رجيم د.محمد ربيعة منو جربه؟ انا صارلي 10 ايام عليه

[Chevy]

السلام عليكم

اشلونكم ؟ شخباركم؟

عساكم طيبين؟

اول شي بحط لكم كوبي من اول اسبوع عشان اتعرفون انا قاعدة اتكلم عن اي رجيم



الإسبوع الأول

الإفطار :
5تمرات +حليب خالي من الدسم
الساعه 10 الى 11 حبة تفاح احمر او اخضر

الغداء:
إختياري بين هذا الوجبات توزعيها على ايام الإسبوع
صدر دجاجه + سلطة روب وخيار وثوم ونعناع + ربع رغيف خبز اسمر
علبة تونه + سلطه + ربع رغيف خبز اسمر
3) 2 قطع لحم متوسطه + سلطه او تبوله ( صحن صغير ) + ربع رغيف خبز اسمر

المغرب :
من 3 الى 5 تمرات + كوب ماء

العشاء :
خس + سلطة روب وخيار + عصير اناناس وكيوي

انا اللحين بالأسبوع الثاني بديته يوم الأحد كان وزني 61.4 و امس وزنت 58.5 و الحمدالله راضية باللي نزلته 3 كيلوات الا ب 10 ايام
بتقولون وييين المشكلة؟!

المشكلة اني واااااايد ملييت منه :eh_s(2): احس كل يوم نفس الشي العشا واحد و الريوق واحد بس الغدا اللي يتغير و ثاني اسبوع بدال الحليب نسكافيه

مادري شسوي خصوصا العشا و الريوق وايد مليت منه كل يوم سلطة روب و الريوق تمر كل يوم بصراحة قمت اشرب نسكافيه و ما اكل ريوق بالمره
منو سوت هالرجيم و غيرت فيه و ظلت تنزل؟ و شنو غيرتي ؟

 

[كويتية أصيله]

بس هذا أول أسبوع بعدين يغيره لج لاتحاتين .........رجيمه رووووعه

 

[Chevy]

كويتية أصيله
اهلين اختي مشكورة على الرد
بس انا اللحين بالاسبوع الثاني و تغير الرجيم بس ما حطيت الاسابيع كاملة
يمكن ما قريتي موضوعي كامل بس مثل ما قلت الاسبوع الثاني تغير بس الغدا و تغير من حليب للريوق لنسكافيه:eh_s(2): و بس فا واااايد مليت منه مادري اذا يصير احول على رجيم ثاني بس اخاف يخرب اللي نزلته

 

[مــتــنــحــة]

والله انا اسمعهم دايم يمدحونه ،،
قوي ارادتك وكملي لين تحسين انك وصلتي للوزن اللي تبينه ،​

 

[Chevy]

مــتــنــحــة

والله انا ارادتي قوية هالمرة لاني مليت و ابي اضعف حتى شريت هدوم اصغر من مقاسي لووول
بس والله شي يملل

 

[Saroy]

اللي يملل فيه صراحه الغدا ما يغيره

يا سمج يا دياي يا لحم كله مشوي او همبرغر او فول او بييييض + سلطه

بس العشا كان كل اسبوع يغيره

والريوق يقولج اذا تبين تضعفين اكثر اخذي تمر وحليب او ماي

وذا ما تتحملين تيوعين وماتبين تخربطين يحط لج بالريوق توست وجبن

بس رجيماته اتنزززززل بالاسبوع من 2 لي 3

بس اهم شي الالتزام وتقومين وانتي يوعانه

 

[shak!shoka]

انتي سويتي هالرجيم من كيفج او اهوا قالج عليه ؟
ودي اجربه معاج

ابي انزل ٦ كيلوووووو !!!!!!!

لاعت جبدي و الدوام تعببببب ما اقدر ايووع اتعب ياربي ساعدني*

 

[بنت عطا 24]

ريجيماات ربيع تهبل

وصج تضعف بس يبيلهااا ارااده حديديه هههههههههه

 

[كيكه توفي]

دكتور محمد ربيعه نفسه نفسه الريجيم يعطيه حق الكل بالضبط

 

[do0ora]

انا اذكر العشا معطيني اكل حبتين فلافل
او توست مع لبنه
وبنت عمي عطاها نفس عشاج وضعفت انا باسبوع كيلوين

 

[Chevy]

