رجيم فنرة النفاس

[noor83]

مساء الخير بنات اشلونكم
انا قبل الحمال كنت ضعيف بس مع الحمال زدت 20 كيلو و قاعده افكر اشلون انزل وزني :eh_s(16):


عندي سؤال في احد مسوي رجيم او نظامةغذائي فنرة النفاس و جم نزلتي عليه؟

مشكورين ما تقصرون :eh_s(17):​

 

[خوخة الكويت]

وااي نفسي حابه اضعف فترة النفاس

بس سمعت ان الشاي الاخضر وايد حلو و يحرق

 

[Hajer~]

انا بجريـه :$ بس بقولج اللي امي قالته

فترة الانفآس راح تقطيـن اللي شلتيه بالحمال
اكلي اكل مفيد حمسات .. فواكه .. خضره لاتخربطيـن كلش لا اكل مطاعم ولا حلويآت وخبز ولا صمون

وسبحان الله اذا رضعتي طبيعي راح تشوفين جسمج يذوب ويضعف والرحم يرد مثل ماكان
بس اهم شي انج ماتخربطيـن بالاكل وتصبريـن

وبعد الانفاس ان شالله بدش نادي سباحه + رجيـم عشان جسمي يشد


أتمنى أفدتج

 

[غنوة ستايل]

حبوبه رجيم وقت النفاس ما ينفع
قدرين تخففين الاكل السريع والكاكاو
والحلويات فقط
بس الاكل لا حرام
نطري عقب النفاس

 

[أم معاذ الكندري]

انا الي اعرفه ان وقت النفاس مايصير رجيم
مثل ماقالت لج الاخت هاجر ابتعدي عن الصمون والخبز وهالسوالف والبارد والاشياء الي تزيد الوزن
مثل الحلو وغيره

 

[noor83]

مشكورين ما قصرتوا

انا عموما قمت احوس بالنت و سجلت احسن الاكلات خلال هذي الفتره و الي ما تزيد الوزن مثل:
الروب ، حليب ، كورفليكس فتنس ( نوع الي بالعسل وايد حلو ) ، سلطة خصوصا الخضروات الورقيه بس الصلصه تكون ليمون و خل مو شي دسم ، طبعا لازم ايدام يكون مشوي او مسلوق المهم مو مقلي مثل ستيكات ، دجاج مشوي، المكسرات النية


هل الاكلات مفيده و ما تسمن حق الي يبي شي صحي​

 

[DietGirl]

ليمون وحوامض وروب ولبن بداية النفاس اعتقد مايصير :/
مو زين جنا !

اممم التمر وحليب خالي الدسم الصبح حييل حلوين
مشاوي واللحم خاليه من الدهن يعني تكون مشويه شوي نظيف وسلطات كثري الخضااار

 

[رتو الكيوت]

مو زين التخفيف من الاكل بس تقدرين اكل ماينفخ !!

التزمي بوجباتيج الثلاث باوقاتهم وكلش بررررررررررررررر بببر ومشوي لاتخربيطني مطاعم ومقالي وحلويات علبون اتغذا مافي تغذيه بهالبلاوي

ركزي على الزنجبيل والقرفه وقشر الرمان وجاي اخظر بغوري قبل اي وجبه يحرقج حرررررررررررررررررررررررررررق

المرق والحم كلش مسلوق
مرقوق كل مسلوق وبر

لاتاكلين لين تنغثين اشبعي بس واشتري من الحلويات الشعبيه اشيا بر معمول تمر بر بساكيت بررر وهالسوالف ي

الحمسات كلها سوالف قلي ماظن بتفيدج بتنفخ يعني

لو حصلج ستيك دجاج مشوي او لحم بشوكه وسكين بدووون خبز اوكي

والتلبينه خليها ريوقج مفيده وتشبع ونخاله هي اصلا !

وريوقج دايم بيض البييض يشبع ويسد النفسسس

 

[بنت^كآليفورنيآ]

قالت لي امي بتقطين كل اللي زدتيه بالنفاس


جذاااابين

الوزن مايرد مثل اول بدون ريجيم

انا زدت 14 كيلوو


قطيت 7 وقت الولاده البيبي والماي والمشيمة
و بالنفاس مع اني ما اخربط لا عيش ولا كاكاوات ولا خرابيط
مانزل شي

اخر 10 ايام ماقمت اكل و وزني مثل ما اهو

مت تعبت نفسيتي

باقيلي 7

قلت ماكو الا ريجيم قاسي مابي اصير بططططه

وربج شهرين ونص مت ما اكل تعبت نفسيتي حيييييييييييييل


ونزلت هال 7

تقريبآ شبة حرمان
بدون رياضه
وجاي اخضر

بس الحين هبيت بخلطة وااااااايد زينه قريت عنها بالمنتدى هني حاطتها وحده من الخوات خلطة التخسيس

ماني ذاكره نكها بس العنوان ان ب دينار تضعفين شي جذي

 

[احلى ديما]

بنات يصير رجيم وقت النفاس حق اللي بترضع ؟

 

[بوووظه]

ما في وحده ما تبي تضعف عقب الحمال

بس بالنفاس أهم ما علي نفسي

ووو لاحقه ع الريجيم و التخفيف

واهم شي لا تخربطين