رجع من لندن ووسع صدره ولا ذكرني تهي تهي

[لوف لايف]

بنات انا من تزوجت سافرت مره مع زوجي شهر العسل لماليزيا وببس المهم قبل شهر قالي يبي يسافر مع الربع لندن وانا ايقت منه وقلت له لاتروح عشاني قالي يالهبله بشتري لج جناط وعطورات وكل شي تبينه المهم بعدخا بيوم صدمني راد معاه تذكرته وقالي زهبي الجنطه انا قلت بصير مرا عاجله وبسكت سويتله جنطته وسافر شهر وتوه راد اللي قهرني كاذكرني حتي بشباصه ولا ذكر بنته بشي رد البيت وانا كاشخه ولابسه وشاريتله هديه وورد وطالبه العشا كلفني

واخر شي ثاني يوم قلت له يالله بشوف صوغتي جان يقولي ماشريت شي والله ولا شي

ووقت ماكان بلندن دق علي وقالي تكفين دزيلي 400 دينار لندن غاليه وخلصت فلوسي وانا الهبله دزيت له وزياده واخر شي ماذكرني بولا شي لو شاريلي قلم بستانس

قهرني حده

ومن رد صارله اسبوع يحط تلفونه صامت واذا احد دق علي طول يغلق التلفون وهذي مو من عوايده قلت له شفيك متحاش من احد في احد يدق ماتبيه قال الربع اذوني يحنون بس والله شكله مو الربع لانه كن يدق تلفونه يقلب الوان ويرجف

علموني شسوي بالمشكلتين سالفة الهديه اللي عمره بحياته ماذكرني بشي

 

[دلوعة حبي]

واااي الله يعينج
احنا مضطرين نمثل اننا حريم عجال ومن داخل نتقطع
شوفي فوضي امرج لله عز وجل وسفهيه ..
ومرة ثانية قوليله ريلي على ريلك ماتروح مكان الا انا معاك
ترا بنات ابليس يخرعون وخاصة لندن كله كرديات وخليجيات واميرات بعد
الله يعين

 

[jooosy]

واي بعدعمري صج تحترين اذا ما اذكرج ابشي بس خلاص الي صار صار
والتلفون لا تتسرعين وتحكمين نطري ووسعس قلبج والله لايقوله اذا في شي
ماكو شي ينخش الله راح يفضحه ابيوم من الايام
بس لا تتسرعين ولا اتحطين هالشي ابالج واتشكين فيه

 

[أُلَجّـۇۈۉهّـره]

الله يهديه ويسخره لج ,, انا من رايي انسي الموضوع وسكري عليه , لان من البدايه انتي وافقت على السفره وارسلتي له الفلوس برضاج بدون اي ضغط ,, فموضوع السفره والفلوس سكريهم لان سويتي هالشي برضاج , المشكله الثانيه مشكلة التلفون طنشي الموضوع ولاتخلين الشكوك تلعب براسج وفكره توديج وفكره تجيبج ادعي ربج انه يسخرلج زوجج ولاتكثرين اسالتج منو يدق عليك منو معاكك عالخط بجذي حتى لو اهو مو مسوي شي غلط بيسوي الغلط , والله يعينج

 

[alzeen- almuteri]

صح كلام البنات لاتسالينه عن التلفون ولما يدق عندج لاتعطينه اعتباار وخليه شي عاادي ضحكي وسوولفي لاتبينيله انج شااكه بشي والله لوو في شي صدقيني راح يتركه ويرجعلج الرياال يحب اللي اطنشه وتحقره​

 

[نسمة بحر]

الله يعينج مادري شفيهم الريايل مستخفين

 

[اشتياق]

مو سافر برضاج؟؟؟
مو عطيتيه الفلوس برضاج؟؟؟

تحملي لاتحلطمين
هذا العيب الشرعي بالمره تعطي بعدين اتحسف!!!

وعلى اي اساس يقعد شهر؟يوسع صدره اسبوع كافي!

الله يهديه امين

 

[غلاي 89]

لاحول ولا قوة الا بالله

عنبو شهر بلندن مع الربع !!!

الله يسخره لج يارب

 

[*peace*]

حبيبتي لاتتحسفين وتعورين قلبج

هذا درس لج بالمستقبل لاتعيدينها اوكي ماما

وسالفة التلفون مارده بينكشف انتي ادعي ربج بس وكلشي بوقته حلو

 

[كلمتي من نظرتي]

غريبه شهر كامل مسافر لو صفقه تجاريه هالشهر انسي الهديه مثل ماقالو البنات انتي برضاك خليتيه يروح ودزيتي له فلوس لو منك ما ارسل له شي خل يرجع جالس هناك ولا بعد ارسلي لي فلوس لندن غاليه يومها غاليه وش وداك
مالك الا الدعاء يالغلاا ادعي ان الله يصفي النوايا وانشاءلله الله ماينسى عباده

 

[جوري 2007]

غلطانه اطوفيله هالسالفه !

مسافر شهر ولا اذكرج بشي ،، تذكرج يوم احتاج فلوس ! انزين جان شرالج شي بفلوسج !

اكو احد يسافر واذا رجع تشتريله هديه !

 

[جلكسيه اس 3]

اوووله
عطيتيه 400
وفوق هذا مسويتله عشى
و شريتيله هديه
واهو ما شرالج ولا شي
بس يوم احتاج لج تذكر وخذا منج!!
ولما رد ماشرالج شي
الحين ماكو فايده
بس بالمستقبل لاتعطينه شي

 

[حظ من عنده انا]

قهـــــــــــــــــــــرتيني

ماادري شقووول


الله يهدي سرركم يارب

 

[كتكوته ورديه]

تعلمتي الحين خلاص لا تعطينه افلوس قولي ما عندي افلوسي خلصت من وين اجيبلك الله يستر من التلفونات يا خوفي وحده بس سوي نفسج ما تدرين عنه

 

[Adorable]

شكله رايح تايلاند و ما لقا شي اييبه لوول

 

[لوف لايف]

بنات من قال مسافر برضااااي انا ماكنت راضيه بس شقول

 

[آنا من دونك أندمر]

شوفي .. اقتنعي بهالكلمتين >> اللي صار صار

يعني لا تقعدين تفكرين بهالشي

قعدي معاه وسولفي بهداوة ودلع

قوليله: شدعوة انا توقعت تييب حق البنوته شي اكشخها فيه..

راح ينحرج صدقيني