رايحين دبي ومعانا يهال وين تنصحونا نوديهم ؟

[دغبووجه]

السسسسلام عليكم


بعد حكرة الامتحانات قررنا نودي اليهال لدبي طبعا انا ولا مره سافرت مع اليهال فما عندي اي فكره

وين اوديهم او الاماكن الترفيهيه هناك


فأبي منكم خدمه الله يعافيكم

ابي تنصحووني من سكن الفندق لين نرجع بخير وسلامه


_اول شي مدة الرحله اسبوع ونبي بهالاسبوع يشبعون وناسه

_ تنصحونا بأي فندق تكون اسعاره مناسبه لعايله

_ الاماكن الترفيهيه البارده .... سمعت عندهم مدينه مغطيه وبارده و وايد عوده

_ اممممممممم شنو بعد نسيت :dddds:


زبدة الحجي نبيها سفره مزحووومه نردهم للبيت يقولون خلاااااااااص استانسنا عشان اقدر

اسافر بروحي عقب ماانيبهم ومالهم حجه :ggdw:



انطر نصايحكم :tek:

 

[ArEEj]

بالنسبة للسكن انصحج بالسكن بشقق فندقيه
ما ادرى انتى بتروحين طياره ولا سياره
لكن اذا رحتى بالسياره روحى شارع الرقه والمرقبات مترووووس شقق فندقيه
بس الله يعينج على الميزانيه الاسعار نار
اذكر قبل سنتين رحت بالصيف سعر الشقه من 600 - 800 بالليله الواحده
بالنسبة للاطفال متروس اماكن على خبرى
ولو تبحثين بالمنتدى اكثر بتلقين مواضيع عن دبي
عندج السكاي بالامارات مول
وندرلاند مدينة مائيه بالجميرا
طبعا كل مول فيه مدينة العاب
هذا اللى اذكره حاليا وان شاء الله البنات ما يقصرون

 

[ام عبدالرحمن]

قوه حبيبتي.....اذا تبون تستانسون صج روحوا الجميرا بيج_03BA: و حجزوا مع الكلاب اهو يكون عرض الغرفه مع الكلاب :يعني نادي الاطفال مع الوجبه صج فظيع.:stars:.مع الفطور حتى البوفيه مو طبيعي ما تحتاجون اتغدون بعدين لانكم راح تكونون طافحين:botetoo: ...و بعد العرض مع دخول المدينه المائيه:dfgl: صج وناسه و روعه صج غالي بس والله سعره فيه و اليهال راح يستانسون

 

[تمر حنا]

السكن انصحج بشقق فندقيه اسمه ستار بوتيك.. يطل عالخور وموقعه حلو وقريب عند ستي سنتر وبالنسبه للالعاب مجمع الامارات مول فيه سكي دبي مدينة ثلج.. وبنفس المجمع فوق صالة العاب تونس حتى حق الكبار ومجمع ابن بطوطه حلو لليهال ومدينة مدهش..

 

[منوتي]

أحلى مكان تسكنين فيه مع اليهال هو جميرة بيتش... حمامات السباحة...و عندهم الكيدز كلوب يونس ...عندهم غرفة للبلي ستيشن و كمبيوتر جيمز لليهال....والمدينة المائية الوايلد وادي تدخلونها ببلاش دام انكم ساكنين في الجميرة....الأماكن الترفيهية..... عندكم الامارات مول عندهم سينامات تونس... الطابق الأخير كله ألعاب (اركيد جيمز) لليهال....سكي دبي للتزلج..و ساعات في نص المجمع يسوون فيه شو ببلاش للأطفال... مثل مرة احنا صادفنا شو البطاريق و اليهال وايد استانسوا عليه....هذا كله في الامارات مول.

فيه قهوة تونس لليهال اسمها chill out في مجمع نسيت اسمه....هي عبارة عن مكان كله من ثلج يعني الأرض و الطوف من ثلج... الكراسي من ثلج...الطاولات من ثلج.... الجلاصات اللي يجيبون فيها طلبكم من ثلج....و تدخلونها بملابس الثلج اللي تدفي هم يعطونكمياها....يعني تجربة جديدة حلوة انكم تشوفونها

فيه رحلات سفاري مثل الطحوس سإلوا عنها الكونسيرج في الفندق (هذا يعتمد على عمر اليهال).

فيه سوق مدينة جميرة عندهم مسرح يسوون فيه مسرحيات حلوة لليهال

عموما من تجربتي اليهال بيهبون بالسباحة و الامارات مول (سكي دبي+الألعاب اللي بالطابق الأخير) و بنفس الوقت انتي راح تستمتعين بالتسوق فيه.

هذا اللي يحضرني الحين.... و اذا عندك اي استفسار حاضرين يا اختي العزيزة

 

[بنفسجية]

حبيبتي
في مجمع اسمه تايم سكوير سنتر
داخلة في قهوة اسمها
Chill Out
اهيا كلها مصنوعة من ثلج
الكراسي الطاولات ، القلاصات .. كل شي
و لما بتدشين يعطونج لبس خاص .
صج انها شوي صغيرة
بس فكرتها غريبة !​