راي مستعجل

[دلوعة العائلة]

بنات ساعدوني انا لي ثمان سنين متزوجه وحملت وسقطت كم مره اختي الاصغر مني حملت قبلي وجابت بنت وعمرها اربع سنين والحين هي حامل وانا ضايق صدري شلون يصير معه ولدين وانا مامعي شي الا الحين مع اني بين زواجي وزاجها بس سنه سااااااااااااااعدوني وش اسوي

 

[إنسانه وأكثر]

الله يكافيها شرج

اتقي الله هذي اختج ادعيلها انه الله يخليلها عيالها مو تحسدينها

لاحول ولاقوة الا بالله

صفي نيتج عشان يصير لج اللي بخاطرج واللي تتمنينه

الله يعينج

 

[إستبرق]

وي ذكري الله وهونييها شنو تسوين هذي كتبه ربج وهذي اختج لا تحسسينها انج متضايقه والله الرازق ويارب يرزقج الحمال عاجل غير اجل

 

[ح.ــروووفي]

استغفر الله هذي اختج تمنيلها الخير علشان الله يرزقج

 

[}{نرجسيهـ}{]

عشآنج حسوده ونيتج بآطله ربج مآيرزقج..
صفي نيتج وقآبلي سجادتج واكثري من الاستغفآر والصدقه ..

 

[غمزه وإبتسامه]

تحسدين اختج !!
عيب عليج!!
هذي ارزااق
ودامج حسوده ربي ماراح يرزززق

 

[حبيبتي إختي]

رد : راي مستعجل

الله يحرسها من العين ويبارك لها في ذريتها

اذكري ربج وسمي بالرحمن لما تجيبين طاريها وطاري عيالها

وعلى نياتكم ترزقون

 

[G.U.C.C.I]

رد : راي مستعجل

شلون يصير معه ولدين وانا مامعي شي

هالشئ الله كاتبه !

الله يرزقج ويبعد عن اختج العيين ;x

 

[سروري]

حبيبتي
أول شي شيلي هالتفكير من راسج مره وحده
لاتفكرين بهالطريقه ولاتقارنين نفسج بأحد حتى لوكانت اختج التوأم من مشيمه وحده انتي حياتج كلها مكتوبه لج ورزقج مكتوب لج من يوم انتي فبطن أمج وتطمني ماراح تموتين الا لما تاخذين رزقج كامل بعد عمر طويل باذن الله
وصدقيني اذا ماشلتي هالتفكير واستمريتي تقارنين نفسج بالأوادم راح تصيرين انسانه حقوده حسوده غيوره وعسى ربي يبعد عنا وعنج هالصفات اللي تذبح صاحبها قبل لاتذبح غيره.
ثانيا تأكدي وكوني واثقه ان العيال مايوج للحين لأن هالشي خيره لج
أعرف وحده صارلها أكثر من ست سنين مايابت اعيال وتقول ان هالشي خيره لها لأنها ماعرفت طبع ريلها عدل الابعد هالفتره الطويله ولوانها احملت امبجر يمكن تدمرت حياتها الزوجيه بخيانه زوجها لها أو طلاق أو غيره بس سبحانه ربي اللي يعلم الغيب ويعرف مصلحه كل واحد فينا
وثالثا لزمي الاستغفار بنيه الانجاب وادعي ربج بين الأذان والاقامه وفي سجودج بالصلاه واذا امج وابوج عايشين خل يدعولج بالذريه الصالحه وانتي لما تدعين ادعي وابجي مثل الطفل الصغير اللي يظل يبجي لين يعطونه اللي يبيه

 

[عنود الريم]

هذي واهي اختك
وحاسدتهااااا الله يكفيها شرك
ويعينك على نفسك صفي نيتك
الله يهديكي

 

[gourges 1]

رد : راي مستعجل

لوو الله يفكج من امطالع الاوادم انتي بخير

لا ويليت اي احد اختج عااد @@

جد انذهلت منج ...
يعني انتي ماتبين عيال علشان الذريه وانج تبين تكونين ام تبين عيال ليش اختج عندها وانتي لا @@

امبيه ويع ..

لاتوقعين الله يرزقج وانتي نيتج وتفكيرج جذي ...

 

[Q8stylle]

وهونييها شنو تسوين هذي كتبه ربج
الله يرزقج ويبعد عن اختج العيين

 

[سارووه الاموره]

اي والله هاذي واهي اختج حااسدتها قويه @@

اذكري الله يابنت وحمدي ربج وهاذا شي الله كاتبه

وصفي نيتج لايصير فيها شي واستغفري واايد والله راح يرزقج ان شاء الله ..

 

[a7la MUM]

رد : راي مستعجل

الله يرزقج حبيبتي هالشي مو بيدج ولابيدها هاذي كتبه ربج والمفروض تستانسين لها وتفرحين ياقلبي انتي

 

[( مي )]

تسئلينا شتسوين ؟؟؟؟؟

ادعيلها الله يصلح ذريتها ويزيدها ،، ويرزقج الذرية الصالحة
روحي فتحي كتاب ربج واقريلج جم صفحة من القرآن
هذا ابليس لاعب بمخج لعب

 

[للزين هيبه]

الله يرزقتس

 

[دلوعة العائلة]

ليش فهمينن غلط انا قصدي مو حسد اني ودي احمل انا اول واجيب بعدين هي تحمل لانها عندها واحد وانا ماعندي شي شوفي شلون نظرات الناس لتش اختي الاصغر منها معها اثنين وهي مامعها شي شلون شعورك باهالحظه

 

[الحراير]

ربي يرزقج حبيبتي

والله اذا احب عبده ابتلاه وصبري الصبر حلو وربي بيرزقج

 

[م.بدوره]

عزيزتي كل شي نصيب وكتبة رب العالمين خلي ايمانج بربج قوي وكل شي خير وبصالحج ترى

وبنات اهي مو قصدها تحسد اختها بس اهي تتمنى الذريه الصالحه باذن الله وصج الناس تحبط الشخص وتخليه يكره حياته

 

[hooryah q8]

رد : راي مستعجل

حبيبتي عليج بالاستغفاااااااااااااااار كثري من الاستغفار لو بعد كل صلاة
والدعاء وبعد كل دعاء قولي ( يا ارحم الراحميييين ) 7 مرااات

لا تتركين هالشيئين وان شاءالله ربي يرزقج بالذرية الصالحة
واختج لو شفتي اعيالها او يت على بالج ادعي وقولي ياربي ارزقني مثلهاااااااااااااا
لاتقولين انا تزوجت اول ورزقها ربي قبلي ..

الله يوفقج حبيبتي ويرزقج بالذرية الصالحة عاجلا غير آجلا