رجاءاا للمعلمات فقط ... الكادر في ماارس

[جيتك تعال]

اعلن رئيس جمعية المعلمين الكويتية أ \ متعب العتيبي ... ان صرف كادر المعلمين الجديد

سيكون باذن الله في شهر مارس القادم وبدون أثر رجعي ....

عليكم بالعاافية معلميناا الافاااضل

 

[المعلمة لطيفة]

ربنا يراوينا خيره ويكفينا شره ... الف شكر

 

[اريج الجوري]

الحمد الله على كل حال ،،،

شكرًا على الخبريه ،،،

تحياتي ...

 

[عروسة ريلها]

يعطيج العافيه عالخبر،، بس اللي سمعته ان بينزل شهر ١٢ او ١ وبأثر رجعي من شهر ١١ اللي اهوا شهر اقراره.. شلون الحين صار شهر٣ وبدون اثر رجعي؟؟!!!!!

 

[ابلة غزالة]

مشكوره على الخبر

 

[عسولتي]

الله يباركلنا فيه

 

[أم كادي]

انا بعد قريب بالجريدة راح ينزل بديسمبر

 

[Eva-SS]

جنه سمعت تصريح للوزير انه الكادر بأثر رجعي من شهر 11 !

 

[ساندريلا]

مو قالوا بشهر 12 وبدون اثر رجعي ؟

 

[ساندريلا]

عضو الجمعيه مصرح بالتويتر قايل نتوقع انه راح ينصرف بمارس وراح يكون بأثر رجعي من تاريخ صدوره بالجريده الرسميه حتي لو صرفوه من بعد سنه فهو راح يكون بأثر رجعي من تاريخ صدوره بالجريده
يقول موعد الصرف يحدده سرعه الوزاره
علي فكره ليلحين ماصدر بالجريده الرسميه الظاهر يقصد لمن يتوقع ويخلص

 

[جيتك تعال]

اخر خبر يقول العتيبي انه بشهر مارس وبدون اثر رجعي

وماراح يصرف الا بعد نزوله بالجريدة الرسمية وماراح ينزل بالجريدية الرسمية الا في الشهر المقرر له

بالاضافة الى انه من قبل لا يقر الكادر صرحوو بانه ماراح يكون باثر رجعي

يا جمااعة الحمدلله انه حاشنا الاثر الرجعي مال موضي

والله يبلغنا هالكاادر على خير ومو مشكلة يتاخر على الاقل تكون السنة قربت تخلص

وما ينصرف على وسائل المدرسة كعاادتناا الكريمة ناخذ معاشاتنااا نصرفها عالوساائل

وياريتناا عاجبين الا الكل حاسدناا وشايف اننا ما نستحق

 

[PuPa^^SWeeT]

الله يعيينا

للحين ماحصلناه و شوفي ردود الفعل

 

[haams]

الف مبرووووووووووك الكادر
الله يطرح فيه البركه بس

 

[أورااااااد]

الله يبارك لنا فيه

ويعطينا خيره ان شاء الله

 

[eastfem]

اول شي مبروك الكادر يامعلمات تتاهلون الخير
بس يا بنات انا مستغربه من سالفه وسائل المدرسه انا الحين صارلي 4 اشهر من تعينت الصراحه ولا ابله من القسم صرفت على الوسايل
كل وحده تييب لابتوبها و الداتا شو وعرض باوربوينت يعني وانا بعد نفس الحاله ماعمري صرفت من معاشي شي الا لقطيات القسم بس

بعرف نو الوسايل الي تقصدونها .. ومشكورين