ربي يحقق اللي ببالها اللي تدش

[حكاااااية روح]

السلام عليكم ورحمه اللله وبركاته

شخباركم ؟؟
بدون مقدمات ابي ادش على طول

قربت العطله وانا من النوع اللي احب اهتم بعمري بالصيف
تكفووووون :yaaaaaarb: ابي خلطه طبيعيه وتبيض وااايد بس تكون مجربه
اللي ترد ربي يحقق اللي ببالها ويسعدها ويوفقها ويدخلها الجنه بغير حساب :eh_s(*):


بانتظاااااااااركم

 

[تبيني آرضى عليك]

آآآآآآآآآآآآآآآآآآب

 

[برنسس أوراق]

اب اناا بعد
ان شاء الله في احد يفيدنا
بس احلى شي شقرة ومزيونة

 

[baby lotion]

خلطة المزيونات حق كريستين

بس يفضل بدون الفكس

 

[نوف الصقعبي]

انا ودعت الخلطات نتيجتها بطيئه جدآ وممله

وارتحت وايد مع علاج الدكاتره اسرع و اضمن​

 

[Gold gem]

السدر والكركم والمره بس مع الاستمرار وتعطي نظاره ماشاءالله

 

[M!SS.LOBY]

شوفي تاجرات المنتدى يفيدونج

 

[Alice Cullen]

التنظيف:-
١-الصابون الافريقي ( تلقينه عند التاجرات منهم غراس وmiss B.K
عجيب هالصابون ينظف و يفتح و يشيل الجلد الميت ويقشر و يوحد اللون وفيه بعضهم يقولون صغر لهم المسامات لو تقرين عن فوايده ماتخلص خليه صابونج اليومي واذا بشرتج جافه لازم تستعملين مرطب قوي لانه يجفف البشره اما اذا دهنيه بتفتكين من الدهون .
٢-صابونيه مزيونه وشقره( مااظن في احد مايعرفها ) خصوصا مع الصيف وااااو
٣-صابون المر والكركم ينظف من قلب و يبيض و له فوايد معروفه اقري عنها

الترطيب:-
اهم شي بعد السباحه اختاريلج لوشنات مافيها عطر ومفيده شوفي مزيونه وشقره
و كرستين و ماي ورد عندهم مواضيع يمدحون فيها لوشنات و فيه يبيعونها
ومس واو اذا تبين البياض وعندها مواضيع وايد بتفيدج بالعنايه وسهله
و سوي اي سنفره تعجبج مرتين الى ثلاث بالاسبوع مثل كاب و المشمش و سنفرات بودي شوب
و سنفره السنفرات ١ و ٢ لمزيونه وشقره
اما الوجه فحطي له مرطب ستيفز بالكولاجين طبعا الكولاجين مهم للبشره جدااا و تقدرين تستخدمينه للجسم
و سويلج ماسكات طبيعيه( انتبهي طبيعيه مو الي بالاسواق ) احلى شي مرتين الى ثلاث مرات بالاسبوع وهالخطوه مهمه حيل
عندج ماسكات وايد بالخطوات والصور عند مزيونه وشقره و مس واو و غلاي وغيرهم
سوي سيرج بقوقل عن الماسكات راح تعجبج وايد واختاري اكثر شي الماسكات الي يكون فيهم توت و فواكه و حليب و نشا وعسل وليمون على حسب بشرتج


و بسس لاتنسين تمسحين المكياج قبل النوم وتسوين تقشير لشفايفج وترطبينهم ( المقشر زيت زيتون+ سكر ) تفركين فيهم شفايفج ٥ دقايق خفيف و تغسلينه وتحطين عسل لين ينشف بعدين فازلين بيبي جونسون و هالشغله طبعا بس اذا حسيتي شفايفج غامجه حيل و جافه يعني مو روتين دائم لا الدائم حطي مرطبات عاديه مثل مرطبات بودي شوب و لابيلو وغيره الي يعجبج

وبسس اتمنى افدتج

 

[بنت حاتم الطائي]

حبيبتي شفت قبل كم يوم وحده منزله خلطه تحلف انها زينه انقلها لج حرفيا بس تكفين اتمنى تدعيلي انه يصير اللي ابالي يالغلا


