رجاء حار للمشرفات على القسم

[ma3boocha]

السلام عليكم ورحمة الله و بركاته

انا من متابعين القسم الداااائمين


و اقرااا دايما الروايات اللي تنزل بالمنتدى هني بس.


في عضوات جزاهم الله خير يكملون الروايه و نستمتع فيها


و في عضوات ( ولظروفهم الخاصه ) ينقطعون عن تكملة رواياتهم..

خصوصا ان ضيعت و قتي و قريت القصه لما اووصل لي آخر صفحه الا مو مكمله الروايه


رجاء حار للمشرفات على القسم

ما تنزل روايه الا لما تسمحون لصاحبتها انها تنزلها وفق شروط معينه..

اولا : تتعهد لكم ان الروايه مكتوبه عندها و كامله
ثانيا: اذا انقطعت عن المنتدى لأي ظرف خاص تكون من البدايه دازتلكم الروايه كامله من قبل ما تنزلها
عالاقل وحده من المشرفات تنزلها و تكملها بدالها بس أكيييد راح تكووون بأسم صاحبة الروايه
وماتكون المشرفه الا ناقله للروايه فقط.


مثلا أسماء الروايات اللي تشوق و خذت مني وقت و انا اقراها و مو مكتمله .. ( هذا بس اللي عندي يمكن باجي العضوات عندهم أسماء روايات ثانيه غير مكتمله ) :

1- دنيا رديه مابها حد ماخان.. حتى التراب اللي عشقته دفني بقلم أميرة البجع
2-عهدي مع الايام بقلم أحلاهم و اتحداهم
3- مناي ب قلمي دميره
4- غير جثتي!! وش تبي أكثر !! بقلم تفاحة بيتنا


يعني بذمتكم هذي حاله !!!!!

بعضهم والله بالاشهر يغطووون و يعلقوونا ..

يا ريت المشرفات ياخذون بأقتراحي..

و ياريت من العضوات اللي تأيدني أو تعارضني انها تشاركني بموضوعي بليييز..


اذا انا غلطانه يا ريت احد يفهمني.



شاكره لكم. :eh_s(17)::eh_s(17)::eh_s(17):

 

[Føzöø]

سلاااام تسلمين حبيبتي
اي والله صاجه و انا عندي بعد كذا روايه
١- تعالي يا احلى احساس
٢- نوف و مشعل
وواااايد روايات ناسيه اساميهم

 

[ρeαrℓ]

صعبة على الكاتبة أنها تكتب الرواية مرة وحدة .. يعني بحاجة انها تشوف ردود العضوات

وهالشي يشجعها اكثر .. بس انتي اقري الرواية اذا كانت كاملة .. او اذا الكاتبة ماتقطع

واتمنى أني فدتج .. وانا مثلج قريت جم رواية مو كاملة بس ان شاء الله يكملونهم

​

 

[ma3boocha]

صعبة على الكاتبة أنها تكتب الرواية مرة وحدة .. يعني بحاجة انها تشوف ردود العضوات ​

وهالشي يشجعها اكثر .. بس انتي اقري الرواية اذا كانت كاملة .. او اذا الكاتبة ماتقطع ​

واتمنى أني فدتج .. وانا مثلج قريت جم رواية مو كاملة بس ان شاء الله يكملونهم ​

​

حبيبتي مشكووره على ردج ..

بس بغيت اقوولج ان المنتدى متروووس عضوات و لابد في متابعين لأي روايه و لها معجباتها و متابعينها لان الناس اذواق.

فتكتب روايتها اول و تخلصها تالي تنزلها بالمنتدى

لا تنزلها كلها بنفس اليوم
لا عادي تنزلها على دفعات و على بارتات بس ضرووري تكون عند المشرفه النسخه الكامله للروايه ولا هالوهقه اللي احنا فيها


والله قمت اخاف ادخل اقرا روايه و تشوقني و آخر شي ما تكتمل .


تصدقين قمت ارووح عالصفحات البعيده بالقسم عشان اضمن انها تكون كامله و أول ما ادخل ادخل على آخر صفحه بالروايه اشوف البنات يشكرونها عالروايه والا يقولون لها وين البارت و ويتنق.

و شاكرتلج مرووورج حبيبتي

 

[دلع العتبان]

صحيح كلامج

 

[FooFoony]

ايي صح انا معااج

 

[برنسس أوراق]

قووة بنات..انا كاتبة والحمدلله ما انزل روايتي الا تكون كامله واكتب هالشي للبنات بأول الروايه..وحبيت اقولكم ترى اميرة البجع اللي منزله روايتها دنيا رديه مابها حد ماخان..توها والده واهي بالنفاس وكاتبة هالشي للبنات..بس صج صج انا انغث من هالسالفه

 

[ma3boocha]

زين يعني تقريبا في عضوات حاسين بشعوري

أتمنى ألاقي تفاعل من المشرفات على القسم أو من كاتبات الروايات

 

[آدمنت قربككِ]

امببببييه نفس المعاناة بالضبط
الحين ماقمت اقراا الا لمن اشوووف انها كااامله
انا شفت طريقه ححلوه بالمنتديات
انه في قسسم خااصه حق الروايات الكامله =)
قسم بس فيه روايات كامله يعني وصلت الكاتبه الى النهاايه
وقسسم لا حق الروايات الي ماوصصلو للنهاايه وحبيت هالششي لانه يسسهل علينا =)
وبس اتمنى يسسون هالطريقه =)

 

[miss 3yara]

لا حييل صعبة !! الكاتبة لازم تشووف ردود البناات لازم تشوف توقعاتهم !! بعدين في فرق بين الكاتبه الي ملتزمه بكتباتبة البارتات والي تطول بالشهر والشهرين واذا سوو هالقانون اعتقد محد راح يكتب وانا اولهم

 

[ma3boocha]

اصوووله حبيبتي

انا متابعتج و متابعه رواياتج

ادري انج ملتزمه بالبارتات

و اذا تأخرتي تأخرتي جم يوم

بس غيرج يا قلبي بالاشهر

والله في روايه من شهر 10 العام لي اليوم ما خلصت الكاتبه منها و تسكرت آخر شي الروايه

انزين اللي متابعين شذنبهم بعد

و بالنسبه حق توقعات البنات بالروايه


اعتقد الكاتبه تكون اساسا متخيله روايتها و عارفه احداثها و نهايتها يعني مو ناطره من البنات يتوقعون

بس انا هذا رايي و هذا اقتراحي


و في عضوه جزاها الله خير سوت هالصفحه عشان تختصر علينا

و أمس طحت على موضوعها

http://www.q8yat.com/t889788.html


حطت كل الروايات المكتمله بنفس الموضوع