رايكم يهمني الخدامه تبي تلفون والسبب ؟!!

[ليموني]

السلام عليكم ورحمه الله وبركاته

شخباركم شمسوين ان شاءالله بخير:aha:

المهم مابطول عليكم

الموضوع خدامتي وكانت مشتغله قبل بديره ثانيه وبالاربعين عمرها

قالت عندها موبايل بس تبي خط عشان تطمن على زوجها وعيالها بالمسجات

وتقولي كيفج بتتشوفين تلفوني تفتشينه او حتى تاخذينه بالليل واليوم الثاني تعطيني المهم يكون معاها

عشان اي اتصال او رساله توصلها ويرتاح قلبها لانها قبل مشتغله وعادي معاها تلفون

وانا بصراحه ام وحطيت نفسي مكانها فقررت اشتريلها خط وقلتلها مثل ماانتي تحاتين عيالج انا ابيج تخافين على عيالي

وتحرصين عليهم

شرايكم بنات ؟ شنو تنصحوني ترى انا مو ذاك الزود بالخدم
وادعولي الله يعطيني خيرها ويكافيني شرها

ومشكورين :balo:

 

[قانونية]

والله اخذيلها وانتي مغمضه حرام شوفي قلب الام
وحطي نفسج مكانها
بس حسسيها انج تراقبينها
مثلا بليل اخذيه منها مرات و مرات خليه عندها مره ثقه ومره اخذيه
والحافظ ربج

 

[ام محمد..]

بصراحه انا ما احب فكره ان الخدامه يكون معاها تليفون
احس هالتليفون اساس المشاكل والخراب وما رضيت اشتري لخدامتي

هذا رايي وانتي براحتج

 

[أم حمودي**MALL**]

اذا بتاخذينه منها اوكي
بس نصيحه لا تخلينه معاها طول الوقت خاصه بليل
وابتعدي عن تلفون بو كاميره

 

[Creazy]

عادي اختي

انا خدامتي عندها تلفون ما اخذه بالليل ولا شي

بس كنت قايلتلها بشرط ما اسمع صوته يرن ما تتكلم باي وقت يا بالليل او لما اكون مو موجوده

لان ماحب اكون قاعده وخدامتي تسلف بتلفونها

وبصراحه وايد مرتاحه اي شي على طول اتصل احصلها

 

[أسماء]

و الله شوفي عن تجربة ..

أنا جتني خدامة و أول ما جت قالت لي ان معاها موبايل , و أنا غلطتي اني سمحت لها صارت 24 ساعة بمخباتها مع اني متفقه معاها ان وقت الشغل ما اشوفا عندها , و مرة صدتها تتكلم و هي تشتغل و خذيته منها و لا رديته , و اذا تبي تكلم اهلها تجي عندي و انا اعطيها تتكلم و تردة , ,

و بعدها قررت ان ما اعطي اي خدامه موبايل بيدها ..

 

[حجيه هيونه]

رد : رايكم يهمني الخدامه تبي تلفون والسبب ؟!!

انا بصراحه حاطه حق خدامتي تلفون

مو بس اهلها احيان احنا طالعين ونحتاج نكلمها لاي سبب جذي افضل

وانتي والي يريحج

 

[ماسيتي]

والله حبيبتي عاد انا خدامتي عندها تلفون تكلم اهلها منه وانا اذا بغيت شي بغيت اكلم عيالي عندها تلفون وعادي عيني مثل ماقالت اختي فوق الحافظ الله

 

[mafio98]

اخذي لها بس بشروط :eh_s(4): انا سويت حق خدامتي جذي
1- التليفون بس حق اهلج
2-التليفون يكون باسمج او اسم ريلج وبلغيها ان اقدر اطلع برنت باي وقت واذا شفت رقم غريب ينسحب منج
3- التليفون بليل يكون عندج
4- وقت ماتمسكين اليهال ماتردين على احد
5 - الرصيد من معاشج
مابقى شي ماخليته لوووووول :denya:​

 

[MoonDiamond]

والله اذا الله عطاج بالخدامه لو تشتريلها لابتوب خلاص الله عطاج

انا اقول اذا شفتيها خفيفه لا تعطينها واذا راكده عطيها وتوكلي على الله

وطبعا مو تلفون ابو كاميرا

 

[رنيم q8]

انا خدامتي عندها تليفون
بس الخط باسم ريلي

 

[y3sooba]

رد : رايكم يهمني الخدامه تبي تلفون والسبب ؟!!

