راس ولدي .........

[أم وهابي (عبير)]

السلام عليكم


حبيباتي ابي مساعدتكم

ولدي عمره 3 اشهر الحين
وراسه صاير عوي من صوب لان ينام بصوب واااحد فصار عوي

شلون ارده عادي ؟؟؟

ومشكورين

 

[ZajiL]

قلبي الصوب الثاني
ولاتخلينه ينام جهه وحده كل ساه غيري اتجاه راسه عشان يصير متساوي مو طوالي
وخليه احسن ينام على ظهره عشان راسه يصير مدور

 

[kooka83]

مثل ماقالت زاجل واهوة نايم لفيه الصوب الثاني وراح يتعدل لاتخافين
والافضل تستعملين المخده المحفورة الي بالنص
وراس الياهل لين راح يتعدل بسرعه

 

[إحساسي مرهف]

حبيبتي نيميه على الصوب الثاني ليما تشوفينه تعدل راسه
بعدين نيميه مره يمين ومره يسار لا تخلينه على طول على جنب واحد

 

[*ماي الورد*]

نفس الحالة و الله عيزت و انا افر راسه ما يرتاح الا على هالصوب

 

[صفاءء]

لمن تلفين راسه على الصوب الثاني حطي وراه كوشه او مخده عشان لا يقلب بس ديري بالج لا يرد على ويهه ينام على خشمه ي

بس اكيد سوي هالشي حط وارء كوشه وله مخده عشان لا يقلب مسوين هالحركه احنه في عيالنه لووووووول ربي يحفظه

 

[بـاسي قــوي]

رد : راس ولدي .........

عادي حبيبتي يكبر شوي يتعدل بعده راسه لين ماصار صلب

 

[الحلا و الزين كله]

عندنا مره كبيره دايما تنصحنا نسوي مخده الجاهل وتحشينها عيش حب..تقول تعدل الراس.. لفي راسه عالصوب الثاني

 

[سموره 87]

انا بنتي كله انومها على ظهرها من الاربعين الحين لوتشوفين راسها صاير سيده من وره يضحك بس الشعر مغطيه الحين مومبين
حاولي تنومينا على الينب احسن

 

[ام اغلى الناس]

انا ولدي اسم الله عليه للحين مو مضبوط شكل راسه
بس الحمدلله احسن من الاول
وحده قالت لي ولدها تعدل بعد ثمن اشهر
انا حطيت له مخده سنتر بوينت و نومته عالجنب الثاني بس ماكو فايده
هو يتعدل من نفسه ان شاء الله

 

[قلبي تركواز]

انا لأن بنتي تحب تنام على صوب واحد يعني لازم تقابلني وهي نايمة كنت مرة احط راسها شمال بس مقابلتني ومرة راسها جنوب لأنها اذا قامت وما لقتني جامها راح تفر نفسها بس الحمد لله الحين ولا كن فيها شي

 

[طال السكوت]

رد : رد: راس ولدي .........

لمن تلفين راسه على الصوب الثاني حطي وراه كوشه او مخده عشان لا يقلب بس ديري بالج لا يرد على ويهه ينام على خشمه ي

بس اكيد سوي هالشي حط وارء كوشه وله مخده عشان لا يقلب مسوين هالحركه احنه في عيالنه لووووووول ربي يحفظه

صااااجة

واهم شي المخده اللى محشية ومحفوورة تلقينها بالاسواق الشعبية وعلى ضفدع او ارنوب او سيارة واشكالهم حلوين

بس لا تهملينه عشان لا يصير راس جذية طول العمر

حاليا راسه لين وتقدرين تشكلينه وتعدلين هالغلطة

عموما حبيبتى احنا ماكنا نعرف اى شي لو ما ان امهاتنا يدققون بالهاسالفه

وعسى الله يرحم امج وابوج ويجمعج معاهم بجنات النعيم