رجوع الوزن لطبيعته بعد الولاده

[pink closet]

السلام عليكم
بنات شلونكم

شكثر يبيلي عشان ارجع حق وزني الطبيعي وهل يصير امارس الرياضة عقب 20 يوم من الولادة؟؟؟

اتمني تفيدوني :eh_s(10):

 

[frfr]

الافضل انج تريحين 40 يوم نفاس جسمج توه تعبان من الولاده ما تقدرين تلعبين رياضه

وافضل وقت للرياضه راح يكون بعد شهرين هذا اذا ولاده طبيعيه

وعموما وزنج اول ما تولدين راح تنزلين 5 كيلو اذا مو اكثر و بال 40 هم راح تنزلين بدون اي مجهود

المجهود يصير بعد ما تطلعين من ال 40 لازم تحافظين على اكلج مع رياضه وراح ترجعين حق مزنج الطبيعي ان شاء الله يعني حسبي بعد

4 اشهر من الولاده انتي جريب الوزن الطبيعي وعلاشهر السادس بعد الولاده بتحسين رجعتي طبيعيه

لا تحاتيين الوزن راح ينزل يبيله صبر واهم شي اراده

 

[Mrs.H]

هههههههههه انا بعد وااايد احااتي صج صج الله يستتتر

 

[pink closet]

انا سمعت من وحدة انها اشتركت بنادي عقب عشرين يوم وأنها طلعت من الأربعين رادة وزنها ماشالله مع انها زادت ٢٠ كيلو بالحمال حسيت شجعتني اشترك بنادي

 

[ناتشوو]

لا تصغطين ع نفسج بالنفاس
اذا حابة تسترخين استرخي
بس اذا والدة طبيعي
وودج تتحركين
مايضرج المشي
بالعكس الحركة بركة وصحة
راقبي اكلج
لا تاخذين راحتج
بالاكل الدسم
كثري سلطات
والمشزوبات الساخنة
عقب الاكل
چاي الاعشاب وهالسوالف
الله ييسر اموركم

 

[queen92]

انا مع ناتشوو

 

[pink closet]

الحمدالله على كل حال بس تعبت من الثقل ابي ارجع خفيفة

 

[مشتطـه]

على حسب الزيادة

انا زدت 14 كيلو على وزني السابق

بالولادة قطيت 6 ونص كليو اللي اهو البيبي و ...إلخ !


النفاس اصلا ماتقدرين تضعفين كيلو انا كان اكلي خفيف وما ضعفت كلش

بعد النفاس كان وزني زايد 7 كيلو

مت من الهم الا انزلهم وشهرين ونص الى 3 شهور ريجيم قاسي بدون رياضه ونزلو بفضل ربي الحمدلله ماشاءالله

ورديت وزني اللي قبل

 

[مشتطـه]

بنات مو شرط تطلعين من النفاس ضعيفه عادي ترى!!!

الحلو انج بعد النفاس بشهرين 3 تكونين راده وزنج

الشي اللي بسرعه مو زين

 

[you 2]

انا من اول يوم دايت ما اكل شي وسويت دايت وبعد ١٤يوم امشي ٣٠دقيقه
وباستقبالي ضعفت واااااااااايد الحمد الله

 

[pink closet]

ماشالله
بنات صج احس حايشني إحباط احس روحي مزغددة من كل صوب لول
وفيني حماس حق الرجيم بعد الولادة لانه تعبت من الثقل الله يعينا

 

[عبير الكويت%%]

انا ازيد فترت الحمل ٢٠كيلو بالاربعين انزل من ١٠الي١٢كيلو من غير رجيم والباقي رجيم بعد ست اشهر انزلهم كلهم

 

[pink closet]

هل الرجيم يآثر علي تدفق الحليب