رحلة الى ايطاليا

[فرزاتشى]

مرحباااا ..
عليكم بالعافية كل المسافرين وكل الللي يستعدون للسفر ..
بغيت استفسر عن ايطاليا انا بروح ان شاء الله 4 شوال واحنا عائلة 6 اشخاص :eh_s(7): اخترنا ميلانو وفينيسيا بعدها بنطلع ع سويسرا وبنرجع منها ان شاء الله بالسلامة ..
اللي راحوا لايطاليا ايش احلى الاماكن وين تنصحوني بالسكن , هل السكن غالي , كم الميزانية المتوسطة , كيف جوها ..
هل في مناطق سياحية ارخص من ايطاليا :bbbiu:

 

[<miss botamba>]

انا مارحت علشان اعرف الاسعار بس كل دوله فيها سفر رخيص و اقتصادي و فيها متوسط و فيها سفر رفاهيه ويكون سبع نجوم

هذا اول شي لازم تعرفينه

السكن في ميلان عندج ستار هوتيل روزا وايد اقرا عليه مدح من العرب بالاخص واسعاره متوسطه نوعا ما وفي شقق بس لازم تحجزينهم قبل فتره لان عليهم دوس هم من العرب اسمهم غلامور ومكانهم حيل استراتيجي بالدومو الي اهوا وسط ميلان


ميلان مافيها حيل سياحه كثر التسوق

السياحه اكثر شي حول ميلان بساعه وشوي او ساعتين


عندج فيرونا - بحيره كومو - بحيره غاردا - بيزا

ورفيجتي تمدح ديزنزانو اعتقد اهيا على بحيره غاردا وهم سيرموني نفس المنطقه اهيا مثل شبه جزيره بالبحيره

هذي خريطه بحيره غاردا مع المناطق

ومثل ماتشوفين فيرونا قريبه منهم

وفيرونا اهيا الي فيها بيت روميو وجولييت

وهذي بلكونه جولييت

بحيره كومو شمال ميلان و بحيره غاردا شرق ميلان

خريطه بحيره كومو بس اكثر شي اسمع الناس تروح بس كومو الي اهيا تحت بالخريطه وفي مثل رحلات في عبارات بالبحيره ووايد يمدحونها

وكومو اغلبها بيوت مشاهير

وتشوفين جذي مناظر

http://www.hiamag.com/بحيرة-كومو-المفضلة-لنجوم-الفن-والموضة/


ورفيجتي كانت ساكنه في ديزنزانو وتروح ميلان كل يوم جذي بعد يطلع عليكم ارخص تأجرون مثلا شقه


وهم ناحيه غاردا في ملاهي غاردا لاند

Gardaland - Official Site


ولا تنسين الاوتليت

فوكس تاون في سويسرا وعالحدود اهوا في لوقانو

FoxTown Factory Stores

 

[<miss botamba>]

واي سؤال لا يردج الا الكيبورد

 

[^نواري^]

معلوووووماااات حلوة وتوضيحيه مع الصور


وايطاليا وايد حلوة

 

[^نواري^]

معلوووووماااات حلوة وتوضيحيه مع الصور


وايطاليا وايد حلوة