رايحه حفله بعد يومين وعارفه ان وحده بالحفله بتلبس مثلي

[t@mtoom@h]

هلاا كويتيااااااات
شلوووووووونكم عساااااااكم بخير ان شاءالله؟

اان رايحه حفله خطووبه بعد يومين وسمعت من حرمه ان اخت المخطوبه بتلبس لبس من نفس المحل اللي شريت منه لا وبعد وصفته لامي وقالت لونه اسووود ووصفت شكله شلون
وتخيلوا طللللع نفس الفستان اللي انا مجهزته وشريت له اكسسوارات وجوتي وانتوا بكرامه وكل شي !!!!!!!!!!!!!!


شسوي بالله عليكم
انا ما ابي اغيرررره لانه غااااااااااااااااااااالي وحلوووووووو مره مره يعني
بس مدري شبيكون رده فعلها البنت لان اعرفها شوي مغروره اهي ومدري شبيكون رده فعل الناس

وعلموني شلون اكووون مغروره على العالم اللي بتسألني انتي لابسه مثلها !!!!!:23_asmilies-com:

 

[بطاطا]

عادي حبووووبة لبسيه

انتوا نفس النفنوف صح

لكن كل وحدة و شخصيتها

و كل وحدة و طريقتها و جسمها و طريقتها بالكشخة

بالنسبة لي عادي ارووووووووووح

 

[Miss Demi]

رد : رايحه حفله بعد يومين وعارفه ان وحده بالحفله بتلبس مثلي

عااادي حبيبتي ليش مكبره السالفه بس على فكر جسم عن جسم حيييل يفرق و هاذا بعد الاكسسوارات الي
انتي لابسته و الكعب و الجنطه اكييد راح يكوون غير عنها و انتي خلييج واثقه من نفسج و عاادي اذا شفتيها لابسه نفسج عادي طالعيها و ابتسمي ...

اتمنى اني فدتج بكملامي

 

[Little_Queen]

عااااادي حبيبتي تميزي انتي باكسسواراتج و جسمج غير و مالج شغل فيها اذا اهي مغروره صيري انتي ام الغرور لوووووول

لا يا حبيبتي التسريحه تغير و لون البشره و المشيه و الجسم كل هذا غير

شوفي عروض الازياء نفانيفهم بالعرض شي
ولما تلبسهم مطربه ولا ممثله شي ثاني


و اللي بيقولج انتي لابسه مثلها .. أستعبطي قولي : لا اهي لابسه مثلي

عادي حبيبتي عادي كشخي و استانسي مالج شغل خو ماكو بهالبلد الا هالولد ! وارد يعني الوحده تلبس نفنوف تلاقي بالعرس وحده لابسه مثلها

 

[ماعاد فيني]

بالعكس عادي

وعاد كل وحده وفناتقها

شنو تضيف للنفنوف

 

[bitter-sweetness]

اي صح حبوبه اذا كلش كلش حاولي تغيريين بشكل النفنوف شوي
يعني حطي كرستال خرز اي شي

 

[الصعيريه]

رد : رايحه حفله بعد يومين وعارفه ان وحده بالحفله بتلبس مثلي

شكووو لبسيييه
ومغرووره على نفسهاا موعلييج

 

[الإسراء]

عادي حبيبتي بالعكس لبسيه وبثقة بعد ..
كل وحدة لها ستايلها في اللبس .. والميك آب وتسريحة الشعر والجوتي الكعب .. كله راح يغير البدلة ويمكن تطلعين أحلى منها ..

 

[no0of]

بــس بـجذي بتظـن انكـم رحتـوآ وشريتـوآ نفس الفستآآن لأنها قايـله لامج ..

البسـي سكارف ترتر ذهبي ولا احمـر ولا فضي ولا اي شي يكون لون ثـآني بحـيث انه ما يبين بعـدين الاسـود ترى دآيم مايبين الموديل فييه

فاتـوقع محـد راح ينتبه اهم شي المكيـآج والتسـريحه والأجسام تختلف والأشكـآل .

 

[LuLiTa]

حبيبتي غرورها على نفسها مو عليج ,,,
و بيني انه هالشي مو هامج ,,, لبسي و كشخي و افضل اتخلين شعرج مبطل و رقصي و تدلعي و ارتزي بين النااس ,,,

 

[t@mtoom@h]

تسلموووون على النصايح بس المشكله ان الفستان ما ينضاف له شي لانه من فوق مطرز وكذااا
ان شاء الله انا اطلع احلى هههههههههههه بس تصدقون ثنتينا نتشااااابه بقوووووووه الناس تقول هههههه لا وبعد نفس الضعافه ههههههههه بس هيا امتن بشوي

 

[ريموه]

اووووووووووووووه يااما صااارت

عادي جدا انتي دافعه فيه وحابته حرام مابنلبس

 

[LuLiTa]

حبيبتي غرورها على نفسها مو عليج ,,,
و بيني انه هالشي مو هامج ,,, لبسي و كشخي و افضل اتخلين شعرج مبطل و رقصي و تدلعي و ارتزي بين النااس ,,,

 

[^حلاوه^]

تصدقيني ترى النفنوف من جسم ليه جسم يفرق وانتي اكيييد الاكسسوارت والشوز والتسريحه بتطلع غير عنهااا


بالعكس لاتتحسفين ولاتضايقين لبسي وكشخي واستانسي

 

[t@mtoom@h]

تسلمووووون حبوباتي
بس تصدقون ما باسوي تسريحه باخليه مبطل يمكن اصير انعم واحلى
لانها هي اخت العروس فأكيد تسرييييييحه ومكياج قوي وكذا فأنا ابي اكون نااعمه ومكياجي ناعم وان شاء الله الناس يعجبهم لوكي وما يدوخوا راسي ويقولولي يووووووه لابسه مثلها ومن هالكلام اللي ما له داعي

 

[đeɱɛɼɑ™]

انا بختلف شوي عن البنات
اهي اخت العروس وتبي تتميز
راح تنصدم لما تشوفج لابسة مثلها ... حرام تكسرين بـ خاطرها جذي :/
اخذي السالفة على حسن نية و لا تفكرين بسوالف غرور وما غرور واحلى منها ومن هالحجي
حطي نفسج مكانها وفكري بالموضوع

و عسى ربي يتمم على اختها
وعقبالج وعقبالهآ

،

 

[pretty sarona]

اللي يقولج لابسه مثلها قولي اهي اللي لابسه مثلي ,, بعدين الغالب قالب ,, يختلف الفستان من جسم ليي جسم

 

[" غـادهـ "]

رد : رايحه حفله بعد يومين وعارفه ان وحده بالحفله بتلبس مثلي

حبيبتي أخذيها قاعده اللبس على لابسه ..

عادي خلي عندج ثقه أن طلتج غييييييييييييييير بكل حالاتج .!

 

[أشبـاهـ المطـر]

والله مــادري شقولج بس انا مو ذاك الزود مع الشكليات
بس بما انها اخت العروس ماادري اذا تقدرين بدليه وان شااء الله
تكونين توووب الخطوبه

 

[S.O.S]

دام انتي شاريته غالي وما كنتي تدرين خلاص البسيه وعليج بالعافيه

وكل وحده راح يطلع عليها اللبس غير .. لان البس على لباسه

واستانسي بالعرس وما عليج من احد
والله يتمم عليهم فرحتهم ان شاء الله