رايي الخاص بالمتكممات...........................

[فوفو22]

اهنيء كل المتكممات والله يبارك لهم بصحتهم

علما بأن لدي تحفظ كثير على كثير منهم

ان معاي وحولي ....بناااات كثير مسويين التكميم

ولكن محد عنده الشجاعه يقول انا سويت العمليه

معظمهم يقولون دخلنا المستشفى

مراره وشلناها .....كليه ...دوده زايده...او عامله ريجيم مع دكتور ...

ولو اني ارى هالطبع فيه... جبن وعدم الشجاعه

ولو كانت خايفه من العين .....فبضعفها المفاجيء بدون علم الناس ستأتيها العين اللي حرصت منها


طبعا بما اني أمارس سلوك التغافل

اصدقهم ولكن مسحتل اكذّب عيوني واحساسي واصدق كذبهم

اللي سرعان ما يكون واضح للجميع

*******************************

التكميم بنظري له جوانب ايجابيه وسلبيه

الايجابيه :

1- للاوزان الكبيره خفت مشاكلهم بالحمام والتنفس .....وبكراسي الطياره

2- للكل صار اللبس زاهي وحلو عليهم

السلبيه اللي انا اشوفها يمكن غيري ما يلاحظ

1- شفايفهم دايما مفرقه يعني ما يسكرون الشفايف يمكن لانهم يحتاجون اكسجين اكثر الله اعلم
2- الشكل العام فيه تعب ووهن والكلام الكثير يتعبهم
3-في انحاء قليل بالظهر ....جايز لانه قبل مليان لحم وشحم وراحت اللحوم وصار مكانه انحاء
4- شحووووب واضح بالوجه
5- نظره عيونهم مافيها وهج ...ونضاره
6-رقبتهم تتقرفط ....بالاضافه الى الزنودج والبطن والفخوذ والسيقان....الخ
7-خدودهم صارت داخله

برايي

كل السلبيات ممكن علاجها تجميليا بعمليه قص ولزق وابر النضاره والبوتكس والليزر وغيره

ولكن المشاكل الداخليه مثل التنفس والتعب والوهن الخارجي

شنو علاجه ؟؟؟؟؟

بالنهايه اقول هذا رايي الخاص واحب اسمع تجاربكم

علما باني من الاوائل اللي عملوا شفط وشد واشتراك بنادي ...وكتبت تجربتي بالصور بتفاصيلها

بمحاسنها وعيوبها

ولله الحمد مازلت محافظه على قوامي

فوفو

 

[مذهلة 78]

الحمدلله انا مسويتها من العام ومافي هالتعب اللي تقولين عنه من ناحية التنفس والتعب والوهن الخارجي هذي الاثار تكون بأول 4 شهور من العمليه بعدها تبدي تخف بشكل تدريجي يعني صارلي سنه الحين والحمدلله اموري تحسنت بنسبة 80%

وسبب الوهن والتعب وان العيون ما فيها نضاره اهو نقص الفيتامينات واختلاف نسبة وكمية الاكل وبعدها الجسم يبيله فتره ويتعود ويرجع مثل اول واحسن

وانا وحده من الناس اللي كنت اعاني من هالشحوب والسبب قلة الاكل لان معدتي ماكانت تتقبل شي بس سؤال خلي اي احد مو ممسوي العمليه يشرب بس سوائل ويرجع من الاكل اكيد بصير وييه شاحب خلي يحوشج نزله معويه اكيد بصير ويهج اصفر فهالشي له علاقه بالاكل مو بالعمليه

والحمدلله عالجت هالشحوب عند دكتور وبالاكل وبالعاصير الطبيعيه والبروتينات
والحين اي احد يشوفني يقولي صغرانه وصاير ويهج يجنن والحمدلله

 

[فوفو22]

الحمدلله انا مسويتها من العام ومافي هالتعب اللي تقولين عنه من ناحية التنفس والتعب والوهن الخارجي هذي الاثار تكون بأول 4 شهور من العمليه بعدها تبدي تخف بشكل تدريجي يعني صارلي سنه الحين والحمدلله اموري تحسنت بنسبة 80%