وهذي الخلطه


السلام عليكم ورحمة الله وبركاته




يا بنات قسم بالله هذي الخلطة *** مو اي كلام رووووووووووووعععععععععععععه



اول شي الله يخليكم ويسعدكم ادعو لي بالجنة والله يخلي لي زوجي وأولادي



وهذي المقادير لعيونكم والله من الفرحة إني طايرة




تخيلوا سويتها اليوم وفي نفس الوقت ظهرت النتيجة ومن مواد طبيعية


حطيتها على كف يدي والله صارت بيضاء وفيها لون وردي والذراع فرق برونزي



والله ما ادري إذا مكرر الموضوع لكن حبيت أفيدكم




يلا اكتبوها وسووها دحين بسرعة يلا قوموا خخخخخخخخخ >>>> مابعد جات الخلطة وتقول لكم قوموا



المقادير:

3 قشور موز

بطاسطس مع قشرها


نص ليمون مع قشرها بس انا بشرتي جافة وحطيت ربع برتقالة مع قشرها مرة ررررروووووعه


وحليب السعودية واحد صغير



وتحطيها في الخلاط تطلع لونا مايل للسواد


وحطيها على جسمك بس الكمية إلي تكفيك لا تكثرين لأنها بتطلع حلوة وهي قليلة



وتحطين الباقي في الثلاجة طبعا في علبة زجاج لازم لازم علشان ما تخرب



وبعدين خليها إلى أن تنشف والله ما ادري كم خليتها وبعدين افركيها بحركات دائرية



إلى أن ما يبقى ولا شي على جسمك وغسليها بموية باردة



والله يديم عليكم البياض والنعومة


*******************

وهذي خلطه بعد شفتها في مجله شوفيها يمكن تفيدج

إذا كُنتِ عروساً تبجثين عن خلطاتٍ تمنحكِ النتائج سريعاً جربي خلطة تبييض الجسم في ثلاثة أيام لتلاحظي التحسن خلال هذه الفترة، والتفاصيل فيما يلي ..
عليكِ البدء بتقشير الجسم إما بالحمام المغربي، أو إزالة الجلد الميت وتقشيرهِ طبيعياً بواسطة خليط عصير الليمون والملح وزيت الزيتون، بحيث تجرين مساجاً بخليط هذه المواد الطبيعية لمدة 3 أيام قبل إستخدام خلطة تبييض الجسم، إضافةً لتجنب تناول المأكولات الدسمة، والحارة، وكثيرة البهارات، والمخللات، والتركيز على تناول الطعام الصحي المليء بالفيتامينات والمواد الطبيعية الصحية، وبعد ذلك يُمكنكِ تجربة خلطة تبييض الجسم في ثلاثة أيام.

مكونات خلطة تبييض الجسم في ثلاثة أيام:
علبة صغيرة كريم جلسوليد، علبة 100 ملليلتر جلسرين سائل، علبة صغيرة فكس أصلي، 3 ملاعق كبيرة زيت خروع، 4 ملاعق كبيرة زيت اللوز الحلو، 4 ملاعق كبيرة فازلين، 6 ملاعق كبيرة بودرة أطفال، 6 ملاعق كبيرة ماء ورد، ملعقة كبيرة نشاء، ونصف كأس من الماء.

طريقة إعداد خلطة تبييض الجسم في ثلاثة أيام:
الخطوة الأولى:
في وعاءٍ بلاستيكي عميق ونظيف وبواسطة ملعقة خشبية أخلطي الجلسوليد مع الجلسرين السائل والفكس، ثم أضيفي للخليط بودرة الأطفال، وأتركيهِ جانباً.

الخطوة الثانية:
أخلطي نصف كأس من الماء، وماء الورد، والنشاء وحركي الخليط على نار هادئة حتى يتجانس، وأتركيهِ جانباً حتى يبرد.

الخطوة الثالثة:
أخلطي الفازلين بزيت الخروع، وزيت اللوز الحلو، وأتركي الخليط جانباً.

الخطوة الرابعة:
أخلطي جميع المكونات معاً في الوعاء البلاستيكي العميق ثم إحفظي الخلطة في وعاء بلاستيكي مغلق بإحكام داخل الثلاجة.

