رايكم اجيب خدامه والا لا؟؟

[حلوه & دلوعه]

السلام عليكم


انا محتاره وابيكم تشورون علي

خدامتي لها عندي 3سنين ونص

ولها فتره تحن علي تبي تسافر ودايم زعلانه ولاقلت لزوجي سفرها راح سألها قالت لا عادي

انا ماابي اسافر

ويقعد يهاوش يقول انتي اللي ماتبينها وانا ماراح اجيب لج خدامه

وهي زينه للبيت وللعيال بس فيها شغلات تعل القلب

والحين غثتني ماعاد اتحملها لاناديتها والا سألتها ردت علي بصوت عالي

ومن باجر بقلعها عني

بس شرايكم اجيب خدامه والا مو لازم

مع العلم ان عندي ولد عمره 3سنين ونص وبنت بتكمل سنه هالشهر

اقدر اصبر بدون خدامه والا لا ؟؟

انا من زمان افكر مااجيب خدامه لاكبرت بنتي واشتري غسالة صحون وغسالة ملابس اتوماتيك

وولدي بدخله حضانه..

وانا مااطلع كثير يعني بس يوم الخميس اروح لحمولتي

شورو علي

اخاف اشري الغسالات واتخسر ومااصبر ..........

ردو علي عشان اقول لزوجي لارد يقلعها

 

[ساندريلا]

اذ انتي ربت منزل عادي
بس اذا تشتغلين صعبه اسال مجرب ولاتسال طبيب انا الحين قاعده بدون خدامه وماني قادره الحق كافي كواي الملابس لوووعه واليهال يوصخون لبسهم على طول يعني على طول غسيل وكوي وتنظيف وترتيب ماعندي وقت حتى اني تفرغ حق نفسي وريلي حياتي كلها تنظيف ويهال ودوام وانا حامل والله انهد حيلي

 

[<<لمار>>]

اذا قادرة تتحملين شغل البيت والعيال لاتيبين شلج فيهم وبمشاكلهم

 

[لؤلؤية]

رد : رايكم اجيب خدامه والا لا؟؟

لا ياقلبي
صدقيني بتتعبين
لا تضغطين على نفسسسج...
وارتاحي...وخليها للغسيل والكوي و...وطلعة الزبالة مكرم السامع...
وانتي جابلي ريلج وعيالج...
بس
جيبي خدامة غير اللي عندج...لانهم اذا طولوا يصيروون يعلون القلب

 

[Geisha]

حبيبتي سفريها شتبين فيها !! .. انتي اذا ربت منزل جربي بدون خادمة واذا لا تحتاجين ياقلبي

 

[العاطفية]

حبيبتي انا مريت بنفس موقفج وكنت متخوفة اني اقعد بدون خدامة بس ترى عندي بيبي واحد عمره سنة ماشالله حده عبثي ويوصخ بس والله اتخذت قرار بعد ما مت من مشاكل الخدم و رحت شريت غسالة ملابس فووول اوتوماتك وغسالة مواعين بس نوعيات ممتازة واوتي بخار وقلت حشى ماتدخل خدامة بيتي وانا بصحتي وصارلي الحين سنة بدون خدامة والله تعب جسدي وراحة نفسية عمري بحياتي من تزوجت ماحسيت بهالراحة بيتي مملكتي الخاصة ماعندي شريجة تشاركني ببيتي وولدي وزوجي واكلي ونومي والله قمة السعادة بدون خدامة بس ها...اذا تتحملين التعب قلعيها واذا تحبين الراحة لا يبه خلج عليها او يبي غيرها وانتي وظرفج اي ونسيت شغلة بعد لازم يكون زوجج متقبل عدم وجود الخدامة يعني مو يوصخ ويزيد التعب عليج عالاقل يقط الزبالة انتي بكرامة وبس

 

[حلوه & دلوعه]

مشكورات على الردود حبايبي

والحين الحمدلله اقتنع زوجي وقدم على خدامه وارتحت