وسبب الوهن والتعب وان العيون ما فيها نضاره اهو نقص الفيتامينات واختلاف نسبة وكمية الاكل وبعدها الجسم يبيله فتره ويتعود ويرجع مثل اول واحسن

وانا وحده من الناس اللي كنت اعاني من هالشحوب والسبب قلة الاكل لان معدتي ماكانت تتقبل شي بس سؤال خلي اي احد مو ممسوي العمليه يشرب بس سوائل ويرجع من الاكل اكيد بصير وييه شاحب خلي يحوشج نزله معويه اكيد بصير ويهج اصفر فهالشي له علاقه بالاكل مو بالعمليه

والحمدلله عالجت هالشحوب عند دكتور وبالاكل وبالعاصير الطبيعيه والبروتينات
والحين اي احد يشوفني يقولي صغرانه وصاير ويهج يجنن والحمدلله

برافووو عليج

اتمنى الكل يتحسن حاله باذن الله

لاني اشوف حالات عندي بالبيت وبره البيت

ينطبق عليها موضوعي

فوفو

 

[مذهلة 78]

برافووو عليج

اتمنى الكل يتحسن حاله باذن الله

لاني اشوف حالات عندي بالبيت وبره البيت

ينطبق عليها موضوعي

فوفو

عيل هذا اهمال منهم لانهم اكتفوا بالعمليه والضعف ونسوا ان في اشياء ثانيه لا زم يسوونها

 

[جارة القمر]

فوفو



انا اتفق معاج بالكلام للأني قاعده اشوف اللي معاي بالدوام



والله يكفينا الشر تساقط بالشعر شي موطبيعي


وصج النفس وايد عندهم صعب مع أن صارلهم سنه مسوين العملية

 

[$نرجس$]

صااااجه بالدواام معااي بناات ابقسم ثاني نصهم امسويين يقولوون عملييه مرااره

 

[$نرجس$]

اهي فتره والشحووب يكوون وراا اي عملييه مو بس التكمييم بس يااخذ فتره وبعديين عااد الوااحد ماايهمل نفسسه لاازم يرااجع دكتور تغذيه بالنسبه لتكمييم ودكتور جلديه عشان الكريماات والله يسهل امووركم يااارب

 

[ساندريلا]

معاج عند وحده من اهلي نفس الشي قالت مراره وبعدين اعترفت وقامت تفتخر بكل عمليه تسويها ماقام يهمها ابدا
وفي اول سنه كانت كله تعبانه جنها مريضه وورقبتها طاحت حتي جفنها ترهل جنها عيوز والجسم صار جلي وعلي طول كئييبه
بس ماشالله الحين شدت وردت احسن من قبل صارت وااثقه من نفسهاوحتي اكلها صار مثلنا عاااادي الوضع طبيعي اهي سوت تغيير مسار يعني العن من التكميم
الي اشوفه والاحظه بهالعمليات انها توالم الاعمار الصغيره بس الكبار لا
لان يبين عليهم العمر بشكل موو طبيعي اعرف جم وحده مسوينهم لان عمرهم كبير صاروا مقرقمين مثل العيايز ومحدبين
حبيبتي فوفو سؤال خارجي
بالنسبه حق عملياتج الشد والشفط شلون الاثار لاني شفتهم باليوتيوب جنه منشار قاص البطن الاثر قوي من اول البطن لي اخره خفت وترددت

 

[أبلة فاتن]

العملية بحد ذاتها مجازفة لكن في حالات تستحق انها تسوي العملية خاصه اللي من طفولتهم بدينين ما ينفع معاهم الرجيم

مثل اختي نتمنى تسوي العملية بس ما تبي مع ان تقدر امكانات مادية ودكاتره تعرفهم بسسسسسسسس ماتبي وما تهتم

يعني لي متى جذي !! بطنها كبير وصدرها طايح حرام شباب جذي ؟؟ اقولها ما تفكرين تتزوجين دايم الريال يحب البنت

الرشيقه اللي تهتم بنفسها ماكو احساس دعواتكم تقتنع وتسويها ،،، وصح في اللي شحوب بالوجه لاحظته عالفنانات اكثر شيء

