رايكم بأحسن عدسات وأحسن مرطب للبشرة... محتاجة مساعتكم.. :)

[Yostina]

السلام عليكم بنات

بغيت أشتري عدسات طبية عسلية Hazel أبي آخذ رايكم بأحسن ماركة...

جربت Freshlook حلوة العسلية بس شوي تبين مو طبيعية و حيل متعبة تسوي ضبااااب...
وآنا أبيها تكون مريحة وما تسوي ضباب.. ولونها يكون مبينن عسلي بس طبيعي أكثر..

ماركة Adore حلوة ومريحة برايي بس لونها كان غامج ما يبين كلشلون عيوني بني غامج حيل جنه أسود..
أبي تجاربكم...

وهم فكرت اذا كلش ما لقيت عسلي حلو اشوف اخضر.. فاللي عندها فكرة يا ليت تقولي.. تحط موقع أو صورة أي شي يساعد..

سؤال ثاني.. أبي كريم مرطب للبشرة قبل المكياج... أنا بشرتي دهنية فأبي اللي ما يدهنها..
حاليا أستخدم fair and lovely بصراحة ما شفت أحسن منه ليلحين بس ومنكم نستفيد انشالله...

يعطيكم العافية

 

[جنزبيلا]

رد : رايكم بأحسن عدسات وأحسن مرطب للبشرة... محتاجة مساعتكم..

انا بعد ابي مرطب وبشتري دهنيه
ان شالله البنات يردون علينا


العدسات استعمل فرشلوك

 

[كيـف أسيـبكـ]

رد : رايكم بأحسن عدسات وأحسن مرطب للبشرة... محتاجة مساعتكم..

عدساااااااااات بيلا وبدون منازع ومثل اللون اللي تبين الكل يسألني عنها والله



للاسف بشرتي جافه مااقدر انفعج

 

[miss angel]

رد : رايكم بأحسن عدسات وأحسن مرطب للبشرة... محتاجة مساعتكم..

عدسات انصحج بـ بيلا حلوة اللون العسلي الفاتح والغامج ومريحه

ومرطب استي لودر اينن قبل الميك اب اخذي الي حق البشره الدهنية

 

[ACK.Engineer]

رد : رايكم بأحسن عدسات وأحسن مرطب للبشرة... محتاجة مساعتكم..

بالعكس فريش لوك تينن

انا صارلي تقريبا 4 سنين استخدمهم لاني البس عدسات طبية

وايد حلوة ومريحة ما تحسين فيها ،، الضباب بس اول شي يكون لان لازم لما تطلعينها من علبتها تحطينها بمحلول يديد غير اللي كان بالعلبة ونظفيها عدل

وبالنسبة لـ لونها صح العسلي ما يبين طبيعي .. اخذلي العسلي درجة ثانية اللي اهو البندقي وايد حلو وطبيعي

انا استخدمت جونسون حدهم يأذون وما حبيتهم ،، واستخدمت توتي ملوت حليمة حدهم ويع يبين حيل انها عدسة وتحديدها خايس وتغزز الجفن

وهم جربت بيلا ملوت زينب العسكري نفس الشي فيهم تحديد مو حلو والوانهم كلش مو طبيعية ووايد تتحرك بالعين

فأكثر وحدة ارتحت عليها حيل فريش لوك وما قمت اغيرها

وترى كله يعتمد على تنظيفج وعنايتج بالعدسة

وبالنسبة للمرطب انا استخدم حق الجسم فازلين بزبدة الككاو حده اينن وترطيبه وايد حلو
وحق الويه دوف وايد حلو تتشربه البشرة وخفيف

 

[ملــحْ !]

رد : رايكم بأحسن عدسات وأحسن مرطب للبشرة... محتاجة مساعتكم..

حسسسسسسسسسسسسسسسسآفه كتبت رد شططوووله وآنمسح



عن العدسآآت


نظآرآت ميآآمي .. بمجمع منيره بحوووش السآلميه .

عندهم عدسآآت تكبر العيييييييييييييييين تهبببببببببببل وحدهآآ مريحه ..
وآذآ مىلج خلق ع رووحه ىخذي رقمهم من البدآله ويوصلووونج العدسآت للبيت ببلآش


وفي نظآرآت الخآلديه بالفروآنيه ..
عندهم عدسآت تهيل رووحي وسآليه عن آي شي ويقووولج > خبررره ..



دعوووووووووووووآتج

 

[بنت السلطآإآن]

المرطب شوفي كلنك الاخضر وشوفي استي لودر هذول بنظري احلى شي

والعدسات ماعندي فكره ماعرف فيهم لاني اخاف البسهم لووووول سألي قطاوي هي خبره بهالشغلات مشالله

 

[Yostina]

ثاااااااااااااااانكس بنات ما قصرتوااا و الله يوفقكم كلكم يااا رب

 

[شواقة حبيبها]

صح الفريش لوك اول كانت زينه بس الحين وااايد تطلع ضباب بالعين

انا استخدم سنووايت مالت حصه اللوغاني عجييييييييييييبه عدساتها بس ما عندها عسلي
عندها كل الالوان والعدسات مريحه بللبس

 

[شوشو العنزي]

احسن عدسات بيلا وفريش لوك جربي جونسون يقولون خفيفه وطبيه بنفس الوقت