رحت لموعدي وقالتلي مشيمتي خلفيه تعااالواا

[نسيانك صعب]

السلام عليكم*
شلونكم بنات ان شاءالله الكل بخير وصحه
انا حامل بشهر الخامس واراجع عند الدكتوره نداء بوخضور*
واليوم قالتلي ان المشيمه خلفيه*
اللي تعرف شنو المشيمه الخلفيه اطمني لانها قالتلي راح اواجه مشاكل بالتاسع*
تكفون اي وحده تعرف شنو اسباب المشيمه الخلفيه وشنو المشاكل وتاثر علي البيبي او علي ولادتي تفيدني
اللي ماتعرف ترفع الموضوع بدعوه من قلبها لي وللبيبي*
حبايبي لا تقصرون معاي حيييل قاعده احاتي وافكر ......:eh_s(11):

 

[ابدا يالغالي مانساك]

ربي يطمن قلبج ويقر عينج بشوفته
مافيج الا الخير ان شالله

 

[" ام حمود "]

مو فاهمه يعني شنو مشيمة خلفيه ؟
ان شاءالله البنات يفيدونج ، وان شاءالله مافيج الا العافيه
والله يسهل عليج حبيبتيء

 

[أإلع ـشق دلع ـهـأإ]

مآعرف والله

بس اقري البقره يوميا ودهني جسسمج بمآي مقري وإكثري الإستغفآر والصدقه عنج وعن البيبي وإدعي ربج

ومآتشوفين شر إن شآء الله

 

[دآنة آلرشآيده]

اول مره اسم جذي
الله يشافيج يارب جان سالتي الدكتوره !
الله يتتم عليج يارب​

 

[نسيانك صعب]

ماقصرتوا حبايبي
انا سالت الدكتوره قالتلي عادي بس ماادري ليش ماتطمنت
لانها قالت بتاسع راح تسويلي سونار داخلي وانا من الخوف انطرمت
ماسالتها عدل
انا بحثت بقوقل لقيت ان في مشيمه اماميه وخلفيه وجانبيه
اللي تعرف تفيدني

 

[الحــــــلا كله]

لا تشيلين هم سوالف الدكاتره وايد كل يوم طالعين لج بشكل

 

[FJ style]

المفروض يا عمري ما تطلعين من موعدج الا سالتها بكل اللي في خاطرج
بعد على قولة عبدالرحمن العقل ::داش بفلوسي انا


المهم
هل صار معاج نزيف شوي قبلها؟؟
عادة اذا سويتي جهد وما ارتحتي واشتغلتي ووو ممكن تنزل المشيمة شوي وتسد مكان خروج البيبي فيضطرون يسوون قيصرية لان طلعته من تحت مستحيلة
وفي وايد حالات بعد الراحة والعناية ترتفع مرة الثانية المشيمة او انها توخر عن الفتحة وتقدر المرة تولد عادي
واهي قالت لج سونار داخلي عشان تتاكد اذا لي الحين عالفتحة او لا
وايد حريم بالثامن يتحسن وضعهم
المهم الراحة ثم الراحة ثم الراحة

 

[عُجآج !]

حبيبتي .. تفآئلي بآلخير تجديه آن شآء آلله ..

وآنتي في آلخآمس .. 4 شهور على مآتولدي ..

لآتقلقي آكيد في حلول وبدآئل .. وآدعي لربج ..

ولآ تخلي هآلشيء يسيطر عليج ويخليج مآتمآرسي حيآتج طبيعي ..

بس آنتي روحي لدكتورتج وآسأليهآ شنو هي آلحلول وآيش آلمسببآت عشآن تتجنبيهآ في آلحمل آلقآدم بإذن آلله ..

آلله يوفقج يآآآرب ..

 

[نسيانك صعب]

اف جي ستايل
من ناحيه نزيف الحمدلله ماصار معاي كلش
بس انا للحين ماوصلت خدامتي واشتغل مااقعد
الله يعين لازم ارتاح

 

[نسيانك صعب]

مشكورين كل اللي رديتوا علي ماقصرتوا
والله يسهل علينا كلنا يارب

 

[شـيـوخـهـ]

اول مره اسمع عن المشيمه الخلفيه ليش ما استفسرتي
اكثر من الدكتوره عشان تطمنج
انا اشتغل واشيل واحط وعندي خدامه ما اعتقد من شغلج بالبيت
لان الي تتحرك بحدود طبيبعيه وتتحرك افضل لها وتتسهل ولادتها بحيل الله

ببحث بقوقل يمكن القى شي يفيدج والله يطمن قلبج حبوبه وتولدين بالسلامه

 

[شـيـوخـهـ]

مالقيت مواضيع تفيد بخصوص هالموضوع

بس وحده من الاخواتي تقول ان دكتورتها قالت لها ان

المشيمه الخلفيه افضل من الاماميه لان تكون خلف البيبي والولاده تكون اسهل بالطبيبعي على عكس المشيمه الاماميه

الي بالاغلب الولاده تكون قيصريه.. والمشيمه الخلفيه الي تحسين فيه ان حركه البيبي اقوى واكثر

بس الاهم انج تريحين لا تبذلين مجهوود كبير والله يسهل عليج

 

[sara_77]

مشيمه خلفيه يعنى المشيمه ورا البيبى تكون فبالسونار مايبين وظعها او يمكن يصير عليها ضغط

 

[نسيانك صعب]

شيوخه
وساره
حياتي ماقصرتوا مشكورين

انا كلمت رفيج ابوي دكتور نسا وحمل وولاده
قالي عادي وضع المشيمه في خلفيه واماميه وجانبيه كلها عادي ماتاثر علي البيبي
بس اهم شي ماتكون نازله اذا كانت مسكره علي عنق الرحم تكون الولاده قصريه
اما اذا لا تكون ولاده طبيعيه سواء مشيمه اماميه او خلفيه عااادي
قالي بعد ٢٨ اسبوع راح تتغير ان شاءالله وراح يبين بسونار الداخلي
وان شاءالله ماتكون مسكره علي عنق الرحم عشان اولد طبيعي
دعواتكم حبايبي
ماقصرتواااااااااااا
بس انا الخوف امس غلبني بس الحمدلله اليوم صحصحت واستفسرت مثل الناااس*

 

[LiL MaMa]

انا اقولج ليش بتسويلج سونار داخلي بالتاسع
لأن في حالات مايصير تولد طبيعي اذا كانت المشيمه خلفيه او اماميه
و في حالات ترتفع المشيمه و تصير الولاده طبيعيه
اهم شي انج ترتاحين و ما تبذلين مجهود
و اهم شي الدعاء و الصلات في وقتها و القرآن و الاستغفار و قبام الليل
و الله يسهل عليج عملج و يرزقج الذريه الصالحه

 

[shmoo3 alamal]

حبوووبه لا تخوفين روحج انا دكتورتي باول حمل خبرتني ان عندي المشيمه خلفيه
وكلش عادي ما تاثر لا بالولاده ولا شي و الحمد الله ولدت طبيعي

 

[نسيانك صعب]

حبايبي مشكورين
ماقصرتوا
الله يسهل علينا يارب

يامخرج النفس من النفس سهل ولادتي وولادته كل حاااامل ياكريم

 

[زين ودلال]

الله يطمن قلبج ان شاء الله