رجيمــ من طالب الشمري...

[المرفأ~~]

السلامـ عليكمـ ورحمة الله وبركاته...

شلونكم بنات شخباركم...؟؟

اليوم كنت عند الدكتور طالب الشمري..
السبب..
مو قادره اتحمل رجيم بدون نتيجه او نتيجه عكسيه>>>سجلوها عندكم متعوب عليها هالكلمه

قبل اكثر من اسبوع سويت رجيم كيميائي لمدة
5 ايام بعد هالمده خربط يومين بشكل خفيف وزاد وزني ..
بشكل فظيع...قريت عن رجيم الكورن فليكس..
وما اقدر اكتب ملاحظتي عليه عشاني ما استمريت فيه الا يومين وكنت اكل تمر.؟
يعني الغلط مني انا ...المهم ان هالفتره حاشتني حالة اكتئاب..
وقررت اني اروح للدكتور واخليه يتابع حالتي..

وزني كان 82ونص والحين 85 ((فشله صح))
$$$$$$

والرجيم عباره عن خمس وجبات...

الوجبه الاولى....

شابورة الرشاقه3+جبنه او لبنه((ملعقه متوسطه على كل قطعه))
خس+خيار+طماط
زيتون اسود من 3-5
جااي او دايت

الوجبه الثانيه
جاي حليب-نسكافه -عصير غير محلى-قلاص لبن((مشتهيته)) ((انا طلبت لبن وعصير..مافيه تناسق :p

الوجبه الثالثه..
نفس رقم واحد

الوجبه الرابعه..عكس 2

الوجبه الخامسه..
نفس واحد
او
جبن ابيض من 1-2+خس جرجير بقدونس خل وليمون+دايت
او
صحن تبوله +دايت
$$$$$$


ماتلاحظون ان الرجيم يعتمد على الشابوره بشكل كبير..؟
وان شاءالله اللي تجرب هالرجيم تستفيد منه..
وسالته جم ينزل الرجيم قالي من 3-الى 5 كيلو
وصحح قال مشي نص ساعه..والمراجعه بعد 10 ايام..وماراح اوزن على ميزان البيت كلش​

 

[أم حمودي]

مشاركة: رجيمــ من طالب الشمري...

الله يوفقج بعد عمري
الرجيم وايد حلو ويشبع بس شنو السر في كثرة الشابورة بالنظام

لاتنسين كل مراجعة اتنزلين النظام لأني أحب رجيماته والحين أنا قاعده أسوي رجيم طالب
بس ما أقدر أروح له ولدي صغير ومحتاج رعاية لأنه مريض
ها يعني معتمده عليج تراجعين وتنزلين كل نظام تآخذينه

آسفة وايد أتشرط

 

[المرفأ~~]

مشاركة: رجيمــ من طالب الشمري...

أم حمودي افا عليج...

ماطلبتي شي وان شاءالله هذا اللي بسويه((كل مراجعه انزل النظام))

وماادري والله شنو سر الشابوره..؟؟

والله يشافي ولدج ..

بالتوفيق

 

[أم حمودي]

مشاركة: رجيمــ من طالب الشمري...

مشكوره حبيبتي على الدعوه والله يشافي مرضى المؤمنين والمؤمنات

 

[al7anona]

مشاركة: رجيمــ من طالب الشمري...

خوووووووووووووووووش رجيم
تسلمين

 

[xxx]

مشاركة: رجيمــ من طالب الشمري...

مشكورة على الرجيم

وعسى الله يوفقج وتنزلين عدل

 

[طوق البنفسج]

مشاركة: رجيمــ من طالب الشمري...

ايواا يا المرفا

عاد نبي الايام الخضرا اتشع بالمسابقه اليايه

موفقه حبوبه

 

[nouriya]

مشاركة: رجيمــ من طالب الشمري...

حبيبتى المرفأ مشكوره على هالموضوع لان وزنى نفس وزنج بالضبط وحايشنى اكتئاب
الله يعافيج انتى كاتبه الوجبه الاولى بس اقصد يعنى مو ذاكره الغدا او العشا؟ولا هذيل اهم الغدا والعشا
بليز ابى الجواب ابسرعه علشان بعد مااخلص صيام الايام البيض ببلش فيه الاربعا ؟

 

[bambena]

مشاركة: رجيمــ من طالب الشمري...

المرفا شلون الوجبه الرابعه عكس الثانيه مافهمت

 

[@ الرسامة @]

مشاركة: رجيمــ من طالب الشمري...

ما شاء الله الرجيم وايد حلو ويشبع وكله اكل وفوق هذا حلو

 

[تفاخيه مبطوطه]

مشاركة: رجيمــ من طالب الشمري...

أيوا يا رفوووووووووء

عاشت رفووووووووووووووء

عاد أول إسبوعين راح تنزلييييييييييين عدل إذا مشيتي أوكي مع النظام

وبشرينا بالنتايج ..شكلج بتصكين علينا بالمسابقه

 

[المرفأ~~]

مشاركة: رجيمــ من طالب الشمري...

