رايكم بنات

[ضوء امل]

مرررحبا...بنات شلونكم مع العطله؟ اكيد مستانسين عسى دوم
بنات ودى اخذ رايكم بشغله مزعجتنى وابى رايكم بصراحه ومن خلال تجاربكم
اذا صارت مشكله بينى وبين زوجى وطبعا اهو الغلطان والحق معاي وحبيت اناقشه وانتفاهم معاه مايعطينى مجال كلش ويقعد يصارخ ويسب ويلعن ويهدنى ويطلع من البيت لا ويسكر جهازه حاولت معاه كذا مره يغير اسلوبه بس ماكو فايده ماشى علي الطريقه عشان احرم النقاش معاه
المهم طبعا انا ازعل واسكت ومااحاجيه انطره يعتذر لى عن الكلام الماسخ والسب اللى قاله
وزوجى نوعيته مايعترف بغلطته كلش بالعكس يرككبنى انا الغلط بس يعتذر بطريقه غير مباشره ويعتبرها اهو بمثابة اعتذار الا وهى <شيسمونه> اهنى يدلعنى ويكون حده حنون ورومانسي واذا حبيت اعاتبه بحنيه علي سبه لى يسكر حلجى ويقولى خلاص كنت امعصب وسكرى الموضوع لا تعكرين مزاجى وخلاص وانخمد الموضوع وطااااف
الحين ابى شوركم لو انتم بمكانى تقبلون الاعتذار بهالطريقه الغير مباشره؟وتسامحينه؟

 

[البندري]

بالنسبة لي على حسب المشكلة أذا كانت صغيرة ما تستاهل أطوفها والأهم من هذا ليما يكون معصب اسكت ولا أناقشه موليه لين يهدأ ويرتاح بعدين أفاتحه بالموضوع بطريقة عقلانية بدون عصبية (معاتبة الحبيبة لحبيبها)

 

[FeShinGoOo]

وايد رياييل جذي لما يبي يضيع السالفه ويتهرب يصرخ ويسوي روحه معصب عشان لحد يحاجيه

 

[فنكيه]

لا انا ما اقبل

 

[عاشقة_الجمال]

اكثر الرياييل جذي

وانتي بهدووء لازم تتفاهمين معاه

قوليله انا ما احب انك تقعد تصارخ وتلعن وتسب

 

[BiiShOoO]

لا ما ارضى

 

[hooryah q8]

رد : رايكم بنات

الي اشوفه ومن مواضيع البنات بالمنتدى اغلب الرياييل جذي
طبيعة اغلبية الرياييل هذي طريقتهم وطبعا ماانقول الكل

 

[ام شووووق]

رد : رايكم بنات

كل واحد وله طريقته بلاعتذار

 

[zaina alotibi]

رد : رايكم بنات

تدرين هذي طريقة اغلب الأزواج بمراضاة زوجاتهم , يعتبرونها طريقة تغني عن كل انواع الكلام

 

[FeShinGoOo]

بالنسبه لطريقة الاعتذار مستحيل اسوي هالشي وانا شايله بقلبي وميته قهر ومستحيل ارضى او اجاريه بالشغله بس اذا السالفه صغيره عادي ارضى واطوف الموضوع

 

[مناير ...!]

رد : رايكم بنات

اغلبهم جذي

 

[honey lust]

اي تقبلينه لان الريال صعب يعتذر
و اعتذاره يكون بهالطريقه
يباا طوووفي

 

[tmtmt]

على حسب الوحده ترضى ولا لا
كل وحده وشخصيتها واسلوبها
وعلى حسب الريال بعد

عن نفسي ما ارضى

بس اذا عودتي ريلج على هالشي صعب تخلينه يغيره
اذا اهوا صعب ان يعتذر وتعةد منج السكوت
خلاص لازم اطوفين

على الاقل عنده طريقه لللاعتذار
احسن من غيره

 

[لمى...]

أنا زوجي أول شهرين كان جذي وبعدين ماقمت أجاريه بطريقة اعتذاره

بس أنا حلاتي اذا ناقش وعصب ورمى كلام أصير زي الطوفة ماأغلط ولا بكلمة ولا أتكلم وأخليه بس اهو اللي

معصب وبعد مايهدا وتخلص عبيته بساعات أكون معاه بااااااااااااردة من ناحية المعاملة مايبين على فيسي ولا شي لامعصبة ولازعلانة

ولا فرحانة ولا أي تعبير وأنفذ كل طلاباته واكله وشربه وملابسه واذا خلصت أقعد على اللابتوب واتجاهله بس بطريقة كأني مو زعلانة

بس ويهي مرتاح وابتسم اذا في شي بالـtv مضحك أو باللابتوب واذا تكلم معاي أرد عليه عادي على حسب سؤاله أو كلامه بصوت هادي

وأنا ما أبدأ أي موضوع .................... والله يابنات هاذي طريقتي .........ماأشوفه الا ياخذ وي وألقاه يتحرش فيني وياخذ اللابتوب مني أو يحاول

يوف شنو داشة أو يحط ايده عراسي وبعدين يحظني ويعتذر وأبد أ أنا أعاتبه على خفيف ويوعدني ان شاء الله انها ماتتكرر وأنا أعطيه محاظرة

طويلة عريضة انو أن شلون محترمته ومثل مانا محترمتك انت احترمني وماخلي شي بقلبي .............

والحمدلله وماشاء الله مشت أمورنا............