راس البيبي فوق بالشهر الثامن ... شلون يقلب ؟

[عروس الدنيا]

بنات انا بالثامن و لي الحين البيبي راسه فوق و مقعده الي تحت و هذي مو اول ولاده والده من قبل طبيعي ... و اخاف هل مره قيصري .... شنو يساعد الجنين على انه يقلب غير سوالف الدايات ماحب اروح لوحده تدهني ...


الي مرت بتجربه مشابهه بليز تفيدني توني باول الثامن

 

[q8helwa]

اولا ادعي ربج
ثانيا سمعت بالحبي احبي يقولون
يفر راس الجاهل

وامشي واجد

والله يسهل عليج

 

[يستفزني غلاك]

اخذي وضعيه السجووود
وسمعت بالحبي
احبي و ادعي ربج الله سبحانه بيده كل شي وكثري الاستغفارر

 

[احبك ليش؟]

حبيبتي لا تخاطرين و تروحين عند دكتور يلف البيبي نصيحه انا بنتي كان راسها فوق من السابع و ما قلبت ولدت قيصري الحمدلله بس في ناس وايد يلف على اخر شي فا ادعي ربح و احبي يقولون هالحركه زينه و السجود بعد

 

[ألــمــاسه]

نصيحه روحي لمحسن طلبه يلف البيبي وايد من العايله مجربينه

ويقدر يولده مقعدي اذا حالتج انتي والبيبي تسمح

وحتى باللف اذا البيبي ما عليه خطر يلفه


نصيحه والله روحي من الحين حييييييييل شاطر بهالامور

اهو بآلامومه

 

[ألــمــاسه]

نصيحه روحي لمحسن طلبه يلف البيبي وايد من العايله مجربينه

ويقدر يولده مقعدي اذا حالتج انتي والبيبي تسمح

وحتى باللف اذا البيبي ما عليه خطر يلفه


نصيحه والله روحي من الحين حييييييييل شاطر بهالامور

اهو بآلامومه

 

[عروس الدنيا]

مشكورين بس اشكثر احبي و لا اسجد المده اقصد ؟؟؟؟

 

[ملح الكون]

اللي اعرفه في حريم بشهرهم يقلب البيبي من روحه ..
والحبي بعد يقولون يقلب البيبي احبي كثر ماتقدرين ..
والله يهون عليج ولادتج وتكون طبيعي يارب ..

 

[om_saleem]

عروس انا بالثامن وراس البيبي فوق .. وسالت الدكتور قالي لا تحاتين انتي والده قبل طبيعي ومرتين الياهل يلف وقت الولاده بالحمل الثاني او الثالث .. وانا احتياط قاعده اطول بالسجود منها ادعي ومنها ياخذ وضعه وان شاءالله مراجعه اليايه يقولي مفتر والله يسهل عليج وعلي يارب .. نصيحه لا تحاتين ولا تفكرين ترى التفكير بالشي والوسواس اهم يزيدون الشي

 

[# غنوجة بيبي #]

يقولون السجود و الحبي استمري يوميا ليم تدشين اسبووع 36

لان بالاسبوع 36 خلاص تثبت الوضعيه

الله يسهل عليج و علينا و يرزقنا بالولاده السهله الطبيعيه يا رب

 

[دلوعه ناعمه]

الحبي انا جربته احبي عالاقل ربع ساعه يوميا والسجود هم حلو جربتهم والحمدلله افتر الياهل وولدت ماشاء الله طبيعي

 

[عروس الدنيا]

مشكورين حبايبي بجرب باجر و الله يعيني عل ثقل انا ماشالله ثقيله ووزني زاااايد احبي دقيقه اتعب

 

[مثايل الوفاء]

عروس عن تجرربه حبيت مشيت سجدت مافاد ورحت لمحسن طلبه وفرلي الراس بالثاامن
وترا سمعت المشي يخليه يثبت بمكانه والله يهوون عليج يارب

 

[soft.eye]

صار معاي نفس الشي كثري بالسجود و احبي انا ركبي قلبو سوود من الحبي وتشققو كله خوف من القيصريه لووول الله يسهل عليج

 

[شربـــات لـــوز]

احبي 10 دقايق
وادعي بقلب صادق
الله يسهل عليج وعلينا

 

[برنسيسة2007]

حبيبتي بنت خالتي نفس خالتج وقرروا عمليه اذا ماتعدل
وقامت تحبي بنصيحة الحريم الكبار والله العظيم التر البيبي مع الحبو

 

[برنسيسة2007]

حبيبتي بنت خالتي نفس خالتج وقرروا عمليه اذا ماتعدل
وقامت تحبي بنصيحة الحريم الكبار والله العظيم التر البيبي مع الحبو

 

[انتيكا]

الحبي والسجود يعدل وضع البيبي وعادي مدام مو اول ولاده يفتر متاخر البجر اللي لازم يفتر مبجر

 

[مبدعة111]

ربي يسهل عليك ااختي توك في بداية الثامن ان شاء الله مع الوقت يقلب لتحت