رجيم البطاطس 4كيلو ب4 أيام !!! بجرب وأتأكد وأقولكم ، بس أدعولي *

[تمره بحلاوتها]

السلام عليكم ورحمة الله وبركاته

صباح / مساء الخير ياحلوات

قاعده احوس بالنت وقريت عن رجيم البطاطس !

قلت بتوكل على الله وبجربه

ونويت ابلش فيه من يوم الاحد باذن الله >>> بالفطره كل شي يبدأ من يوم الأحد

وان شاءالله يجيب مفعول ويبين علي

المهم

رجيم البطاطس

الشروط : يستخدم هذا الرجيم لمدة اسبوع فقط مع الاكثار من شرب الماء

وبعدها يتبع نظام غذائي اخر

الطريقه : بطاطس مسلوقه بدون ملح او اي اضافات اخرى بأي كميه حتى الشبع بدون افراط

انا بحط روب مع سماق كصوص خخخخخ عشان ماانغث

واذا الله وفقني وتم هالرجيم على خير

بحط تجربتي بصدق

وان شاءالله ينفع ومايضر

توكلت على الله >>>> جهاد مو دايت هههههه

أشوفكم بعد 10 أيام على خير

ادعولي ​

 

[بنوته86]

الله يووووووووفقج نبي تجربتج لاتنسينا

 

[فيلجاويه كيوت]

موفقه

 

[تمره بحلاوتها]

يوم الأحد (1)

عالساعه 8ص
حليب كي دي دي قليل الدسم دافي
*
الريوق*
عالساعه 10ص

2 بطاط حجم كبير قصصته وسلقته بماي

بعدها حطيته فبايركس مع شوي زبده ورشة فلفل اسود

الصوص : روب المراعي قليل الدسم مع رشة سماق

لذييييييييييذ

الساعه 12م*
شاي أخضر مع نعناع بدون سكر


عالساعه 5م*
قهوه عربيه + 3تمرات

العشاء
عالساعه 9م
سويت نفس الريوق بس دبلت الكميه لزوجي هههههه

بعدهاااا

نمت عال11م خفيفه ولله الحمد
*
وتوني قاعده للصلاة والله يتقبل منا ومنكم

على فكره شربت ماي وايد اليوم*

وتكرمون رايحه راده عالحمام بس رااااحه خخخخخ

ياااارب أكمل هالاسبوع بنفس الطريقه*

وينزل وزني بصحه وعافيه*

قوووووولوا آمين*​

 

[تمره بحلاوتها]

يوم الاثنين (2)

الريوق
عالساعه 9ص

2 بطاط مفيوح وهرسته مع روب*
ماااااي

الساعه 12 م*
جاي اخضر*

نمت 

الساعه 5 م
قهوه عربيه و3تمرات

الساعه 7م
2 بطاط مفيوح بعدين حطيته بالفرن وحطيت فوقه جبن سلايس دايت

عالساعه 9م*
جاي اخضر*

ملاحظه : بهالدايت كثرت شرب الماي*
وسبحان الله فقدت شعور الجوع شي غريب !*​

 

[تمره بحلاوتها]

يوم الثلاثاء (3)

الريوق*
عالساعه 9ص

2بطاط مفيوح بقشوره مقصص شرايح بعدين بالفرن
مع روب

عالساعه 12 م
شاااي / جااااي أخضر*

عالساعه 2
كليت خياره >>> تكيسلت مالي خلق اسوي بطاط

عالساعه 6*
قهوه عربيه > مااستغني عنهااااا
+ 3 تمرات

الساعه 8م
سويت صينية دياي بالبطاط للعيال

طبعا صحني بس بطاط ههههه بس كان لذيذ مع البهارات والصوص وووو

الساعه 9*
جاي أخضر

طول اليوم كنت اشرب بس مااااي مع قهوتي **

ملاحظه : لما قعدت الصبح كنت مصدعه حيييييل
والحمدلله خف الصداع لما تريقت وخذيت بنادول*​

 

[تمره بحلاوتها]

يوم الاربعاء (4)

قعدت الصبح وحسيت بمغص قوي ي ي ي
يمكن برد ماأدري المهم شربت حليب دافي

عالساعه 10ص تريقت
2بطاط مهروس + روب

عالساعه 12م
جاي أخضر


يتبع .....*​

 

[فيلجاويه كيوت]

جم نزلتي؟

 

[تمره بحلاوتها]

تابع ...

