رايكم بالإنفوي؟

[miss_7_up]

السلام عليكم


شلونكم بنات؟


بغيت رايكم بالإنفوي زين يصلح حق بنت آنه توني اسوق و مقترحينه علي شرايكم فيه؟

 

[جنتي نوف]

انا سيارتي انفوي ..بس 2004 عيبها مافيها ضد الإنزلاق ,,بس اسواقتها مريحه وماشاء الله
ترا سيارات الجمس تكد ..شوفي الجمس الجديد اكاديا نزل بعد انفوي ..شكلها احلا
ومواصفاتها ممتازه..انا ناويه اشتريها..والجمس من السيارات القويه ومريحه ..واللون العنابي اهو اللون اللي يلبق عليها

 

[بمبة المفترسة]

صراحة اشووفها ضخمة حيل لبنت
اخووي عنده انفووي ركبتها احس اني ضايعة
مو حلوة حق بنات
اشتري لج من هالجيبات الصغار البناتي

 

[miss_7_up]

آنه اللي مو عاجبني فيه حجمه احسه وايد كبير عالبنت مثل ما قلتي اختي بمبة

 

[Om_Ksha]

الانفوي ماحبه احسه قديم صار .. و طلعت وايد اشياء يديده اشكالها حلوه و اسعارها زينه .. مثل اكاديا حلو .. و احب سياره اسمه ترافيس من شفرولييه واايد حلوه و بناتيه

 

[خلود للابد]

حبيبتي الانفوي حماتي قبل شهر كانت تبي تشتريه قالو مافي 2010 الا مستعمل ويوم راحت المستعمل ما لقت
الظاهر ان وافي مديل السنه بس انا انصحج بالاكاديا وااااايد حلوه وبناااااتيه بس انصحج باللون الابيض داخليه حمروه نفس حماتي الكبيره
ماتخسرين

 

[اميره1980]

اختى سيارتها انفوي ووايد تشتكي منها
كل شوي طالع فيها خراب بس اهيه موديل 2005

رفيجتى هم شرتها من اول يوم طلعتها من الوكالة السيارة خربانة و ثقيلة حيل بالسواقة و كانت السيارة تحذف يسار و طلع عيب من المصنع

بس انا انصحج دامه توج مطلعه ليسن اخذي سيارة صالون او جيب يكون اصغر من الانفوي

 

[جنتي نوف]

نسيت اقولج شغله
مدام توج ماخذه ليسن خليج ع الصالون احسن..ترا الجيب فيه خطوره اكثر من الصالونات
وشوفيلج لكزس عودي عجيييييييييب