الــسلآم عــليــكم
خـواتي في الله احنا بهالمنتدى مثل الجسد لشتكى منه عضو تداعى سائر الجسد بالسهر والحمى
انا اللي عجبني بهالمنتدى وحسيت انه مب موجود في باقي المنتديات هو الرابطه القويه والاحساس والخوف بينكم
الدليل لشفت وحده اطرحت لها مشكله على طول ولله الحمد الردود اللي تخلي الواحد يحب انه يفتح لكم قلبه
دام في اذان تسمع وعـيون تقــراء وحــبر اقلآمكم يـخط ارائكم
انا هـنا ابي اسمع ارائكم كلها حتى لو كـآن هالشي بيزعلني او يجرحني
صدقوني لو تعرفون حالتي الحين ماراح يهم الجرح والزعل بالنسبه لي
على العمــوم مابي اطول بالمقدمات راح ادخل على الموضوع على طـول
*****************
انا عـمري 20 سنه بعد ثمان شهور زواجي .. في امـر متعبني حـيل وعلى اسـاسه ابي انفصل من خطيبي
المـوضوع اللي متعبني ,, هـو اني كنت على علآقه بـواحد وهالشي خله حـيآتي جحيـم
المهم العلآقه طبعا انتهت من زمان ,, بس اللي متعبني هـو شلون بياخذني رجـآل ومايعرف ماضي المـراه الاسود اللي بيرتبط فيها
رآح اتكلم لكم شوي عن هذي العلآقه عشـان مـاتلوموني اذا قلت لكم اني مابي ارتبط بـاي انسان
لاني بصراحه مـاأشـرف اكـون زوجـه احد ــ ولايشـرف اني اجـيب عـيآل ,,
الـعلآقه هذي وباختصار والاكيد الكل يعرفها مايحتاج اطول في موضوعها
تعرفون دايم البنت ادور بهالسن عن اللي يحبها والمشكله في البيت تواجد لي كل ماطلب وتواجد لي الحب والحنان
بس عالم النت شدني حـيل وطحت في حب انسان استغلني لابعد حدود
صـرت احبه لدرجه الجنون لو طلب عيني اعطيه بس للاسف ليته طلبها واكتقى ,, طلب الكثير الكثير
في البدايه وكل القصه المعتاده عند كثير خواتي اللي مشوا على دربـي ,, والمشكله نسمع من هالقصص كثير ولانتعظ
آآآخ بس ,, تعرفون شآت , مسنجر ,, جوال ,, والاخـير طلعت معاه >> بس والحمدلله ماصار شي لماطلعت معه
اهـلي دروا والحمدلله انهم دروا والا كان تطورت هالعلآقه وانا اللي بتوهق
عـلى العـموم احس اني خــسرت كل شي ,,, خـسرت رضا ربي >> والمشكله لو كل وحده حطت ربها قدامها بهالمواقف
كان ماصار اللي صار بخواتي المسلمين
وخــسرت ثقه اهلــي فيني >> يمكن هالثقه انرجعت هالايام بس احس مكسوره
يكفـي الصدمه لانه انا كنت عندهم كل شي ,, كانوا مايتوقعون هالشي مني بس انا خذلتهم
خذلتهم حــــــــيل واحس انـــي كســرت شي بــداخلهم
وبعدين جات سالفه الخطبه وبعدين الملكه والحين الزواج تحدد
انا اللي اقول له لامي واحسه متعبني ,, اني احس انه قاعدين نخدع الرجال اللي اقترن فيه وبكون شريك حياتي
انا اشوف انه من حقه يعرف كل شي عن شريكه حـياته , بس انا اللي متـأكـده منه لو يعرف هالشي راح يطلقني على طول
وربي مايهمني لو انه يطلقني لاني من الاساس كرهت موضوع الزواج لاني اعرف نفسي شنو ,, وحده حقـيره ماتستاهل ادنس رجال او تجيب عيـال
بس اللي خايفه منه اهـلي ماصدقوا علــى الله يـرتاحـون من هـمي واروح بحـآل سـبيلي
بس شـورا علي ياخواتي
وش رايكم وش اسوي اســكت واكمل مشــوراي والا؟؟
احس اني اخدعه ,, احس اني اظلمه لما اقترن فيه .. مايستاهل ياخذ وحده مثـلي وربي مايسـتاهل ؟؟
تكفووون جاوبوني احس اني ظايعه وربي؟؟
انـطر ردودكم ...؟