ما عجبوني بس شنو اسمي صرت ضعيفه اللهم الجميلة ديانا كروزن كلهم قلدوها اهيا جميلة اساسا قبل وبعد اما اللي قلدوها

مو حلوووووووووين كلللش و في بنت معاي بالجامعه سوتها بس مشيتها مادري شلون مو حلوه وجهها صار طوالي

 

[فوفو22]

اوكي يعني في متفقات معااااي

يعني اللي اشوفه بعيني صح

اقدّر معاناتهم وابارك لهم اتخاذ الخطوه

والاهم من رايي يكونون مرتاحين ومبسوطين

ومتاكده ان لكل مشكله حل

ولكن هذه ملاحظات شفتها وحسيتها وحبيت اقولها

ولكل اللي يغبون هالموضوع ...كأنه سر من اسرار البنتاغون

((اقولهم كافي عبط على روس العقلاء((


فوفو

 

[أبلة فاتن]

فوفو في مره قريت موضوع بالزوجيه حق بنت تقول ما تبي تعلم زوجها لان مسويتها قبل لا ياخذها وقالت له مره على ضحك لو اكتشفت اني مسوية عملية التكميم قالها على ضحك اطلقج على طول !!! استغربت من رده وترى وايد حتى على فوزية الدريع
دقوا اذكر مره همن تقول زوجي خلاص يقولي انا مابيج مو متقبل جسمها بعد العملية ف الحريم يخشون علشان جذي لان الناس تتخيل شكلهم ان البطن ممزق وان الجلد تحت كله سوري عالكلمه شغل تجاري يعني
سيلولايت والخ ف اهما يبون صورتهم تكون حلوه عرفتي فوفو وهمن في وحده درينا انها مسوية
بس مخبية عاللي بياخذها واهله هم يخافون يمكن يحسبون ان هالشيء عيب او بعد الزواج عيالهم
بيطلعون سمان مدري شنو تفكيرهم !!​

 

[$نرجس$]

لااا مااله دااعي اتعلم زووجهااااا هااذي خصوصيتهااا وماا ضنتي الريااجييل يقوولوون كل شي لنااااا كل وااحد له حدوود لخصوصيته ولاازم يحترموونهاا ويبدوون صفحه جدييده حتى الصرااحه بيين الازوااج لهاا احدوود

 

[فوفو22]

فوفو في مره قريت موضوع بالزوجيه حق بنت تقول ما تبي تعلم زوجها لان مسويتها قبل لا ياخذها وقالت له مره على ضحك لو اكتشفت اني مسوية عملية التكميم قالها على ضحك اطلقج على طول !!! استغربت من رده وترى وايد حتى على فوزية الدريع ​

دقوا اذكر مره همن تقول زوجي خلاص يقولي انا مابيج مو متقبل جسمها بعد العملية ف الحريم يخشون علشان جذي لان الناس تتخيل شكلهم ان البطن ممزق وان الجلد تحت كله سوري عالكلمه شغل تجاري يعني
سيلولايت والخ ف اهما يبون صورتهم تكون حلوه عرفتي فوفو وهمن في وحده درينا انها مسوية
بس مخبية عاللي بياخذها واهله هم يخافون يمكن يحسبون ان هالشيء عيب او بعد الزواج عيالهم ​

بيطلعون سمان مدري شنو تفكيرهم !!​

حبيبتي

انا لما حطيت تجربتي بالعمليه بالتفاصيل مع الصور

اول المعارضين للموضوع كان زوجي

وانا حطيته لانه لي راي ومبدأ خاص فيني

1- حلو اي بنت تهتم بشكلها لنفسها اولا ولصحتها مش للناس ونظرتهم

2- اكون خدومه لغيري مثل ما استفدت معلومات من الغير احب انقل التجربه بصدق لغيري مع الايجابيات والسلبيات وهذا هدفي الاول بالنت عموما

3- الشخصيه الطبيعيه لازم تاخذ وتعطي ما يصير اقرا بصمت ولا اشكر صاحبه الموضوع ثم اعمل العمليه ولا انقلها للبنات من باب الافاده

4-كثير يتابعوني بصمت ......وينتقدوني بالعلن .....وهالفئه اعرفها ولكن اتجاهلها ...لانهم يسوون كل شي من عمليات تجميل ولكن بصمت خوفا من العين او نوع من الانانيه من نقل تجربه للكل.