صراحه الخدم الحين اذا قلتيلها لا سوته من وراج

انا اقولج عطيها .. بس شيكي وياها وصيري صاااارمه واهم واهم شيييييي لا تاخذ التليفون لما بتطلعون بيت اهلج يمعه باي مكان حتى السووق لا تاااااااخذه او انتي اخذييه منها ليما تردون البيت

لان عادي اهم مثل سوق تشوف اي احد من جنسيتها خذت رقمه واهني يبدا الخوف لا يدلون البيت ويسوون شي

والاهم من هذا كلله قولي هالدعاء
اللهم اني اسألك خيره وخير ما جبلته عليه واعوذ بك من شره وشر ما جبلته عليه

 

[بالمشمش]

رد : رايكم يهمني الخدامه تبي تلفون والسبب ؟!!

اذا المره ثقيله وتكانه حطي لها التلفون ويكون باسمج علشان تقدرين تسحبين برنت اذا شكيتي فيها وبشرط ان في الليل يكون عندج

 

[جوري الكويت]

رد : رايكم يهمني الخدامه تبي تلفون والسبب ؟!!

انا ما افضل

بس الصراحه لو نحط نفسنا مكانهم .. هم حرام


يعني انتي لو بتسافرين البحرين و لا دبي يومين

ب تقدين على عيالج عشرين مره

فما بالج اهم اللي يايين من اخر الدنيا و يقعدون بالسنين

انا الصراحه اول شي ما عطيتها بس بعدين من كيفي رحت شريت لها لمن ياني بيبي

انا اشوف السالفه الحين صارت عاديه على الاقل جدامج مو من وراج

 

[اووريو]

رد : رايكم يهمني الخدامه تبي تلفون والسبب ؟!!

انا نفس المشكله

 

[om MaRyooM]

رد : رايكم يهمني الخدامه تبي تلفون والسبب ؟!!

والله انا رظيت بالنسبة حق خدامتي لأن زوجها يكسر خاطري مشلول وعندها بنتين صغار .. شي طبيعي تبي كل يوم تطمن بمسجات ع الاقل

وانتي شوفي طريقة خدامتج اذا محل ثقة ييبي لها بس اشترطي عليها ماياخذ من وقتها وتحطه سايلنت وماتشتغل وتتكلم بنفس الوقت

 

[<<لمار>>]

والله نفس حالتج محتارة اعطبها اولا معنها ماقالت شئ لما قتلها مافى تلفون لكن الحين تحن تقول ريلها يتصل على البيت ومايجمع الظاهر تمهد للتلفون بس انا خابفة كان عندى خدم عندهم تلفون ومابقى احد ماتعرفوة علية وبالاخير انحاشوا

 

[ليموني]

اول شي عيدكم مبارك مشكورين حبايبي

والله يعطينا خيرهم ويكافينا شر الخدم وبتوكل على الله واعطيها

والله كريم

 

[سُوالفي حلوة]

شوفي اذا انتي مرتاحه منها عطيها وبحدود لاكن اذا وحده عينها زايغه طبعا لاااااا

 

[البخت ضايع]

ساااس الخراااب ان الخدامه معاها نقال ...اخذيها مني .. مافي اثقل من خدامتي واحسن منها خليت النقال معاها شستفدت !! اخرتها انحاشت باخر الليل ولا ادري عنها ... كله من بلاوي النقال تكلم فلانه وعلانه ولا ريال .. يلفون مخها ..

طول عمرهم الخدم عايشين علي تلفون البيت .. جت اللحين ع النقال !!!! كلش كلش اذا بتعطينها حطي النقال عندج تكلم منه عندج وترده لج بطرش مسج اطرش عندج ولاجا مسج علميها وانتهينا ... لاتخلينه ابد ابد بايدها