طريقة تطبيق خلطة تبييض الجسم في ثلاثة أيام:
بعد الإستحمام ليلاً بالماء الدافئ وتجفيف الجسم جيداً، إدهني الأماكن الداكنة بخلطة تبييض الجسم في ثلاثة أيام وإنتظري لمدة 10 دقائق قبل إرتداء الملابس لتهوئة المنطقة جيداً ثم إرتدي ملابسكِ وكرري العملية كل ليلة.

أخبرينا بنتائج خلطة تبييض الجسم في ثلاثة أيام من تجربتكِ .
دمتم جميلات

 

[لك الحمد ربي]

أأب

 

[ام عبد العزيز م]

الرفع

 

[مولاي الفرج]

نوف وايد تمدحين كريمات الاطبة ياليت تفيدينا فيهم نجربهم

 

[حكاااااية روح]

مشكورات على الافاده ربي يسعدكم ويحقق اللي في بالكم ويرزقكم بالزوج والذريه ياااااااااااااب

 

[عازفة الآلام]

اهم شئ بالصيف..توخرين عن الشمس..واذا اضريتي تطعين لاتنسين واقي الشمس
تحطينه علي يدك وعلي وجهك..ولازم تختارين ماركة كويسه وومضمونه
انا استخدم واقي طبي من هيرودوديرم ومرتاحه عليه..وصراحه احطه وانا بالبيت بعد لان عندنا الحر مو طبيعي

انصحك فيه يالغلا..وان شاء الله البنات يفيدونك بالخلطات لاني مالي خلق لها واكسل صرااااحه​

 

[sakakir]

الخلطات بطيئة ولكن معظمها آمن ..والليمون والبطاطس والزبادي من اروع الأشياء لتبييض اللون مع الصبر والمداومة ..والكريمات الطبية وتلك التي من ماركات معروفة جيدة وسريعة ومضمونة ... خاصة السيروم فهو سريع الأمتصاص من قبل البشرة ونتائجه
ايضا سريعة ووضعه قبل الكريمات تجذب فوائد الكريمات الى اعماق البشرة لتسفيد منها ..
خاصة سيروم فايتمين سي ..والكولاجين من ماركة بايوت او ريكسول أو غيرها

اما اذا رغبتي في خلطة مجربة مني شخصيا رائعة وتجعل البشرة ناعمة فورا ولامعة وتضج بالحيوية وتعطي لون ذهبي خفيف .. وهي قطعة بابايا طازجة +بيضة كاملة+ قطعة قرع طازجة أو معلب .. تخلط بالخلاط توضع ثلاث ارباع الساعة وتغسل بالماء يستحسن بعد البخار لنتيجة افضل .. المداومة والصبر اساس الحصول على نتائج باهرة ...

اما حروق الشمس في الصيف فلا يوجد اروع من الصبار الطازج تفتحين الصبار وتأخذين الجيل وتضعينه على الحروق أو الأماكن التي تغير لونها بفعل الشمس أو المسبح والكلور .. قشري البشرة كل اسبوع بأية مقشر لا يفرق المقشرات جميعها تؤدي نفس الغرض وهو ازالة الجلد الميت من على سطح البشرة ..

يستحسن بالصيف استخدام الكريمات التي يكون اساسها الماء وليست الزيت نسبة للحر الشديد ..وتبريد البشرة برشها بماء الورد والخيار بعد حفظهما بالثلاجة .. لحوالين العين وتفتيحها ماء الخيار والبطاطس الطازجة ...
ااخيرا اشربي الكثير من السوائل مثل عصير الفواكه الطبيعية الطازجة والمياه .. لترطيب الجسم داخليا وخارجيا ..
واستخدام كريمات الحماية من الشمس حسب نوع بشرتك وافضل الماركات المعروفة والخفيفة التي لا تحتوي على زيوت وكريمات ثقيلة .. ولبس دسوس ابيض على اليدين في حالة قيادة السيارة حتى لا تسمر اليدين ..
واعتماد اكل صحي خفيف اساسه الأسماك والدجاج والخضار المسلوق على البخار .. وتجنب الأكل الدسم الملئ بالزيوت والسمن والصلصات ..

تحياتي ..


سكاكر
خبيرة الشعر صديقة البشرة ،،،،