5-برايي ان كل بنت تسوي عمليه من اجل اصلاح خطأ فيها اسميها
امراه شجاعه ذات قرار ....واهنيها على الشجاعه
وكل بنت تعمل عمليه وتنكر عمليتها اقل شي اطلقه عليها انها شخصيه انانيه

فوفو

 

[أبلة فاتن]

^^​

فهمت قصدج فوفو وعارفه النوعية اللي تتكلمين عنها تدرين همن عندي وحده من خواتي مسوية​

عملية تجميل لانفها بس من زماااان وبعدين الكل يعرف شكله قبل بس كانت تخبي اهيا فعلا محتاجه كانت للعملية​

وكانت تحذر امي وعائلتي عموما ان ما يتكلمون حق اي احد من قرايبنا تقول مابي يعيبون ولا يطلعوني ناقصه ابي اكون كامله لمن سألوها شمسوية تقول لهم​

تدليك ههههههههه ولي يومج نسو موضوعها ما يجيب لها الطاري اللي يسألها قبل ولا يعيب تقعد تدعي​

عليه ليل نهار الله يهديها بس​

وصح كلامج الثقه بالنفس لها دور كبير اهما يبون يعني احنا جمال رباني !! ههه مايدرون ان كل شيء​

مكشوف وواضح​

 

[$نرجس$]

فوفو في مره قريت موضوع بالزوجيه حق بنت تقول ما تبي تعلم زوجها لان مسويتها قبل لا ياخذها وقالت له مره على ضحك لو اكتشفت اني مسوية عملية التكميم قالها على ضحك اطلقج على طول !!! استغربت من رده وترى وايد حتى على فوزية الدريع

دقوا اذكر مره همن تقول زوجي خلاص يقولي انا مابيج مو متقبل جسمها بعد العملية ف الحريم يخشون علشان جذي لان الناس تتخيل شكلهم ان البطن ممزق وان الجلد تحت كله سوري عالكلمه شغل تجاري يعني
سيلولايت والخ ف اهما يبون صورتهم تكون حلوه عرفتي فوفو وهمن في وحده درينا انها مسوية
بس مخبية عاللي بياخذها واهله هم يخافون يمكن يحسبون ان هالشيء عيب او بعد الزواج عيالهم
بيطلعون سمان مدري شنو تفكيرهم !!​

كلاامج صح انتي خذيتييه من زااويه ثاانيه صح كلاامج من النااحيه الاجتمااعيه مشكله عندناا بس احناا خذيناهاا من نااحيه المسااعده وانهاا اتعلم بكل صرااحه عشاان اتفييد غيرهاا مشكوووره قلبي لانج وضحتي لنااا

 

[مذهلة 78]

