه

رحت ايكو مسوي سيل قلت اخذ لولدي حق المدرسه لانهم طبي و مريح سيل من الثلاثينات لي 14 -16 قلنا اوكي الموديلات الي اعجبوني مافي مقاس:eh_s(13):




رحت حق بروي مسوي سيل بجايم وملابس بيت ونفانيف قطن بارده تهبل همن مالقيت شي لعمرها احلي شي لعمر سنه وفوق




رحت تعشيت وحليت بسينابون وطلعت مقهوره

طبعا شي لفت انتباهي عورلي قلبي زياده



كل طاوله فيها الخدم ومع اليهال بروحهم والحرس الاميري قصدي السايق حاطله وجبه وياكل ويوكل اليهال والله امكن فوق 7 او 8 طاولات بهالحاله
كفو خوش امهات ويقولون البنات والصبيان انحرفو خو البنت بحضن السايق يوكلها ويلمها ويبوسها وانا اشقل وانقل بعيالي بدون خدامه مع الابو طبعا لانه طفارتي اشوف مره وريلها ورازين الخدامه معاهم مجابلتهم بالطاوله ليش يعني عيزانه بهالساعتين توكلين عيالج ----------------- بس بس عورني قلبي زياده

وسلامتكم

 

[ام طلال]

رد : رحلتي لمجمع ديسكفري لملابس العيد روعه بس للاسف

الاسعار شابه ناااااااااااااااااار

 

[غلاي عزوزي]

نورتي الموضوع ام طلول بس تبين الصج نفنوف بهالشكل مو خساره فيه هالسعر والله

 

[ام طلال]

رد : رحلتي لمجمع ديسكفري لملابس العيد روعه بس للاسف

فوق ال100 حق يوم حرررام

 

[غلاي عزوزي]

لا مو فوق انا الي اعجبوني بستين شو اقل اكثر بس بو اميه زوغه خذيت من محلهم افكار وشكلي بشتري نفنوف سكري او ابيض اركب عليه كلف اذا كلش ماحصلت

 

[& مــشــايــخ &]

المحل اللي تقولين عنه فوق الاميه هذا اسمه لولا ات موا كنت انطره مناااااااااااطر يبطل بالكويت شوفي سايتهم شنو فيه شي خيالي

ولما بطل بالكويت صراحه خيب آمالي مافيه شي حلوو مايجيبون الاشياء الحلوه كللللش

احس ديسكفري مول مهجور مادري ليش عاد حسساافه فكرته حلوه ان كل شي يخص الطفل موجود فيه بس مانشوف محلات متنوعه

وبالنسبه للخدم والسواويق صاجه صايره ظاهره بالكويت رفيجتي سعوديه زارت الكويت قبل فتره راحت الاكوابارك تقول ليش كله خدم وهنود.؟

ماتدري ان هني بالكويت نظام العيال يطلعون مع الخدامه والسايق الام مالها خلق عوار راس مادري عيالها موكفو تجابلهم مادري مالها خلق لهم

يعني عيالج لو عرس ولا عرض دراريع جان رحتي ركض

حرام العيال امانه برقابكم

 

[أم يزيد &سديم&]

ليه هالحوسة
والله إني اشري لبنتي ملابس من الما ركات
على 250 و300 ريال ولا أتحسف ولا أتحسر
لأنه أول شيء تشبع لبس منه بعدين أعطيه بنات عمها
حنا طبعنا نتبادل ملابس اليهال
بس

 

[أم@الحلوين]

أشوه اني شريت وخلصت

 

[غلاي عزوزي]

ليه هالحوسة
والله إني اشري لبنتي ملابس من الما ركات
على 250 و300 ريال ولا أتحسف ولا أتحسر
لأنه أول شيء تشبع لبس منه بعدين أعطيه بنات عمها
حنا طبعنا نتبادل ملابس اليهال
بس

عيال العم صعبه لانه حريم الخوان او الحما يتحدون منو عيالها اكشخ هالمره انتبادل الملابس



بس عادي انا اعطي ملابس ولدي لاختي بما انه وحيدي وملابسه مايكدهم كد عادي بين الخوات ميانه بس حريم حمويني صعبه حيل

 

[غلاي عزوزي]

ام الحلوين اشدعوه شاركينا من وين ؟

 

