رايحه دبي دار الحي .. فيدوني فديتكم ♡♡

[راقيه وجذابه]

صبااااااحكم ورد حبيباتي

بنااااات ابيكم تفيدوني كويتيات واماراتيات ♡♡

انا مسافره دبي اخر الشهر ان شاءالله

تعمدت اروح لمن تبدأ الدراسه ومايكون وقت مناسبات

احب الهدوووء

المهم ...

انا ناويه احجز ب اتلانتس 5 ايام احس كافيه ومناسبه ﻻن سفره عائليه وشوبنقيه هههههه >> ﻻزم فسفسه ^_^

ف ابيكم تفيدوني ..

احﻻ اماكن ب دبي

وين اروح

ابي احﻻ اسواق هناك

شنو تنصحوني اشتري من هناك يكون مميز وحلو

ابيكم تفيدوني ﻵن اول مره اروح دبي ♡♡

وشكرآ مقدمآ حبيباتي ..

 

[وايت اند بلاك]

اتلانتس خمسة ايام واجد
المكان بعيد عن المولات
روحي يوم وبعدين اسكني في فنادق قريبة من المولات
عندج فندق توه جديد اسمه اوبروي قريب من دبي وفخم ونظيف وسوي سرجيت عليه في النت وعندج فندق الميدان هم فخم وقريب من دبي مول
الاماكن روحي مردف سيتي سنتر
والجي ار
والسينما لا تطوفج بعد في دبي مول

 

[عرموشة]

هلا قلبي اسكني بجراند الإمارات فندق روعه وقريب كلش من المترو لأني المترو راح يفيدكم حيل بالمواصلات وطبعا اهم مول عندهم ...دبي مول عجيب شويه عليه وانا بصراحه ما حبيت الإمارات مول لانه زحمه بشكل مو طبيعي طبعا اذا تبين خلطات روحي سوق نايف مثل المباركيه للدراعات الباردة والخلطات واهم شي واهم شي واهم شي أن جنطه السفر ما تزيد عن ٣٠ كيلو لان اذا زاد يخلونج تشترين جنطه من مطار دبي وتقسمين اغراضج بالجنطتيين وهذا اهم شي لاحظته وتروحين وترجعين بالسلامة

 

[حنانك سر حبي]

انا حجزت يوم باتلانتس اتم فيها ما اطلع منها
وبعدين باقي الايام حجزت ابفندق داخله مول للتسوق والفراره

اما خمس ايام وايد وبعيد الا اذا بتاجرون سياره للروحات والرده ولكم خلق الطريج الطويل هذا شي ثاني

 

[فوزيه الراسي]

اب

اب

 

[مآيكبرني نك]

حيآج الله بتنورين دبي

 

[الـكـاديـي]

موفقه خيتو