رايكم بنات يهمني

[سنو - وايت]

السلام عليكم شلونكم بنات انا رحت موعدي اليوم وقالتلي دكتورتي ان الرحم مفتوح 1 سانتي واذا ماولدت قبل موععد ولادتي راح تسويلي دخول مستشفى وتولدني اجباري يعني طلق صناعي تقول لاني مجهضة مرتين فعشان جذي لازم اولد قبل موعدي شرايكم بنات فيدوني اخذ صناعي ولا؟ وشنو يساعد على الولادة؟ ومشكورين

 

[حرم_الغلا]

الله يهون عليج؟!
دكتورتج أدرا بحاالتج!؟

وإن شاءالله تولدين بالسلامه

 

[cramela]

حبيبي والله انا من تجربتي اذا انتي بخاص روحي مستشفي الولاده واهمه اخبر علي الاقل ما يبون فلوس ويبهذلونج فتح بطن وسوالف واذا تعسرتي لا سمح الله يحطونج باسعاف ويودونج الولاده اذا تخافين علي ولدج اكيد الولاده انا بعيالي الثلاثه اسم الله عليهم هناك صج مو كشخه والمستشفي يلوع الجبد بس الدكاتره زينيين والعنايه غييييييييير والله يسهل عليج يا قلبي ويقومج بالسلامه ياروحي

 

[Ahwk]

ماادري عن دكتورتج بس اكيد اذا خلصتي شهرج لازم تولدين طلق صناعي واذا انتي ماخلصتي شهرج ولا فيج طلق ولا ينزل منج ماي او دم ليش تروحين انا بجري خلصت شهري ورحت الصباح والله ردوني البيت قالي الدكتور نطري اسبوع بعد وبعدين نولدج طلق صناعي
بس الحمد لله اناطلعت من الصباح من الباجريه نزل مني ماي بس الصراحه خفت اروح الصباح لاني تنومت عندهم ماحبيت المكان ولا السسترات والسهاله من الله مو منهم اذا مافيج شي نصيحه لاتروحين نطري الولاده لين تييج والله يسهل عليج يارب وعلينا

 

[ام الشوامس]

امشي و اكلي عجوه عالريج
ماادري عن حالتج بس روحي الحكومه واذا أكدو كلام دكتورج اطمني زياده

و التساهيل من الله*

 

[سوسن1980]

حاولي تمشين بس مو اكثر من ساعه باليوم وملعقة عسل ع الريق وكثري رطب والله يهون عليك

 

[أم عزيـز]

امشي على رمل البحر وشربي حلبه وحليب زعفران واكلي تمر

ولا تروحين يولدونج دامج ماخلصتي شهرج


انا قبل عيالي اجهضت مرتين وبعدين حملت وخلصت التاسع وفوقه ١٠ ايام وما ولدت هني دخلوني طلق صناعي لان البيبي حجمه قام يكبر وخافوا ما اقدر اولده طبيعي بس الحمدالله ولدت بنتي طبيعي بس بطلق صناعي

 

[ام اغلى الناس]

اكلي رطب كل يوم
يفتح ويسهل الولاده

 

[ام الحلوااات]

اكـــــــــلــــي رطــــــب وشـــــــــــربـــــي كــــــوبــــيــــن دااارســـيـــــــن بـــاالـــيــــوم يـــحـــمــــي طــلـــقــــج
اللــــــــــــه يـــــهـــــــــــوووون عــــلــــيـــــج ويـــقـــــومــــــج بــــاالــــســــلامــــه انـــتـــي والـــبــيــبـــي​

 

[سنو - وايت]

مشكورين عالردود اللي تريح النفس حبيباتي

 

[ghadeeeer]

الله يسهل عليج حبيبتي آنا ولدت خامس يوم بالتاسع لأن الحبل السري التف عالبيبي وعطوني صناعي وصج والله العظيم لما طلع شفت الحبل السري شلون لاف على رقبته والله يعافي إبرة الظهر