[حرم_طيار]

رد : رحلتي لمجمع ديسكفري لملابس العيد روعه بس للاسف

يبيله باجر اروح واشوف شنو عندهم

 

[ام طلال]

رد : رحلتي لمجمع ديسكفري لملابس العيد روعه بس للاسف

لايكون قصدج على النفنوف الفوشي
اذا اهو وااااااااااااااااااااااااااااااااااااااااااااي اينن

 

[ليتني مـآ كبرت]

عاد ذاك اليوم نتناقش مع خواتي من وين يشترون لبناتهم راااح عن بالي ديسكفري

 

[مارون جلاسيه]

عاد انا ناويه باكر اروح هالمحل حسبت انهم مسوين تنزيلات

 

[ناتشوو]

عاد هالمجمع غاب عن بالي بتجهيزات العيد

 

[يتيمة العقـد]

ذكرتوني مره وديت اعيالي حولي بارك ولما دخلت الالعاب والقى بنت اتهبل جتني بسرعة ومسكت عباتي وتقولي ماما وخدامتها تضحك وزوجي يضحك واعيالي مستغربين ولما شلتها وحبيتها استانست وتمسكني اكثر وماتبي خدامتها تقولي: ماما ماما بستها ونزلتها وما رضت تروح مع خدامتها الا بالغصب البنت عمرها سنتين وعقب ما خلصنا مريت نفس المكان والقى البنت واجي اقرب منها وحبيتها حيل والا اسمع الخدامة تقولها : يله اللحين ماما سوي تلفون علشان روح بيت ؟؟؟!!! جان استغرب قلت ليشش ماما مو اهني قالت : لا ماما بيت!!! جان اقولها وبابا ؟؟ جان تقول كلو في بيت بس انا ودي بيبي العاب مع سايق ومعاهم بنت بعد حلللللللوة ام 4 سنين انا والله انصدمت البنات حلوات اشلون اتخليهم مع الخدم والسواق والله مت من الحرة عجزانين يلعبون اعيالهم ويبونهم يبرونهم بعد !!!!!

 

[غلاي عزوزي]

ذكرتوني مره وديت اعيالي حولي بارك ولما دخلت الالعاب والقى بنت اتهبل جتني بسرعة ومسكت عباتي وتقولي ماما وخدامتها تضحك وزوجي يضحك واعيالي مستغربين ولما شلتها وحبيتها استانست وتمسكني اكثر وماتبي خدامتها تقولي: ماما ماما بستها ونزلتها وما رضت تروح مع خدامتها الا بالغصب البنت عمرها سنتين وعقب ما خلصنا مريت نفس المكان والقى البنت واجي اقرب منها وحبيتها حيل والا اسمع الخدامة تقولها : يله اللحين ماما سوي تلفون علشان روح بيت ؟؟؟!!! جان استغرب قلت ليشش ماما مو اهني قالت : لا ماما بيت!!! جان اقولها وبابا ؟؟ جان تقول كلو في بيت بس انا ودي بيبي العاب مع سايق ومعاهم بنت بعد حلللللللوة ام 4 سنين انا والله انصدمت البنات حلوات اشلون اتخليهم مع الخدم والسواق والله مت من الحرة عجزانين يلعبون اعيالهم ويبونهم يبرونهم بعد !!!!!

بس لاتبجيني يعني بنتين وردتين يهبلون ليش هالاهمال يعني لو يسوي فيهم السايق شي والخدامه ان شاء اله بترحمهم


عفيه قلب ماتدري هالام انها محاسبه يوم القيامه علي اهمالها


جنه رحنا بعيد عن الموضوع


والي ردو يعطيكم العافيه صج المجمع صغير بس يستاهل منكم طله لانه النفانيف يهبلون عورو قلبي

 

[-الزين-]

راح اسوى هجوووووووووووووووووم عليه ...بشتري حق بنوتاتي ..انشالله احصل...

يسلموووووووووووووووووووا

 

[اسلام 77]

بنات وين صاير هذا المجمع

 

[غلاي عزوزي]

بنات وين صاير هذا المجمع

يم حديقة الشهيد بشرق شفتي النفق الي يوصلج لي برج التحرير لا ادخليله روحي سيده واخذي الاشاره يمين وسيده يصير علي يمينج المجمع