Saroy
انا كنت ملتزمة الريوق بس اليوم كليت توسته سمرة و عليها لبنه لان ما قمت اتحمل التمر صراحة :eh_s(16):
والله يسهل

shak!shoka
انا خذيته من وحده و يالله نسوي مع بعض والله اهوا ما اتحسين بتعب بس مشكلته يملل

بنت عطا 24
والله انا ارادتي الحمدالله هالمره حدييد لوول و الحمدالله راضية بال 3 كيلو كل 10 ايام

كيكه توفي
اييه والله لاحظت لان مرت خالي من سنيييين تراجع عنده و كل مرة نفس الرجيم ما يتغير

do0ora
والله زييين في تغيير انا كل يوم عشاي روب و خيار:eh_s(4):

 

[Saroy]

انتي ناقله الرجيم من النت ؟؟

شوفي انا قبل كنت عنده وبرد له إن شاء الله

كان يقولي تبين تضعفين بسرعه وتنزلين اكثر كل اسبوع

خلي الريوق تمررررررررررررررررررررررررر

والغدا

يوم تونه ويوم بيض

والعشا برتقال وكيوي وشريحتين اناناس < مو كلهم ههههه قال يا برتقال وكيوي او اناناس وبرتقال عرفتي

انا اللحين قاعده اسوي نظام من انظمته الي عطاني اياهم على اساس لما اروح له الاسبوع الياي اكون نازله عن اخر مره

والله كريم

لو تبين انقله لج من عيوني

 

[Chevy]

ايييه انا ماخذته من بنت خالي اهيا تراجع عنده من فترة و لقيته بالنت و سويتله كوبي

بس صج صج مليت من التمر
حطيلي الدايت اللي عطاجياه جوود يتغير علي لاني حيل مليت من هذا و من كثر ما مليت قمت اخورها اكل سلطه بصلصة و جذي
و صج جم المفروض ينزل الرجيم بالاسبوع؟

 

[^^ROSE^^]

اصلا السر بالتمر لوووووول
ترى انا قايله بروحله لا خلصت الدوره ان شاء الله
لان صج رجيماته تضعففففف (ماجني توني مطرشه السايق الخباز اييبلي حلو المنجا) لووول

بس ترى اذا التزمتي بريجيمه تضعفين ماعليه تحملي التمر كلش كش اكلي بدال التمر افنديتين ولا برتقاله
ولا شربي عصير برتقال انا كنت اسوي جذي بس على قوله البنات اذا ماتريقتي او تعشيتي توست تضعفين اكثر

 

[^^ROSE^^]

انتي ناقله الرجيم من النت ؟؟

شوفي انا قبل كنت عنده وبرد له إن شاء الله

كان يقولي تبين تضعفين بسرعه وتنزلين اكثر كل اسبوع

خلي الريوق تمررررررررررررررررررررررررر

والغدا

يوم تونه ويوم بيض

والعشا برتقال وكيوي وشريحتين اناناس < مو كلهم ههههه قال يا برتقال وكيوي او اناناس وبرتقال عرفتي

انا اللحين قاعده اسوي نظام من انظمته الي عطاني اياهم على اساس لما اروح له الاسبوع الياي اكون نازله عن اخر مره

والله كريم

لو تبين انقله لج من عيوني

عدل عدل عدل سمعوا كلامها صححححح

 

[Q8stylle]

كل اسبوع سويلج ريجم
قسم الانظمه الغذائيه مايقصر

 

[Chevy]

up
بنات اانا صارلي اسبوع رادة حق هالرجيم منو جربه؟
أحس اني انزل بالبطيييء لان سمعت ان ينزل كيلوين الى 3 كيلوات بالاسبوع و انا للحين ما وزنت مال الاسبوع السبت اوزن ان شاء الله بس خلال الاسبوع اشوفه ما يتحرك زوود!!

 

[بنت عطا 24]

انا بعد ودي ارجع لريجيم. ربيع


جربت ريجيمات وااجد وماناسبني وضعفني الا اهووو

 

[Chevy]

انا بعد ودي ارجع لريجيم. ربيع


جربت ريجيمات وااجد وماناسبني وضعفني الا اهووو

جربي هذا حلو الرجيم بس مشكلته يملل الريوق نفس الشي اسبوعين انا ودي التزم فيه لان الاسبوع الثالث الريوق يتغير و من باجر ادش بالاسبوع الثاني

 

[محتارة بإسمي]

مشكووووووورة وراح نجرب عل وعسى