رجيم 3 اسابيع وبعدها شعري طاااااااح هيلب مي

[سوسو2010]

السلام عليكم
حبيباتي ابي وقفتكم معي
انا سويت رجيم لمدة 3 اسابيع مع رياضه وذقت المر
وبس نزلت 5 كيلو
تركت الرجيم ورجعت الوزن الي نزلته
بس المصيبه انه شعري صار فيه فراغات وفروة ؤاسي مبينه من قدام
وشعري اذا مشطته يفرش الارض من التساقط في شعر ينزل متكسر وشعر ينزل بطوله
بقولكم الرجيم اول عشان تعرفون الخلل

الفطور سندويش اسمر مع بيضه مع خياره
بعدها على طول كوب شاي مع حليب بوني قليل الدسم

العصر شابوره
مع شاي وحليب

العشا

اربع ملاعق فول او اربع ملاعق تونه بدون خبز طبعا

الحين انا مدري وين الخلل هل في الرجيم
او في الشاي الي كنت اشربه مع الوجبه لاني سمعت انه يسبب فقر دم
والمشكله ماقدر اخذ فيتامينات الشعر يقولون تفتح الشهيه

بليز ساعدوني عندي عشرين كيلو لازم انزلهم وموقادره اسوي رجيم خايفه يطيحون الشعرتين الي باقين براسي
:eh_s(11)::eh_s(11)::eh_s(11):

 

[سمر^_^]

في حبوب انا نفسي جربتها رهييييييييييبه ورخيصه ( تقريبا دينار ونص ) بس لا يغرج لان مفعولها شي وما تاثر على اعضاء الجسم الثانيه ------- stress tabs

 

[@ DLOO3TAH@]

أب ,

 

[فجر_الكويت]

راجعي دكتور تغذية واتبعي معاه رجيم افضل اهم يقيسونج ويسوولج تحاليل شامله ويعطونج نظام تمشين عليه وان شاء الله تضعفين بصحه وعافيه يارب

 

[قمر2009]

نفس الحاله

 

[نور الضي]

اااااااااااااه يا الشعر
انا مثلج ما بقي الا شعرتين
بس مو رجيم بالعكس ادور المتن
العنايه بالشعر صعبه
والله اني ادهنه احط حنه اكل هير فيت
ماكو فايده هذا هووو

 

[ممها]

حبيبتي اخذي حبوب زيت كبد الحوت

 

[جمبلو جمبليله]

انا صرت باربيه مره وبس وجهي ضعف و شعري طاح نفسج رديت متنت نفسي


نصيحه اشتركي بدايت كير وغيره ابرك لج نزول بطيء بس مافي سقوط شعر

وغيرها وشعرج البقية بحياتج شقولج


عدلي تغذيتج يرد لان فقدتي فيتامينات واملاح وايد من الجسم

 

[شماليه أصليه]

زين وين الغدا .؟ انا ماشوف كاتبه وجبة الغدا
على فكرة لازم تاكلين 3 وجبات و وجبات خفيفة الرجيم مو معناه تلعبين بجسمك
و وين الفواكة على الاقل حبة وحده باليوم
هالنقص يسبب فقد للفيتامينات والحديد الي يطيح الشعر

 

[MayOumii~]

انتي قآعدة تشربين شآي وبنفس الوقت مآ تآكلين فوآكة ومآ تبين شعرج يطيح !!

الشآي ينزل نسبة الحديد وانتي مآ قآعد تآكلين شي متروس فيتآمينآت..
نصيحة خلي يومج متروس فوآكة وكثري طمآط بالسلطة وشربي مآي وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآيد
وبنف الوقت قللي من شرب الشآي خليه 4 ايام او اقل بالاسبوع بدآل كل يوم ..
ورآجعي طبيب تغذية عشآن يشوفون دمج ونسبة الدهون والاملآح والحديد والضغط و..الخ

 

[krkooora]

هذا معناته انه الرجيم ما ناسب جسمج و سببلج اثار سلبيه
يمكن ناقص الفيتامينات ولا البوتاسيوم ولا الكالسيوم
كثري الفواكه و شربي حليب و جاي اخضر و اعشاب و اخذيلج حبوب بونتوقار من الصيدليه حلوة حق الشعر و مدام صار فيه فراغات اخذي بعد تونيك سورسير و حطي معاه فصة ثوم تنقع فيه لمده يومين و كل يوم مرتين حطي على راسج وبيزيد شعرج ان شاء الله