راحت فرحتي بساعتي

[feelings]

السلام
خواتي الله يخليكم ردو علي

امس طول الليل محتره حديييييييييييييييييييييييي

كنا في بيت الحموله و قعدو حريم الحموان يتناقزون على الساعات التقليد و انا مثل الغبيه مووووووووووووو فاهمه و اسولف معاهم بكل غباء و لمن شافوني ما فهمت النغزه قطوها بويهي ان وحده منهم ما كانت حاظره اليمعه قايله اني ساعتي تقليد ( رولكس ) و الله العالم اني شاريتها اصليهو احترييييييييييييييييييييييييييييييييييييييييييييييييييييييييييت
قلتلهم ما يهمني رايها و سكت بس لمن طلعت حسيت ان ردي مو كافي و ان اهما مسوين هالتمثيليه كلها لانهم مو مصدقين انها اصليه مع انهم دووووووووووووووم يشوفون جناطي برادا و ميوميو و جوتشي و ال في و توني قايلتلهم اني شريت الشانيل حق العيد
حدي انقهرت و احتريت اني ما رديت الرد اللي برد جبدي و اللي كمل السالفه انه وحده منهم اطلبت اني افصخ الساعه و اقعدت اهي و اللي يمها يقولبون فيها ؟؟؟؟؟؟؟؟؟؟؟؟؟؟؟؟؟؟؟؟؟؟؟ و انا حدي مستانسه انهم معجبين بالساعه اثاري يبون يجيكون اذا اصليه او لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
امبي اسلوب وااااااااااااطي و اسلوب بنات فقر مع العلم انهم اكبر مني ب وايد و انحرج اقط عليهم كلام بس حجوتهم تحر تحر

شسوي مو قادره اصبر

 

[انتظر حبه]

رد : راحت فرحتي بساعتي

انتي قلتيها بناات فقر محتراات والله عطيهم طااف ولاتحريين نفسج

 

[زهراء الركابي]

رد : راحت فرحتي بساعتي

اهم شي انه الساعه عاجبتج


انا لا في شي عجبني مايهمني سعره حتى لو يكون بفلس دامه عاجبني ما اهتم لكلام الناس

 

[feelings]

بس انا مو لازم اسكت لازم ابينلهم المره اليايه
تخيلي انج مستانسه بشي قيمته الاف و تيي وحده تقط عليج حجي و انتي مثل الهبله ؟
و الصدمه اني بايعه عليهم جناطي الماركات القديمه ؟؟؟؟؟؟ يعني لابسين فضلتي و يتفلسفون؟؟؟؟؟؟

 

[feelings]

رد: رد : راحت فرحتي بساعتي

اهم شي انه الساعه عاجبتج


انا لا في شي عجبني مايهمني سعره حتى لو يكون بفلس دامه عاجبني ما اهتم لكلام الناس

انا كل شي اسولف لهم بو دينار و بوعشره و بو الف اقولهم كل شي يعني الاسلوب اهو الحقير هذي مو طريقة بنات اوادم هذي طريقة بنات فقر

 

[*سحآبة*]

رد : راحت فرحتي بساعتي

محتراااااااااااااااااااااااااااااااااااااااااااااااااااات


اصغر منهم ودلع ودلال وكشخه وياربي لك الحمد



شتبين فيهم؟

 

[miss_jamsheer]

ردج كان كافي اصلا محترين ويبون يحرونج ويطفرونج بس عشانهم حاسين بالنقص تركيهم عنج اشكره الحره عامله عمايلها

 

[DaShTeYa_Q8]

حبيبتي ماعليج هذول ودهم يصيرون نفسج وودهم يكون عندهم مثل ما عندج
انتي بس من اييبون الطاري او تدشين عليهم قوولي بقلبج " قل أعوذ برب الفلق " و " قل أعوذ برب الناس "

وبعدين حرام تقولين فضلتي ميخالف عامليهم بالحسنة وماعليج منهم عشان تكسبينهم
تره الماركات والملابس والجناط وهالسوالف مو كل شي بالدنيا
خل يتحجون من اهني لي باجر اهم ودهم يكون عندهم جذي .. اذا تحجو عن التقليد مرة ثانية جاريهم بالحجي وخلج عادي

ميخالف مسكي نفسج عشان ماتكبر المشاكل ويكرهونج

 

[randomy]

حبيبتي الزم ماعليج بيتج وريلج وعيالج

لاتتطاحنين مع الحموله علشان ساعه !