يوم الأربعاء (4)

الساعه 5 م
قهوه + 3تمرات

الساعه 8م
بطاط مسلوق وبالفرن مع فلفل اسود وكمون
الصوص كتشب بالمايونير

عالساعه 10 م
جاي اخضر



والصبح الميزان
​

 

[تمره بحلاوتها]

الميزان

يوم الخميس 7ص

ماشاءالله لاحول ولاقوة الا بالله

نزلت بالضبط

2،800

كيلوين و800جرام

ملاحظاتي :-
هالرجيم عجبني لأني احب البطاط

سبحان الله البطاط يشبع ويسد الجوع

بس للأمانه حسيت اني اغتثيت منه (تمللت)

طبعا هال4 أيام بدون رياضه

وكثرت من شرب الماي

وتكرمون لا امساك ولا اسهال

ولله الحمد

بكمل الاسبوع بعد 3 ايام

وان شاءالله ينزل بعد​

 

[تمره بحلاوتها]

ادعوووولي​

 

[تمره بحلاوتها]

الخميس (5)

الريوق
عالساعه 9ص

بطاط مسلوق ومهروس

هرسته مع روب وسماق وبقدونس مفروم

حطيت معاه فلفل قرشة دقوس (شطة كريستال)

ومشروبي ماااي طبعا

الساعه 12م
شاي اخضر

عالساعه 3م
سلطه : خس وخيار بدون صوص

الساعه 5م

قهوه عربيه + 3 تمرات

الساعه 9م
خربتها وسويت بطاط شبس مقلي

وحطيت ملح وفلفل اسود

والحين قاعدة اشرب جاي اخضر

وبعد ساعه بنام ان شاءالله

ملاحظه :
اعتمدت بهالايام السوائل بس ماي وقهوه عربيه وجاي اخضر​

 

[تمره بحلاوتها]

أكثر من ٣٤٠ مشاهده ولاتعليق 

ولاتشجيع 

غريبه !!!

كلمه ولو جبر خاطر ​

 

[آلـغـنــد]

ماشاءالله الله يقويك

ليت عندي مثل إرادتك بس ماش العزيمه صفررررر

 

[آلـغـنــد]

ماشاءالله الله يقويك

ليت عندي مثل إرادتك بس ماش العزيمه صفررررر:ch12:

 

[آلـغـنــد]

ماشاءالله الله يقويك

ليت عندي مثل إرادتك بس ماش العزيمه صفررررر:ch12:

 

[تمره بحلاوتها]

بنوته86 

فيلجاويه كيوت 

الغند 

يعطيكم العافيه عالمرور وعالكلام الطيب  ​

 

[تمره بحلاوتها]

الجمعه (6)

السبت (7)

الأحد (8)

الاثنين (9)​

نفس البرنامج تقريباً

عدا يوم الجمعه بالزوارة

بصراحه كليت كب كيك كان لايقاوم

وخلاااااااااااااااااااااااااااص
9 أيام كفاااايه ( زيادة عن اللزوم )

ملاحظه : نفسيتي تعبت من هالدايت من سادس يوم مليت

وحسيت بكسل وخمول هاليومين

الحمدلله الحمدلله الحمدلله

ارادتي كانت قويه وانا قدها 

باجر بداية اليوم العاشر بقايس وزني

بعدها بروح اتريق بأي مطعم 


​

وسلامتكم​



 

[wjdaan]

وجم نزلتي .. قولي لنا

 

[تمره بحلاوتها]

نزلت خلال 9 أيام

الحمدلله الحمدلله الحمدلله

3،400

( 3 كيلو و400 غرام )​

والله على ماأقوووووول شهيد

ملاحظه : هالرجيم بعد خامس يوم تقريبا يتعب حيل​