راتبي موقف الله يعافيكم إلي في المنطقة التعليمية ساعدوني والله لأدعيلج

[& أم جمال &]

بنات منطقة الفروانية التعليمية أفيدوني أنا مدرسة ومنتدبة لمجلس الأمة وانتهي ندبي بالصيف وما سويت مباشرة لان المدارس مسكرة الحين يقولون كان لازم تداومين بالمنطقة التعليمية بالصيف إدارية ولما تفتح المدارس تردين المدرسة

ألحين مسوين فيني إنقطاع عن العمل بالصيف وخصم وإيقاف راتب الله يعافيكم في قرار جذي ولا يألفون​

 

[ام دودو المزيونه]

انشاء الله البنات يفيدونج ما عندي فكره بس حرام جان دقوا عليج

 

[(كويتيه عسل)]

انا موتابعه للفروانيه بس حبيت ارد عليج واريحج

احسن حل تروحين المنطقه التعليمية او الوزارة باجر من الصبح

وتاخذين كل اوراقج وتكلمينهم وتشوفين شسالفه

والله يسهل امورج ويوفقج اللهم آمين

 

[قـوت القـلوب]

رد : راتبي موقف الله يعافيكم إلي في المنطقة التعليمية ساعدوني والله لأدعيلج

الله يعينج ما عندي فكره بس من سأل ماتاه

 

[الشامريه]

اي شي تدوامين بالمنطقه التعليميه؟؟؟؟؟؟؟

 

[& أم جمال &]

بنات منو تشتغل بمنطقة الفروانية التعليمية تفيدني

 

[اللاندكروز]

روحي للفروانية التعليمية وسئلي المسئولين مو الموظفات يعني مثلا دشي على المراقب نفسه مو تسئلينالموظفات فيدج أكثر ..

 

[نسكافيه بالحليب]

اتوقع صح كلامهم لأن اللي ترجع من إجازة وتكون المدارس معطله تباشر في المنطقة التعليمية وإلا ينحسب لها انقطاع عن العمل وانقطاعج تجاوز ال 15 يوم وبالقانون يوقفون راتبج ولازم تسوين تكييف انقطاع عشان يكيفون الفترة ويردون ينزلون راتبج

 

[سمو الغلآ]

رد : راتبي موقف الله يعافيكم إلي في المنطقة التعليمية ساعدوني والله لأدعيلج

لازم تراجعيين المنطقه يوم وقف انتدابج والمدارس مسسكره جان رجعتي المنطقه التعلييميه

المهم اللحين قسم الاجازاتوالدوام وسألييهم ...

رووحي عند اللي مسكه مدرستج

 

[المتميزة*]

راجعي المنطقة التعليمية واخذي اوراقج لان اللي ترد من اجازة دراسية والمدارس مسكرة لازم تداوم في المنطقة التعليمية عشان يمشي معاشها ولو ماداومت ينخصم عليها هذه الفترة .
راجعي بسرعه والله يوفقج بس عندي سؤال :
يصير المدرسة تطلب ندب لمجلس الامة واشلون الطريقة ولازم واسطة ؟
جزاج الله خيير والله يسهل امورج دنيا وآخرة .

 

[أميرة الصدق]

حبيبتي الله يوفقج شلون سويتي ندب لمجلس الأمة ؟
يصير عادي والا استخدمتي واسطة ؟