قالوا ولا ما قالوا صج بنات فقر يقلبون بالساعه بعد !!

لاتحرين عمرج طاااااااااااف

 

[روحي تحبه غصب]

لا تحرين نفسج وطنشي

وخليج واثقه من نفسج وياجبل مايهزج ريح

صدقيني ماتقامزوا جدامج الا محترين فطنشي

 

[blue diamond]

طاف واللي مايطول العنب حامض عنه يقول

 

[feelings]

مشكوووووووووووووووووووووووووووووووووووورين
الف شكر لكم كلكم

بس الله يخليكم ابي كلمه او حجوه بادب اريبيهم فيها
ابي كلمه تحسسهم بغلطهم مو شرط اطول لساني او كلام يجرح بس ابي شي بيرد جبدي

 

[ام كوشه منكووشه]

رد : راحت فرحتي بساعتي

يا قلبي لا تحرين عمرج ولاشي
ترفعي عنهم لا تردين ولا شي خليهم يقولون اللى يقولونه هذي الحره وماتسوي فيهم

 

[زهراء الركابي]

رد : راحت فرحتي بساعتي

يقولون الحقران يقطع المصرااااااااااااااااااااااااااااااااان


احقريهم يقولون اللي يقولونه

 

[لوازم العائلة]

رد : راحت فرحتي بساعتي

محترين اشكره
لو منج اقط الفاتوره بويهم

 

[feelings]

ابي يرد يحطهم عند حدهم بس

 

[للزين هيبه]

بطقااااااق
شعرفهم بالماركات عشتوا
.....
طااف يبا طاااف
اهم شي قهرتيهم وقعدوا يوسوسوون بسااعتج ولا شنطط عيووونهم علييييييييييج
فديتج بس حقريهم

 

[نشيج الروح]

آسفة بس سوالف يهال .... و الاهتمام بالمظاهر شي حلو لكن ما يوصل لي درجة التفاخر فيها ... وأنا إذا بشتري ماركة مو عشان أوري الناس أني كشخة وعشان يقولون عني كشخة ... إذا بشتري عشان شي حلو يكد معاي كددد ....
فإذا شفتي بنات مثلهم وحدة من الثنتين إما تحملينهم وتسمعين كلامهم وتطنشين لأنه هالشي المفروض ما يهمج دام أنج مقتنعة وتغيرين الموضوع .... أو تقومين وتمشين إذا ما تحملين كلام الناس ...
ولا يهمج كلامهم وطنشي فيهم خل يقولون الي يقولونه هم بالأخير الكلام موجه لهم

 

[feelings]

رد: رد : راحت فرحتي بساعتي

محترين اشكره
لو منج اقط الفاتوره بويهم

هذي الحركة اللي بمووووووووووووووت وودي اسويها بس احس اني عطيتهم اللي يبونه ودليل اني شلت السالفه براسي من الاسبوع اللي طاف و اني مو واثقه من نفسي ؟ ودي اسويها و شكله هذا اللي راح يصير بس مو مقتنعه لاني عمري ما سويتها حق رفيجاتي شلون اسويها حق الغريب اذا خواتي ما نشوف فواتير بعض امبيه ؟ راسي قام يعورني من الحره

 

[للزين هيبه]

والله لو انا منج لاالبسهااا كل يوووم وكل شوووي
وكل دقيقتين وخمس ثوااني
....
اقووول شرايكم بسااعتي تخيلوو غاااليه حيييييل
مادري احس مو عاجبتني
,,..,,
وخليج هيييك كل دقيقتيين مو تنسييين >>>>