حبيبتى المرفأ مشكوره على هالموضوع لان وزنى نفس وزنج بالضبط وحايشنى اكتئاب
الله يعافيج انتى كاتبه الوجبه الاولى بس اقصد يعنى مو ذاكره الغدا او العشا؟ولا هذيل اهم الغدا والعشا
بليز ابى الجواب ابسرعه علشان بعد مااخلص صيام الايام البيض ببلش فيه الاربعا ؟

هلا والله nouriya...
الوجبه الاولى الريوق..على الساعه 8 او قبلها عادي..

الوجبه الثانيه..((سناك))بعد الساعه 11..وتكون نسكافه او عصير او لبن..

بعدها بساعه اقل شي ..الوجبه الثالثه
الغدا وهو نفس الوجبه الاولى..
يعني شابوره ولبنه او جبنه مع الطماط والخيار والخس والدايت..

الوجبه الرابعه سناك..يعني اذا شربتي لبن الساعه 11 لاتشربينه مره ثانيه بنفس اليوم
اختاري عصير او نسكافه..

الوجبه الخامسه العشا..وهو نفس الوجبه الاولى او تقدرين تبدلين بالاختيارات..
يعني بدال الشابوره..تاكلين تبوله او جبن ابيض..

ان شاءالله الجواب واضح..ولاتتردين بالاسئله..
حياج الله..وتقبل الله منج..​

 

[المرفأ~~]

مشاركة: رجيمــ من طالب الشمري...

المرفا شلون الوجبه الرابعه عكس الثانيه مافهمت

هلا bambena...

القصد..ان باليوم الواحد لاتكررين اختياراتج((بالوجبه الثانيه والرابعه..))
اللي تاخذينه الظهر لاتكررينه المغرب ..

مثلا اذا شربتي نسكافه الساعه 11 الظهر((وهو الوجبه الثانيه))
لاتكررينه في الوجبه الرابعه..اختاري عصير او لبن او جاي حليب ...

ان شاءالله فهمتي الطريقه..؟؟
ولاتتردين بالاسئله..
حياااج الله..​

 

[المرفأ~~]

مشاركة: رجيمــ من طالب الشمري...

أم حمودي...حيااج الله..
شمعة الحب ..الله يسلمج..وحيااج الله..
بنت الكويت..ان شاءالله احنا وكل البنات ننزل واحنا بصحه وعافيه..
طوق البنفسج...ان شاءالله بستمر لاعت جبدي من جسمي
سببلي ازمه نفسيه اللهم ياكافي ههههههههههه

الرسامه..ان شاءالله بعد النزول يكون حلو..

تفووووخ..ان شاءالله نستانس كلنا بالنزووول واحنا بصحه وعافيه
ويللا خلونا نتحدىىىى ..وان شاءالله ابشركم بالنتيجه
انا ووزني المأساة ههههههههههههههههه

وحياااكم الله..​

 

[تفاخيه مبطوطه]

مشاركة: رجيمــ من طالب الشمري...

آمين إن شاء الله كلنا نستااانس على قولتج ..

ويااارب تبشرينا بالنتايج عن قريييييييييب عاجلاً غير آجل ههههههههههههه

 

[شمس وقمر55]

مشاركة: رجيمــ من طالب الشمري...

الله يوفقج يا رفوء وتنزلين بصحه وعافيه
وابشرج انه اختي نفس رجيمج...ونقصت ماشاء الله تقريبا 5 كيلو اللهم بارك... صارلها اسبوعين تقريبا

وفعلا نلاحظ انه رجيمه يعتمد عالشابوره..والالبان .. ورفض يعطينا التوست او اللحوم

 

[اعييز]

مشاركة: رجيمــ من طالب الشمري...

لا عادي .. راح يعطيج بس صبري عقب ماتجتازين المرحله الاولى .. يعني تقريبا عقب مراجعتين او ثلاث طبعاً اذا ماشيه تمام يعطيج


اصلا آنه كرهت التوست وأدري ان النشويات اهيا اللي تافختني اكثر من الكاكاو --->دفاع مستميت عشان ماشيل الكاكاو :d

 

[المرفأ~~]

مشاركة: رجيمــ من طالب الشمري...

تفوووخ ان شاءالله ابشركم.....مو خبرررج الوزن يخلي النفسيه صفررر.. خخخخخ

شمس وقمر ماشاءالله والله نزول اختج حلو الله يهنيها ..

اعييز..انا عاد مو زووود على اللحوووم بس التوست لا انا وياه ربع..

 

[مستشاره قانونيه]

مشاركة: رجيمــ من طالب الشمري...

خوووش رجيم بس جنه وايد شابوره بس الله يوفقج وتنزلين اللي تبينه

وطالب الشمري انا رحت عنده اول اسبوعين نزلت 3 كيلو وثاني اسبوعين وزني وقف واااااي حاشني احباااااااااااااااااااااااط

بس المهم حبيبتي قولي لنا جم كيلو نزلتي عليه بعد المراجعه وال10 ايام

عشان بطبق الرجيم

 

[تفاخيه مبطوطه]

مشاركة: رجيمــ من طالب الشمري...

يلا رفوء متى مراجعتج؟