رحت حق ام سعد تعالج حريم

[حنو الحنينه]

السلام عليكم

اليوم رحت حق ام سعد اللي في صليبيه ق(3) صار لي 12 سنه ماحملت

دخلت عليها الظهر دخلت غرفه فحص صغيره مره بالمطبخ وكان فيها عطر قوي بغي يقمي
علي

المهم

افحصت داخلي عاد انا علمتها عندي تكيس قالت عنق الرحم في عله الرحم في مشكله

مايصلح لي طفل انابيب راح يطيح وتقول علاجك اعطيك تحاميل ولهوم واتابع علاجك

3 اسابيع السعر 2800دينار(الفين ثمانميه دينار)

وزوجي ياخذ علاج 1000دينار يعني علاجنا كلنا 3800دينار

واحنا نبي الظنا والفلوس نحاول ندبرها لكن السؤال علاج ام سعد جاب نتيجه لمثل حالتي

الله يوفقكم اللي مجربه او تعرف احد ثقه مجرب تعلمني قبل ابدأ معاها تري 3800مو هينه

ابي كلام صحيح وموثوق حق اللي راحوا لها الله يوفقكم

 

[Om -TOota]

الله يرزقج ان شاء الله بس 2800 قويه
سوي اطفال انابيب اضمن بس براحتج ان شاء الله البنات يفيدونج وعسى يرزقج بالذريه انتي وكل المحرومين

 

[عزتي بشموخي]

السلام عليكم زين اختي ممكن اطب منج طلب....
ابيج الحين تردين علي ,,, ياحنو الحنينه

 

[عزتي بشموخي]

انا صارلي فتره حيل طويله مالله اراد يرزقني بس سبحان الله الله يجزاها خير اللي قالت لي عن عسل المراه مايكلفج حتي 20 دينار واخذت بنفس الشهر اللي اكل عسل اخذت كلوميد وبعدها ابره تفجيريه والحين انا حامل اسمعيني وانا اختج الحين بعض الحريم يلعبون بنفس البنات اللي يتمننون الظني واخرتها ماكو نتيجه ياليت سعرها معقول ام سعد الله يهديها انا اقول قبل لاسوينها جربي الله قلت لج عنه والله ثم والله انا قبلج ماخليت شي ماسويته وبعدها سبحان الله الشهر الثاني ع طول حملت عسى الله يرزقج ويفرح قلب بالذريه ,,,,,,هذا الطلب كنت ابيج جربيني اول شي هالشغله وبعدهااا شوفي

 

[حنو الحنينه]

السلام عليكم

هلا باخواتي الله يوفقكم

اختي عزتي بشموخي والله حسيت بصدق كلامك الله يسلمك ويشهد الله اني بذلت الاسباب للعلاج

وقبل 8سنوات تقريبا شريت عسل المراه وعسل الرجل مافي اي تحسن

يارب امنت بالقضاء خيره وشره

 

[حرم عبدالله]

حسبي الله ونعم الوكييييييييييييل واله غصيت بالعبرة ياعله سم وزقوووووووووم تاكله بنار جهنم اذا كانت ظالمة ونصابة
ليييييييييييييييييييييييييييييييييييييش؟؟؟؟؟؟؟
يستغلووون حاجتنا للحمل والبيبي لهدرجة اعوذ بالله اللهم لاتكلنا الى انفسنا طرفة عين..
تعوذي من ابليس ولاتروحين لها..شدعوه 3الاف و280 دينار بتشتري كرولا الظاهر والا سني من الوكاله بالفين والباقي بجيبها..
لاحول ولاقوة الابالله
شنو بتعطييييييييييييييييييييييييج؟؟؟؟؟؟
لبن العصفور والا دوا طالبته من جزر الواق واق..!!
كله مرة ورشاد ومحلب وعسل واشيا ماتكلف 20دينار!!!
وانا ياقلبي لاتزعلين مني بس والله من حرتي عليج واعتبرج مثل نفسي لان كلنا بهالقسم مستعدين ندفع روحنا بس لعيون البيبي
الله المستعان انا رحت لام فيصل جربيها الفحص مع اغلى الادويات ب40دينار بس!!
واقري سورة البقرة كل يوم بعد العصر واكثري الاستغفار والله يرزقج
وانا اسفة بس والله محتررررررررررررررررررررررررررة

 

[لـيـدي]

اختي روحي لشيخ ثقه يقرا عليج
واستمري عالبقرة
وبلا هالخرابيط والنصب

 

[حنو الحنينه]

السلام عليكم

حرم عبدالله ماألومك لا والله داريه انها غاليه وانا قريت عنها تاخذ بالآلاف

نبي عيال ولابيدنا شي عسي الله يجعل لنا لسانا ذاكرا وقلبا خاشعا ولايكلنا الي انفسنا طرفة عين

هم اسباب والرازق هو الله سبحانه

 

[انوثة من حرير]

اختي لا تستعجلين والله اعرف وحدة عالجت عند مرة خذت منها 500دينار بالسعودية وماحملت وبعدها ردت على الدكاترة ورزقها الله شوفي ام فيصل او ام مشعل معالجت وياخذون سعر معقول

 

[الزيـــــ^^ـــــن]

انتي من صجج استغفر الله ياربي شهالنصب 3800 لو تتصدقين فيها للفقراء ابرك واثوب
لاتروحين نصيحه والله روحي لام فيصل جابر العلي والله يمدحونها حيل وموغاليه ....
ديري بالج ... حسبي الله عليها

 

[om batool]

الله يرزقج الحمل عاجل غير اجلا يارب
وتسرفين هالفلوس على نفاسج والبيبي ان شاءالله

 

[اسواريه]

لا تروحيلهاا حبيبتي ماحد يمدحهااا والكل يسبهااا وفوق هذاا نصابة
روحي للام فيصل بجابر العلي ما شاء الله عليهااا علاجهاا رووووعه روحيلهااا على اول ايام الدورة
والله يعوضج ان شاء الله بالتوأم ويرزقج

 

[مناوووي]

استغفر الله من صجها


هذي تستغلكم






روحي لغيرها احسن لج


والله يرزقج

 

[ياسمين العمري]

استغفر الله العظيم .. من النصب والاحتيال
يااختي سوي اطفال انابيب ,, ان شاء الله يرزقك ربي بالضنا ..

 

[حزينه 22]

الله المستعان بس هذا نصب اشكره والعين ترى

 

[Q8_QT]

حبيبتي إذا تبين علاج من حريم روحي لوحدة ثانية مثل ماقالوا البنات وصلي استخارة أحسن
وعليج بالصدقة والاستغفار والله يرزقج إن شاءالله

 

[حرم عبدالله]

ياااااااااقلبييييي تكفين لا تروحييييييييييييييييييييييييييييييييييييييييييييييييييييييييين لها

 

[شموخ المملكه]

ياقلبي انا بالسعوديه بعطيج رقم وحده مضمونه بعد الله اسمها ام عبدالله ابحثي عنها في النت وتشوفين قوليلي اذا تبين رقمها

 

[المحسودين]

اختي وقفي من عندها انا سامعة عنها كلام مو زين

 

[kitty eyes]

شدعوة 3800

هذي تبي تستغلكم

سوي انابيب ما يكلفج هالمبلغ

الله يرزقج ان شاء الله قريب