راس ولدي في صعروره من الشفط

[حبيبة عز]

السلام عليكم

شلونكم بنات

بنات أنا وايد متضايقه لأن راس ولدي صار في صعروره من الشفط

أنا ولدت قبل 3 شهور ونص

لأن طلقي صناعي اضطروا يطلعون ولدي شفط

وقالولي راسه بيتعدل بعد أسبوعين من الولادة وناس قالت بعد الأربعين

وناس قالت بعد 6 شهور

وموراضي يتعدل راسه ولا راضيه تصغر الصعروره

أول ماولدته كانت الصعروره لينه وكبيره

صارت تصغر شوي شوي وصارت يابسه ووقفت ماصارات تصغر

سويتله أشعه طلعت الجمجمه مافيها شي وهالصعروره عبارة عن دم متجمع فوق الجمجمه

ويقولون راح تروح بس قولوا ان شالله

بنات أنا مو عارفه شسوي وشلون أتصرف

انصحوني عفيه

خايفه انها ماتروح

اهي شكلها مو حيل مأثر .. بس حتى حلاقة ماقدر أحلق ولدي خايفه أنها تبين

ومشكورين

 

[adore.life]

ما عندي فكره
ان شاء الله تروؤح
اب
اب

 

[&هند&]

عادي تروح ما عليج كل عيال عايلتنا فيهم جذي وتروح مع الوقت اهم شي انج تطمنتي انها تجمع دموي الحمدلله ،،،

 

[جـــواهر]

صارت بولدي شفطووووه جمعو الاوعية الدمويه براسه
ولان قعد عندهم بالحضانه 10 ايام كانو يلبسونه لفه ع راسه
تضغط ع الصعروره وخفت ولمن طلع سويت نفسهم
انومه ع الصعروره عشان تنزل واحط عليها لفه

والحمدلله راحت بس طووولت


من رايي تصبرين عليه

 

[روح الأحزان]

تروح الصعرورة ان شاء الله مع الايام

 

[يارب احفظ عيالي]

لاتحاتين حبيبتي بتروح ان شاء الله

 

[worood82]

في جل يمباع في الصيدليه ما اعرف اسمه لون العلبه اخضر وابيض انتي قولي حق الصيدلاني وراح يعرفه اكيد ونومي الولد على المخده الي فيها حفره راح يتعدل راسه انشاءالله لان ولدي بعد صارت فيه نفس المشكله

 

[الأميرة جوري]

استشيري الدكتور

 

[english muffin]

الي اعرفه انها تروح حتى لو خذت وقت

 

[Om_RakanQ8]

يا قلبي انتي لا تخلين الخوف والعجله يسيطر عليج وتلعبين بولدج

وان طولت عادي تروووووووووووح ويرد الراس طبيعي لا اشعه لا مرهم ولا تتعبثين

انا ولدي طالعه من راسه نفس الكوره وراحت لله الحمد بروحها

ولا تتعبثين فيها بيدج والمخده تكون الطبيه اللي مضغوطه من النص

والله يحفظه لج ويجعله ذريه صالحه

 

[t.o.o.ot]

انا في بكري بنت كانت نفس الورمة والحمدلله راحت كنت انومها على المخدة الطبية والبسها كابات دايماَ والحمدلله شوي شوي وراحت لا تحاتين ...عقبااااااال ماتشوفينه معررررس يارب

 

[أم عزيـز]

بصراحه انا بنتي البجر كان فيها صعروره من الشفط والحمدالله شوي شوي خفت وراحت ومالها اي اثر

لا تحاتين دام الدكاتره طمنوج وقالولج انه بخير وجمجمته بخير وهذا المهم
وان شاء الله تخف مع الوقت بس انتي لا توسوسين والله يحفظ لج ولدج ويخليه

 

[سفرجل]

عادي حبيبتي ببجري جذي لا جست راسه ولاشى
حطيت له مخده الي المخصص حق البيبي من الصيدليه وبس نومي البيبي فيه مره على الجنب الايمن ومره الايسر ومع الوقت ان شاءالله يتعدل

 

[barbya_q8]

نوميه على مكان الصعرورة عشان تاخذ شكل الراس وتروح

 

[مشمش أحمر]

عادي بتروح ان شاالله
وبيتعدل راسه اكثر لما بيبدا يتقلب
نيمه ع المخده الطبيه المحفوره من النص

 

[حبيبة عز]

مشكوووووووووووورين وجزاكم الله خير

والله يطمنكم مثل ما طمنتوا قلبي

وان شاء الله يتعدل راسه وتروح الصعروه

أنا الحين أنومه على المخده اللي فيها حفره ..

بس ماقدر ألبسه كبوس أو طاقيه لأن يعصب ويكره أي شي ينحط على راسه ..

بس الحمد لله مالاحظت عليه أي شي غريب

أشكركم من كل قلبي​

 

[zain-alq8]

روحي لواحد من هالدكتورين اضمنلج اياهم فاهمين ومايقولون شي الا باذن الله انهم واثقين دكتور بدر المخيزيم ببرج مزايا بالجابريه او دكتور سليمان السعد بالسلام اذا ماني غلطانه روحيلهم عشان لاتوسوسيين

 

[zain-alq8]

ولاتنسين كل يوم سبع مرات سوره الفاتحه ونفخي عالمكان

 

[أأأميرة الورد]

ان شالله تروووووووح

 

[حبيبة عز]

روحي لواحد من هالدكتورين اضمنلج اياهم فاهمين ومايقولون شي الا باذن الله انهم واثقين دكتور بدر المخيزيم ببرج مزايا بالجابريه او دكتور سليمان السعد بالسلام اذا ماني غلطانه روحيلهم عشان لاتوسوسيين

هلا فيج حبيبتي

أنا أراجع عند دكتور سليكان السعد بالسلام

واهو اللي سواله الاشعه وقالي انها ان شالله تروح

وبصراجه انا وايد مرتاحه حق هالدكتور

بس تعرفين لما يصير شي بعيالج ودج تعطينهم روحج وتسوين كل شي

بس تشوفينهم مرتاحين

مشكورة حبيبتي