اهي مو سالفه سر انا من الناس اللي خبت بالبدايه وراح اقولج ليش خبيت

اول شي كان في حالتين وفاه وفضطريت اقول حق اهلي اني بسوي المراره وفعلا

كان عندي المراره وكنت تقريبا كل يومين انسدح بمبارك آخذ مسكن ودرب وارجع

البيت ولما رحت حق مستشفى الفروانيه للتكميم قالي الدكتور ان بشيلي المراره

مع العمليه بنفس الوقت يعني ما جذبت انا فعلا شلت المراره وعقب العمليه قتلهم

اني مسويه تكميم وحطيتهم تحت الامر الواقع

السبب الثاني كثره الاسئله كوني وحده مسويتهاا بمحيط ناس ما يعرفون عن

هالعمليه شي تخيلي من عقب شهر خلاص قلت للكل اني مسويه تكميم


تحسين الكل يراقب اكلي !! الكل يقولي صايره جيكره !!! بعدين رفيجاتي بدوا يعطون

ارقامي حق خواتهم للاستفسار !! وهذا غير اللي يحبطونج يعني خلوني اتحسف اني

قلت وطبعا لو بوقف كل واحد عند حده وبتناجر مع كل وحده تسألني جان مافي احد

يكلمني الحين ورب الكعبه بدون مبالغه وللعلم انا بالي وسيع واستقبل كل الاسئله

والانتقادات واجاوب بس في فرق بين الحنه والسؤال انا ما احب الحنه والاسئله

السخيفه مثلا لما تيي تسألج العوار شلون صاير يشبه شنو !!! ولا اشوف بطنج

مترهل ولا لاء يعني شي يغث صراحه وفعلا انا حيل متحسفه اني تكلمت وعلمتهم

وهذا غير ناس ما تدرين عنهم يعني من سنه مو شايفتها بكل وقاحه اطرش مسج

وتقول فيه فلانه شلونج تقدرين تسوينلي واسطه عند دكتورج مال التكميم !!!

هني رديت وقتلها انا مو ممسويه تكميم انا حاطه بالونه بس قاصه عليكم

 

[أبلة فاتن]

^^

نرجس اصدمج صديقتي الصدوقه سوتها وخبت على قريبتها تخيلي كنت طالعه بالصدفه قالت تعالي بشوفج ولمن

تكلمني قالت لا تجيبين طاري العملية جدامها مع ان حييييل معاها قريبتها وعلى طول سوالف وضحك ما تبي تعلمها خير شر

استغربت وانا عادي ولا همني ولا جبت لها طاري كلش قعدت معاهم ضحك وسوالف ومشيت بس جد استغربت !!

 

[أبلة فاتن]

مذهله صح كلامج انا اخذ كل الامور هذي من الناحية الاجتماعية اهم شيء

انا وحده ما اتحمل الكلام الجارح وليش وشحقه وجان سويتي رجيم واااي احباط

بس تجاهليهم واللي يستفسرون بذوق علميهم عادي مو سر !!


الرسول صلى الله عليه وسلم قال : ( أعمالكم بالكتمان )


بنات همن من جم اسبوع بسوي رجيم تمر لبن تعرفونه وحده قامت علي يمتن ويمتن

وانشاءالله تمتنين علشان يطلع كلامي صح صج تحسفت اني قتلها وضيقت خلقي جان اروح

واكل الاكل كله ههههههههههههههههههه ماخليت شيء بخاطري احباااااط ​

 

[مذهلة 78]

انا بالنت قاعده اكتب واحط صور واي شي جديد اسويه و قاعده احط تجربتي واعلم بكل شي بس اذا يتي بتعلمين احد من اهلج اول شي بقولونه

1- كلها عمليات قص ولزق

2- وحده شاريه الدنيا ما تهمها الاخره

3- شدعوه عليها كل هذا ما عندها ثقه بنفسها

وهلم جره والباجي تعرفونه من حش وحجي فاضي فليش اجيب لروحي الاسئله اللي تغث اسكت وخلاص

 

[مذهلة 78]

مذهله صح كلامج انا اخذ كل الامور هذي من الناحية الاجتماعية اهم شيء​

انا وحده ما اتحمل الكلام الجارح وليش وشحقه وجان سويتي رجيم واااي احباط​

بس تجاهليهم واللي يستفسرون بذوق علميهم عادي مو سر !!​

الرسول صلى الله عليه وسلم قال : ( أعمالكم بالكتمان )​

بنات همن من جم اسبوع بسوي رجيم تمر لبن تعرفونه وحده قامت علي يمتن ويمتن​

وانشاءالله تمتنين علشان يطلع كلامي صح صج تحسفت اني قتلها وضيقت خلقي جان اروح​

واكل الاكل كله ههههههههههههههههههه ماخليت شيء بخاطري احباااااط ​

صج احباط يعني اليوم بالدوام ويع صايره تخرعين وينج ايام المتن تهبلين جنج باسكال روحي تفخي خدودج روحي حطي سيليكون مره وحده انفجرت فيهم وقتلهم شكلي عاجبني جذيه ونصايحكم وفروها حق روحكم مع خزه قاتله جان يسكتون