هل ربنا رقم واحد فى حياتك؟؟؟
بمعنى تانى يعنى مقياسك فى الحياه ده حلال هعمله وده حرام مش هعمله
بتحب ربنا بجد؟؟؟؟؟!!!!
أكيد طبعا كله هيقول ايه السؤال الغريب ده!!!!
اكيد طبعا بحب ربنا
طيب لو بتحبه بجد فيه حد يغضب حبيبه
فيه حد بيعمل حاجه حبيبه نهاه عنها وعارف انها هتغضبه
الى بيحب حد بقرب منه وبيعمل كل حاجه بيحبها
ياترى احنا بنعمل كل حاجه ربنا بيحبها؟؟؟
يعنى لما تعرف ان احب الاعمال الى الله الصلاه فى وقتها اول ما بتسمع الاذان بتجرى تصلى
ولا بتقول ياعم متحبكهاش أوى ما انا بحب ربنا بس انت عارف بقى الشيطان والنفس
ولا بتقول معلش يارب خمس دقايق واجيلك ولا انا نايم دلوقتى ولا بتكلم فى التليفون
لو بتحب ربنا كنت هتستعان بيه على النفس والشيطان كنت قلتله يارب انا بحبك ونفسى أرضيك خد بايدى يارب قربنى منك يارب اجعل نفسى لك مطواعه يارب
لو والدك ندالك هتقله استنى بس شويه مش فاضيلك ولا كلنا بنروح
بلاش والدك لو مديرك؟ لو دكتور الجامعه بتاعك؟
عيزين كلنا نغير مفهوم حبنا لربنا وفرصه كويسه نقرب منه فى رمضان ونتوود ليه بكل حاجه بيحبها
دا ربنا بيتنزل كل لييييييله يقول هل من مستغفر هل من سااائل هل من طالب حاجه
ياه دا انتى رحيم اوى يارب دا انت بتحبنا اوى ربنا بيتنزل كل ليله واحنا معظمنا نايم ومعظمنا على النت ومعظمنا بيرغى فى التليفون
كلنا عندنا مشاكل ليه مندعيش ربنا فى التلت الاخير ركعتين قيام بس هيغيروا حياتك جرب كدا تحكى لربنا وتشكيله جرب تكلمه تقله انا بحبك يارب عنى على نفسى يارب قربنى منك يارب حقق كل احلامى يارب
تخيل لو واحد مسؤول كبير اوى قالك انا هبقى موجود بالليل فى المكان الفلانى تعلالى وانا هعملك كل الى انت عوزه والميعاد ده ميعاد نومك
جاوب بصراحه هتسيبه وتنام هتقله لا هبقى نايم هبقى أجيلك اما اصحا ولا مش هتنام اصلا
شوف بقى ولله المثل الاعلى دا الى بيتنزل كل يوم ملك الملوك المعز المذل الى بايده يحقق كل احلامك ولا يبالى
ليه سايب ربنا وعمال تروح لفلان وتسأل ده وتطلب من ده ليه ليه سايب ربنا جرب تروحله وتطلب منه وتقله مليش غيرك يااااارب مش هستعين على قضاء حوائجى الابك
ربنا بيحبنا اوى وبيدينا فرص كتير اوى نرجعله
تخيل لو انت زعلت واحد صاحبك بيحبك اوى وزعلته مره ورحت تصالحه اكيد هيصالحك ولو طلبت منه حاجه هيعملهالك
طيب لو زعلته مره تانيه وعملت حاجات بتضايقه وحاجات مش بيحبها وعصيت امره
ورحت تصالحه احتمال يصالح
طيب لو عملت ده مره تالته ورابعه وخمسه وميه يااااه دا عمره يا هيبص فى وشك لو شافك فى مكان هيسيبك
عارف ليه لأنه بشر
حتى لو مش صاحبك لو ابوك او امك بجد والله انا سمعت امهات بتدعى على اولادها دعاء صعب ربنا يعافينا يارب من عقوق الوالدين واستغربت جدا قلت سبحان الله علشان ابنها زعلها بقت بتدعى عليه وهى ام
يااااااااه شفت بقى ربنا اد ايه كريم وبيحبنا اوى
يامااااااااااااا عصينا أوامره وانتهكنا حرماته وقصرنا فى طاعته
وتركنا فروضه ونرجع تانى نتوب ونغلط ونتوب ونغلط ونتوب
وبرضه يغفر ويسامح وبيكرمنا وبيقف جمبنا ويحقق دعائنا حتى
لو احنا بعيد بجد كل واحد يفكر مع نفسه ربنا وقف معانا أد ايه
واحنا بعيد وقبل التزامنا وبعد التزامنا
ياه كام امتحان محلتش كويس
وربنا نجحك بفضله كام مره وقعت فى مشكله وبفضل الله خرجك منها كام مره تعبت جامد وشفاك من
غير ما نطلب ربنا عمره ما طرد حدمن رحمته قاله يارب سامعنى بالعكس بيفرح بتوبة العبد
ياااااااه على كرمك وجودك يارب ياه على حلمك وصبرك علينا
بجد نفسى ربنا يكون رقم واحد فى حياتنا كلنا نشوف الى بيحبه نعمله والى مش بيحبه منفكرش فيه اصلا
والله المعاصى ما بتجلب غير الهم فى القلب والخزى والحرمان من لزه القرب والاونس بالله ياااااااه لو ذقنا حلاوه الايمان وخرجنا من سجن المعاصى وحب الدنيا
ربنا ادانا رمضان شهر المغفره والعتق علشان كلنا نرجع تانى ونعيد حسابتنا ويغفر ذنوووووب طول السنه وللاسف ناس مقضياه تلفزيون ولهو ربنا يعافينا
وبما ان احنا فى سنه الثوره
كلنا نعملها ثوره جوانا ثوره على المعاصى والفتن عيزين نخرج من رمضان بقلب جديد القلب يريد تغير اولوياته
بجد كلنا نقلها من قلبنا بحبك ياااااااااااارب
سامحنى على تقصيرى ياااااااااااااااااااااااارب
خدبايدى ليك ياااااااااااااااااااااااااارب
اعذنى من شر نفسى يارب
حبنى يارب
يارب أرزقنى حبك وحب من أحبك وحب عمل يقربنا الى حبك
انا كتبت الموضوع بدون ترتيب وملخبط
بس بجد المعنى ده جه على بالى وبجد كان نفسى يترسخ فى قلبى معنى أحبك ربى
وتبقى شعارنا فى الحياه
أحبك ربى
قلبى ملك ربى وربى حبيب قلبى
كن لله كما يريد يعطيك فوق ماتريد
اللهم انى أسالك الثبات على الامر والعزيمه على الرشد وأسالك موجبات رحمتك وعزائم مغفرتك
