رجاء اللي تعرف أي شي عن نظام البنك الوطني تدخل

[رحــــيــــل]

خواتي الحبيبات أنا قدمت على البنك الوطني ولله الحمد نجحت في المقابلة والإختبار

وأخبرتني الموظفة أنهم وافقوا على تعييني وسيتصلون بي بعد أسبوع لعمل اجراءات التعيين

وقالت لي أنني أصلح في الكول سنتر وسيضعوني فيه

المهم حبيباتي أنا ماعندي خبرة عن البنك ولاأعرف شيء عن نظامهم

فأتمنى من كل وحدة تدخل تقول نصيحة أو كلمة

وأحب أعرف عن اللبس هل في شروط للبس يعني يصير ألبس جينز أو لأ سواء بالدورة أو بعد استلامي الوظيفة رسمي ؟

ويصير آخذ قرض من أول راتب أو لأ ؟

وكم مدة الدورة أتمنى اللي تعرف أي شيء تقوله ويعطيكم ألف عافية خواتي الحبيبات

 

[shayoma89]

بنك الوطني ربوي .. ووايد متشددين وباي وقت ممكن يطردونج مكان مو مضمون على المدى الطويل لازم تلتزمين بالحضور الاجازات والغيابات والمرضيات كلها تاثر عليج .. وعلى القرض دام اول شي بيعطونج دوره يعني مو راتب كامل ماتقدرين تاخذين قرض لانه الدوره نص راتب ..

اهم قالولج الدوره تاثر على قبولج ورفضج ولالا.؟ لانه في اماكن يعطون دوره يقيمون المقبولين بعدين يسوين تصفيه لازم تتاكدين بهالموضوع .. وترى غير انه دوامهم طويل اجازاتهم غير يعني الحكومه يعطون اجازه امومه 6 اشهر و البنوك سبوعين او شهرين شي جذي يعني على المدى البعيد دوام البنوك مو شي

ودام تبين نصيحه .. انا اقولج ابتعدي عن البنوك دوام طويل ومو مظمونه الوظيفه يبدلون موظف بموظف.. وابتعدي عن القطاع الخاص بشكل عام

احسن شيء اختاري قطاع حكومي مثل وزارات او حكومي مستقل و هيئات هذولي مضمونين ورواتبهم قويه واجازات وفترة الدوام اقل من البنوك ومضمونين

 

[اسمي من حرفين]

الكوول سنتر رواتبهم اقل

ودوامهم وشفتات يعني دوام بالنهار ودوام بالعصر ودوام باليل
اتوقع كل فترة مدتها ثمن ساعات

بس لا تخذين على كلامي يمكن في خطء بمعلوماتي
بس هذا الي اعرفة وانتي اسألي

 

[om_ibrahim]

للرفع

 

[* Snow White *]

غلطانه اللي قالت رواتبهم اقل،
انا اشتغلت بالوطني وبوبيان
كول سنتر من اعلى الرواتب
بس ضييييم شغل ضييم وبتكرهين حياتج
اهما اول شي يحطونج كول سنتر عقب سنتين تقدرين تحولين

ماله مستقبل .. بس استخريني في بنات حابينه
انا صراحه مالي خبره فيه اشتغلت بالافرع بس كبنوك حيل صارمين بالقانون
وحيل اسمع شكاوي بنات عنه

 

[رحــــيــــل]

خواتي الحبيبات شيومة 89 واسمي من حرفين وأم إبراهيم مشكورين حبيباتي على الردود

والله يرفع مقداركم في الدنيا والآخرة إن شاء الله

أنا أحب العمل في القطاع الخاص لأني أحب الإلتزام والإنضباط

 

[رحــــيــــل]

غلطانه اللي قالت رواتبهم اقل،
انا اشتغلت بالوطني وبوبيان
كول سنتر من اعلى الرواتب
بس ضييييم شغل ضييم وبتكرهين حياتج
اهما اول شي يحطونج كول سنتر عقب سنتين تقدرين تحولين

ماله مستقبل .. بس استخريني في بنات حابينه
انا صراحه مالي خبره فيه اشتغلت بالافرع بس كبنوك حيل صارمين بالقانون
وحيل اسمع شكاوي بنات عنه

أختي الغالية سنووايت كونج كنتي موظفة بالوطني ممكن تفيديني بخصوص الراتب واللبس
وهل يصير آخذ قرض من أول راتب ينزل لي أو لا ؟
ومشكورة حبيبتي على ردج الله يرفع مقدارج وشانج إن شاء الله

 

[وهج الارواح]

[b]اختي العزيزة رحيل

انتي تقولين تبين نصيحة

يا رحيل اكرر يا اختي رحيل


اتركي البنوك الربوية ؟؟ هل يرضيج ان فلوسج تكون حرام ؟؟؟ هل يرضيج تساعدين اهل الربا على الربا واكل اموال الناس بالباطل

قال الله تعالى : {يَا أَيُّهَا الَّذِينَ آَمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ * فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ وَإِنْ تُبْتُمْ فَلَكُمْ رُءُوسُ أَمْوَالِكُمْ لَا تَظْلِمُونَ وَلَا تُظْلَمُونَ } سورة البقرة

قال الرسول صلى الله عليه وسلم: لا يدخل الجنة من نبت لحمه من سحت النار أولى به ,,,, معنى كلمة السحت الحرام والربا اكبر حرام
[/b]


الله يوفقج بالدنيا والاخرة من ترك لله شيئا عوضه الله خيرا منه